انطباعي عن لايدج 2011 بعد الصيانة المجانية الأولي لـ 8000 كيلو

السلام عليكم
لازم تكون السيارة شغالة .....وقت التحميل راح يحطلك الموقع الخطوات ...بس لا بد من ان تكون السيارة شغالة ...

أخوي راجع الرابط التالي .. قمت بفتح موضوع جديد وكتبت التفاصيل ..

http://www.assayyarat.com/forums/thread248517.html#post2685481

وبالنسبة لسؤالك . هي تجي قطعتين فقط .. باب السائق والراكب الأمامي فقط .. وليس أربع ..

كيف طريقة التحميل
بمعنى وضعية السيارة شغالة والا طافية
الله لا يهينك

السلام عليكم
هلا وغلا بالمايستروووو ....بصراحة لا تعليق ...ان شاء الله انه شر انزاح ...والله يعوك خير ويطمن قلبك بسيارتك ....

بالنسبة للشاشة وتحديثها يا شباب ما يسوى ترووح الوكالة ...انا حملت التحديث من رابط سينك ...وركبته عندي في فلاش ميموري ...وحدثته في 45 دقيقة ....وزي الحلاوة ما شاء الله تبارك الله ....بس صراحة في البداية عكيت شوي الين ركبته لانه قمت استدلخ بس ضبطته في النهاية ....
وطريقته سهله جدا ما تاخذ 45 دقيقة بس انتظار ....بس اذا شفته مطول في احدى المراحل لا تستهبل زيي وتفصل الفلاش ....لأني فكرة انه علق ...وبديت من اول وجديد ...
ههههههههههه
المهم يا شباب والله ما تسوى روحة الوكالة ...أجيب لكم الرابط التالي ....
http://www.syncmyride.com/Own/Modules/UserManagement/GuestLogin.aspx?intcmp=fv-fv-a2b08c08d000730e00f00g08h00j00k25m3n0p20110401%3ffmccmp%3dfv-smr-a2b08c08d000863e00f00g08h00j00k25m1n0p20110907
بعدين دخل رقم الهيكل من الاستمارة ....بعدين اختار الولايات المتحدة بعدين ابدا التحميل في فلاش ميموري يكون فاضي ....


وراح تدعون لي ....ما راح تحس في فرق بعد التحديث الا انه الجهاز ما يعلق ....+ اسرع من قبل ....

لكم شكري واي استفسار انا حاضر

السلام عليكم أخواني الأعزاء ..
سوف أرد عليكم بالتفصيل غدا بإذن الله .. تفاصيل التركيب مع صور سيارتي مع الإضاءة ..

هلا بك يا المايستروووو ... يقول المثل من طول الغيبة جاء بالغنائم ههههههه

على العموم الي صار معاك شي يرفع الضغط من جد و لاحظت على موظفين التوكيلات اذا توهقو بشي ما يقولون لك ...

ومدام اكتشفو الاشياء هاذي من بدري ان شاء الله خير و السيارة بطلة وما عليها كلام ...

وبالنسبة للــ MFT ان شاء الله راح احجز موعد عشان اسوي لها برمجة الاسبوع الجاي لن الشاشة بطيئة بقوة و لاحظت الشي هذا بعد ما جربت شاشة MFT للاكسبلورر 2011 بالمعرض ....

اخوك FireBox

ماشاء الله تبارك الله

صراحه , مو ركبتها براسي , الا خلاص قررت اني اركبها
بس يوم فتحت الرابط اللي انت حاطه لقيت 3 انواع كما في الصوره ... بس مو عارف اي وحده تناسب سيارتي .. علما بان سيارتي الاعلى فئه .. اللي يجي من داخل اسود والجلد بني محروووق ..
الرجاء مساعدتي لاني نويت اشتريها ..
كمان فيه سؤال ثاني ..
ليش تجي اربع حبات , ؟ بينما اللي موجود في السياره حبتين .. الابواب الاماميه فقط .. والا انا غلطان ؟؟؟؟



شكرا

السلام عليكم ورحمة الله و بركاته
كيفكم , ان شاء الله بخير ..
منورررررررررين شباب ,,
معليش عالغيبه الطويله ... لظروف العمل
كيفك يا صندوق الناااااااااااااااار .. منور المنتدى

باختصار شديد ,, حبيت اعطيكم موجز على الصيانه الاولى 8000 كلم لسيارتي
طبعا حتى 8000 الاف ,,, الانطباع عني عالتعريف عن السياره و ما ابي اجلس اعيد وازيد
باختصار السياره ماشاء الله روووووووووعه

بخصوص الصيانه ...
- مع انها اول مررررره اتعامل مع شركة فوووورد بس بصراحه كان الاستقبال والتعامل سيئ خصوصا من موظف الاستقبال ... المرررره ذي سكت ومشيتها الصيانه الجايه ناوي اخررررب بيته
-طبعا طلعوا في سيارتي تهريب زيت في الصوفه حقت الدفع الرباعي.. مما ادى الى ترك السياره عندهم لمدة تزيد عن اسبوع .. طبعا انا ارتفع ضغطي .. كل يوم يقولون لي بكره بكره وسرى الليل .... وش رايكم في المشكله .... عاديه والا لا

- الفتحه حقت السياره كانت تعلق من اول ... بس نظفوها والحين اوكيه
- نظام الاوامر الصوتيه ,, على نهاية ال 8000 كلم صارت الاوامر الصوتيه سكرانه تخبص... طبعا سووا لها برمجه ورجعت اوكيه
اللي محيرني .. اذا السياره توها جديده وقامت بعض الشغلات تخرب .. هذا يعطيني طابع سيء في المستقبل ان السياره ما تصبر .. !!!!!!!!!!

اللي قاهرني انهم غطوااا عني موضوع التهريب في الصوفه حتى سويت لهم مشكله .. والا كنت ما رح ادري ... واللي فضحهم انو ما فيه قطع غيار عشان كذه تاخرت

عموما .... اول صيانه صراحه كنت مستاء جدا وانا خايف من القادم ..

ارائكم يا الحبايب

هلابك اخوي ...

يعطيك العافية على فكرة الاضائة الجانبية و دخلتها براسي ولكن سوالي لك كيف شبكت الكهرب ؟؟؟
لني ماابي ارهم لها اسلاك و العب بالظفيرة ....

وبالنسبة لصرفية البنزين كلامك صحيح الصرفية زايدة شوي والسبب بالعادة سرعتي من 140 الى 160 وماازيد واعبيها قبل ما توصل الربع او قبل ما تولع لمبة البنزين و اذا كنت داخل مدينة تكون الصرفية اكثر من لما يكون الخط مستقيم وتمشي على سرعة ثابتة و كثر الدعس للسيارة يزيد من الصرفية واعبيها بالاسبوع مرتين ... واذا كنت ماسك خط تمشيني من من 400 الى 500 كيلو بالراحة ولاحظت الشي هذا بالسفر ... و بالنهاية صرفية البنزين تعتمد على اسلوب الشخص بالقيادة وقيادتي للسيارة ماهي بقيادة توفير بنزين يعني مستحيل اقعد اكثر من 4 ايام بدون ما اعبي مرة ثانية ...

وشكرا

إخواني أصحاب الإيدج ....حبيت أشارككم بأنني قمت بتركيب قواعد مضيئة أسفل الأبواب الأمامية بشعار الإيدج - كما في الصورة في الرابط التالي:

http://www.ford.ca/photos/vehicles/2011/Edge/accessories/521x290/_0009_DTLACIN_EDGE_2011_18D.jpg

ماشاء الله لما تفتح الباب في الليل تنبهر بشعار الإيدج بالضوء الأبيض .. روعة ماشاء الله .

القطعة أصلية من فورد .. يمكنكم شراؤها من الموقع الرسمي لإكسسوارات فورد .. طبعا تتوفر ألوان حسب لون داخلية السيارة وحسب الموديل (حيث أن شعار الإيدج تغير مع موديل 2011) .. أنا عندي بيج ..

تركيبها سهل .. تستغرق حوالي 20 دقيقة .. ركبتها بنفسي ...

أنا طلبتها من الموقع التالي :
http://partscheap.commerce-search.net/advsearch?keywords=ford+edge+sill

التكلفة (للطقم المكون من قطعتين للبابين الأماميين):
190 دولار مع الشحن داخل أمريكا . (725 ريال)
الشحن من أمريكا إلي السعودية عن طريق آرامكس شوب آند شيب بـ 216 ريال .
المجموع : 941 ريال .. صحيح غالي شوي بس والله شئ روعة .. أول ما تفتح الباب تحس بالفخامة ..

سألت عنه في الوكالة .. قالوا لي ماعندهم .. فرع طريق الدمام-الخبر ..

كما أنني قمت بتحويل معظم الأنوار الداخلية الصفراء إلى أنوار LED بيضاء (أنوار الخرائط الأمامية والخلفية ، أنوار اللوحات الخلفية ، أنوار الشنطة) ..

ماشاء الله تبارك الله .. السيارة رائعة في الليل ...

السلام عليكم أخوي ..

بس استغربت شوي من استهلاك البنزين عندك .. حسب كلامك لو قلنا أنك تمشي حوالي 50 كيلو في اليوم يعني في الـ 4 أيام 200 كيلو فقط .. معقولة تعبي بنزين كل 4 أيام ؟

عندي إيدج ليميتد 2010 وأعبي فل لما يولع اللمبة تقريبا بـ 30 ريال (بنزين 91) وتمشيني 470-500 كيلو تقريبا .. (عادة 6-7 أيام بالنسبة لي).

طبعا أعرف أن محرك موديل 2010 (265 حصان) غير عن محرك موديل 2011 (285 حصان) .. ربما هذا سبب الفرق في استهلاك البنزين

^^^^^^^^^^^^^^

هلابك اخوي ....

الصرفية جيدة جدا بحيث اني اعبي التانكي بنزين 91 فل الكلفة من 24 الى 28 ريال كل ثلاث الى اربع ايام والمشاوير دوام بيت و كم شغله اخلصها بالمرة يعني تقريبا من 30 الى 50 كيلو باليوم ولا تنسى انها دفع رباعي ....

وبالنسبة لحجم المحرك 3.5 ليتر او 3500 CC ستة سلندر بقوة 285 حصان و 253 تورك ..

وبالنسبة للزيت ما ادري و السبب اسوي لها صيانة مجانية كل 8000 كيلو في الوكالة ...

وبالنسبة للشكل اشوف ان الاكسبلورر اجمل من الايدج ...

وبالنسبة للمواصفات تقريبا زيها بتفوق بسيط للاكسبلورر ...
4WD + نظام ترين مانجمنت او Terrain Management System للتحكم في دفع السيارة + صف مقاعد ثالث + احزمة خلفية بنظام air bag + الارقام السرية مخفية زي التورس ...



وشكرا ...

السلام عليكم ورحمة الله وبركاته

يعطيك العافية اخوي فاير بوكس
على التقرير الطيب ومدحك للسيارة اللي منها خلالها اشترى الاخ ابو هاني هذه التحفه
الله يعطيك خيرها ويكفيك شرها ويبعد عنك عين الحسود

عندي بعض الاسئلة واتمنى ما تكون مكررة لاني لم اطلع لكامل التقرير نظرا لسوء الاتصال لدي

سؤالي / ماهو تقييمك لصريفه السيارة من حيث البنزين ..
واذا عندك علم كم سعة المحرك بـ الـ CC

وكم علبه زيت برأيك تستهلك ..

وبالمقارنة مع الاسكبلورر الشكل الجديد والايدج .. ايهما اروع برأيك ؟؟؟

وهل مواصفات الايدج تقريبا هي نفسها في الاكسبلورر ام الايدج افضل من حيث التقنية والتكنولوجيا ؟؟

السموحه على الإطاله

مشكورررر على الاخبار .... واذا افكر اشتري سيارة بالمستقبل راح اشتري اكسبلورر

وعلى فكرة ، حسب مصادر متعددة ، يبدو أن الإيدج 2014 سوف يتوفر فقط بمحرك إيكوبوست 4 سلندر تيربو سوبر تشارجد . وداعا لمحرك الـ 6 سلندر مع نهاية موديل 2013

محرك الـ 6 سلندر الحالي يولد 285 حصان عند 6500 دورة في الدقيقة (SEL & Limited(
محرك الـ 6 سلندر الحالي يولد 305 حصان عند 6500 دورة في الدقيقة (Sport(
محرك إيكوبوست 4 سلندر يولد فقط 240 حصان عند 5500 دورة في الدقيقة

يعني اللي يبي إيدج ، يشتري قبل موديل 2014

http://www.autoguide.com/auto-news/2011/07/2014-ford-edge-to-drop-v6-go-turbo-4-cylinder-only.html

http://www.carbuzz.com/news/2011/7/9/2014-Ford-Edge-to-Go-Exclusively-Turbo-4-Cylinder-7703821/

صدقت والله .. الله يطول في أعمارنا ويجعلنا من عباده الصالحين ..

ثلاث سنوات فينا العايش وفينا الميت ....

الى ذاك اليوم يحلها حلال :smilie16: