أوريون الجديد أو أكورد الجديد

maestro_x6 @user_259255 · 23-04-2011

بسم الله الرحمن الرحيم

السلام عليكم ورحمة الله وبركاته

كيف حالكم شباآب ؟

حبيت تفيدوني في سيارتين لأني ناوي ان شاء الله أشتري سيارة السنة الجاية بس متحير بين الأوريون والأكورد ..

أنا كان ميولي للأوريون بس جا واحد من الشباب وقالي الاكورد افضل داخليتها وانا الصراحة مو عارف شنو اللي أختار ..

فأرجوا من اللي عنده معلومات عن السيارتين يعطيني معلوماته ورايه فيهم وسعرهم ..

طبعا الأوريون فئة قراندي سبورت والاكورد فئة فل أوبشن 6 سلندر ..

ان شاء الله ما أكون أطلت عليكم .. :smile:

تحيــــاتـي

قوة عزم @user_259483 · 26-04-2011

الاوريون سيارة جميلة ولاتنسى اذا حبيت تغير السيارة وجيت نزلتها المعارض راح تجيب لك سعر طيب واسال الله ان يوفقك

t0oto0 @user_257246 · 25-04-2011

أخوي أنصحك بالاكورد صراحة أفضل من الاورويون شكلاً ..
الاورويون فيه من نفس الشركة الأفضل منها وهو الافالون فهذي برأيي أعتبرها سلبية بالاورويون أما الاكورد تنافس ماهي أفضل من الاورويون " الافالون " << أدري خرابيط بس أتمنى فهمت خخخخ :bigggrin:
وغير كذا الاكورد تحس شكلها فيه حركة أكثرر بخلاف الاوريون اللي تشبه الكامري وأقل تميز عن الاكورد عالعموم الراي أولا وآخرا راجع لك والله يوفقك تقبل تحياتي :)

ttoo @user_49415 · 23-04-2011

انا عن نفسي انصحك بالهوندا اكورد افضل من الاوريون بكثير .
تحس نفسك راكب سيارة فيها جودة ومتماسكه والرساوة اووكي لكن وكيل تويوتا افضل من الهوندا حبتين .
والاوريون مشاكلها كثير ومنها مشاكل القير الي ماتخلص وتقدر تبحث عن ذلك .
........

تقبل تحياتي .

genes power @user_202671 · 23-04-2011

وعليكم السلام ورحمة الله وبركاته

بما ان الشراء في السنة القادمة؛ فيستحسن الانتظار لانو قدامك شهوووور

وقريبا بتنزل سيارات جديدة وممكن تغير رايك

ومنهم الجيل الجديد من الاكورد والكامري وربما الاوريون وغيرها من السيارات

لكن حاليا افضل الاكورد لجودتها وثباتها وتحملها

وميزة الاوريون الاسعار الرخيصة للقطع بعكس الاكورد

والعزم القوي والوكيل الجيد

وبالتوفيق^^"

عسكريم @user_71240 · 23-04-2011

اذا بتشتري السنه الجايه احتمال كبير يكون فيه تغير على السيارات المذكوره

لكن حاليا الاكورد ..

بالتوفيق

ALI.19 @user_258679 · 23-04-2011

اكورد بدون مقآرنهـ بس مشكلتهآ .. قطع غيارها .. غالي .. ^_*

أكورد. @user_232169 · 23-04-2011

الـ 6 سلندر في الاكورد اقل مشاكل من الـ 4 سلندر

sloo0 @user_232864 · 23-04-2011

والله اذا كنت من حقون سرعه والذي منو مالك الىا الأوريون

اما ركادهـ وتبغىا شي رسمي وشبابي وانيق الأكورد من دون مقارنه

انا معايه كامري وجهة نظري تاخذ اكورد صراحه سيارهـ تحسها قطعه وحده

مو كل قطعه فجهه انشالله انك فهمتني:smilie16:

maestro_x6 @user_259255 صاحب الموضوع · 23-04-2011

يعطيك العافية super_safari على التوضيح

بس انا حاب الستة لانها أسرع .. بس ما قلت لي عن أسعارهم

maestro_x6 @user_259255 صاحب الموضوع · 23-04-2011

تسلم حبيبي قطيفي وانا عارف هالشي بس حاب اعرف تفاصيل اكثر
مثل هل تتحمل الطرق ولا لا .. اشلون عزمها والى كم تدوم اذا كنت انت راعي طرق

super_safari @user_201024 · 23-04-2011

و عليكم السلام و رحمة الله و بركاته.

برأيي: أكورد لعدة أسباب:
1- صناعية يابانية و هذا يفرق في الجودة و ليس مثل التجميع الأسترالي بتاتًا.
2- الوكيل ما لعب بالهوندا. يعني ما قلل المواصفات و لا بدّل المسجل و لا الجنوط .. يعني شد بلد.
3- مشاكل صيانة أقل.
4- تقنية الثبات في السرعة أفضل بكثير.
5- فخامة من الداخل في الديكورات , و من الخارج في التصميم الأنيق.

لا يوجد فرق في أسعار قطع الغيار للمعلومية. نفس المستوى.

و أنصحك تأخذ 4 سلندر و ابعد عن الستة لأن قطعها أغلى و أقل اعتمادية.

هذه وجهة نظري و الله يوفقك.

khatti @user_223830 · 23-04-2011

شوف انا ابعطيك الزبدة ما ابلف وادور معك هم كلهم جملتين

تبي السرعة بس جودة الموتر مشي حال خذ الاوريون

تبي تكشخ وقوة ماشاء الله في الاكورد 6 سلندر وانت ورأيك مافي احد يقدر يجبرك على شي

ومبروووووك مقدما:wink: