محتار بين برادو و تاهو

احسنت الاختيار

ألف مبروك

السلام عليكم ورحمة الله و بركاته
أنا لدي سيارة برادو 2011 6 سلندر
ولدي أيضا يوكن 2010
ومن المعروف أن مكينة وحجم اليوكن نفس التاهو تقريبا و نفس الوكيل وقطع الغيار تقريبا
------------------------------------------------------------------------------------------
نبدأ بالمميزات للبرادو:
البرادو سيارة حجمها أصغر من اليوكن والتاهو
عزم قوي جدا
سيارة سريعة وقوية وجبارة
مساحتها الداخلية ممتازة جدا
وليست ضخمة مثل اليوكن و التاهو
راحة تامة للمقاعد
إقتصادية في البنزين
ناعمة جدا على الطرقات السريعة و الطرق الأخرى
دواسة البنزين خفيفة
الفرامل ناعم جدا
ممتعة في التجول و القيادة
سيارة تلبي كل الحاجات
مريحة للأشخاص الكبار عند الجلوس في المقاعد الخلفية
------------------------------------------------------------------------------------------

مميزات التاهو:
سيارة ضخمة وقوية وصلبة
لا تتأثر في الحوادث البسيطة و لا ينجم عنها آثار
سيارة مدرعة
دواسة البنزين ناعمة
عزم قوي وإنطلاق سريع
الطارة ناعمة في التحرك
سيارة واسعة من الداخل
متعة القيادة
------------------------------------------------------------------------------------------

عيوب التاهو:
المراتب ضخمة وكبيرة أكثر من البرادو وأنا أشوف أنه ما له داعي التضخييم هذا كله
الفرامل يابسة شوية
سيارة ضخمة وثقيلة في التحرك يمكن لا تناسب البعض
الكراسي ما تنطوي على مستوى واحد بخلاف البرادو
الكراسي اللي في الشنطة غير مريحة للكبار لأن (أكرمكم الله) موضع القدم مرتفع و هذا ماهو مريح القدم
يعني توصل المشوار و رجلك منملة و مخدرة:bigggrin:
كراسي الصف الثاني اللي خلف السائق لا تتحرك للخلف و الأمام بخلاف البرادو



------------------------------------------------------------------------------------------
و الأمر راجع لك :
هل لديك عائلة كبيرة؟
هل تخرج للبر كثيرا؟
هل إستخدامك للسيارة عائلي أم شخصي؟
------------------------------------------------------------------------------------------
طبعا البرادو أغلى من التاهو
------------------------------------------------------------------------------------------
أنا من وجهة نظري: أفضل البرادو أكثر من التاهو
البرادو سيارة حلوة و خفيفة ومريحة
و التاهو حلوة وقوية
لكن القرار يعود لحسب الإستخدام
------------------------------------------------------------------------------------------
أرجو من الكل أنهم لا يزعلو مني إذا ما عجبهم ردي
------------------------------------------------------------------------------------------
لا تنسوا ذكر الله
كل عام وأنتم بألف خير
وشكرا

الســــــــــــــــــــــــــ عليكم ـــــــــــــــــــــــــــلام
التاهو واليوكن والسيارات الدفع الرباعي التي يكون فيها "دبــل" على شكل ازرار لمس او فراراو غيرها هذه برأي الشخصي ما هي زينه لانها تتعطل بسبب حســــاساتها ,
وهذا عن تجربــــه ولين الحين اعـــاني من الدبل اللي ما كأنه مركب في سيارتي اليوكن 2006 وغيري كثير يشتكون
اما الدبل العادي " الذراع " اشوفه افضل واضمن
والله اعـــــلم وأجــــل

أخوتي الفضلاء ، سرّني واسعدني هذا التجاوب والتعاون ، جزاكم الله عني كل الخير وبارك الله فيكم جميعا ، فتجاربكم ونصائحكم كانت في غاية النفع والفائدة ، جعلكم الله من السعداء في الدنيا والآخرة

والحمد لله عزمت على برادو الساير TXL2 بفتحة واسبير علاق وتانكي لتر ، وإن شاء الله يكون هذا الخيار طيب ( بعد الإستخارة ) ، أما التاهو بصراحة بعد ما شفته قبل يومين في أحد المعارض وركبت عليه حسّيت أنه كبير مرة وممكن تكزن قيادته مجهدة في المدن المزدحمة مثل الدمام عندنا ، وعائلتي صغيرة فكلنا خمسة اشخاص ، والله يوفقنا في الشراء لأنه بصراحة إلى الآن الأمور معقدة فما حصلت أي برادو حتى السعودي ! على الرغم من أن راح أدفع كاش وأموري المادية متيسرة ولله الحمد
أتمنى اللي يقدر يدلّني على سعر برادو الساير وهل هو متوفر لأني ما قدرت أحصل رقم وكالة الساير بسبب أن أغلب أرقام هواتف الوكالة الموجودة في النت تم تغييرها في الكويت



أخي الفاضل ، ردّيت عليك برسالة خاصة وعذا على التأخير بسبب ظروف خاصة ، دمت بكل الود

اولا


اقول للاخ New

الله يجزاك خير



انا بقول لك نصيحه بحكم ان كان عندي تاهو 2009 LT دبل و المنتدى كله يعرف هذا الشي
و هذي صورته



تاهو قصير 2009 LT سياره ممتازه

داخل المدينه

جيده و لما تتعود عليها تحس انك تسوق كامري
عيوب السياره في الحواري و الشوارع الضيقه بسبب المريات ولو GM
خلو التحكم في المريات تحكم بسفطها من الداخل كان زين
9|10

الخطوط السريعه الطويله

مسكت فيه خط مكه - الدمام اعلى سرعه 160 ك عدة مرات طبعا الاجواء كانت في بعض المناطق
حوسه يعني جربته في جميع الاحوال الجويه على الخطوط السريعه و تختلف السرعه على حسب
الجو
عيوب التاهو على الخط شي واحد صوت الهوى مزعج نوعا ما لكن مع المشي تتعود و تنساه
لكن ما تحس في السرعه ابد رساوه غير طبيعيه اعطيها
10 | 10

في البر
السياره جيده جدا و عيبها الخلوص الارضي لان صادمها نازل
و بعدين لا تنسى انك ما تبيها للبر يعني وقت ما دعت الحاجه
8|10

بعتها و هي في حدود 40000 ك

البرادو

2010 VX 1


داخل المدينه ممتازه حجمها مناسب جدا

10 | 10

سياره ممتازه

الخطوط السريعه
مسكت فيها خط مكه - الدمام في جميع الاجواء اعلى سرعه وصلت 160 ك و خفت بصراحه
و نزلت السرعه الى 130 ك رساوت السياره جيده نوعا ما في السرعات العاديه
لكن توصل و تحس نفسك مرهق شوي 7|10

البر
ممتازه ارتفاعها مممتاز و ما يحتاج اشرح 10 | 10
الى الن وصلت 30000 ك

بالنسبه للسيارتين

التاهو تتفوق في الخطوط الطويله و فيها تقنيات افضل من البرادو مثل حساسات الكفرات
تشغيل عن بعد الحجم و اقتصاديه في البنزين يكفي انك تدق سلف و انت نايم في البيت
و اذا حمت السياره تطفي لحالها ينقصها ثلاجه

البرادو

ما تقدر تشغلها عن بعد اذا شغلت السياره ما تقدر تقفل الابواب و الراكب ما عنده زر تحكم اغلاق
الابواب و هذا غباء من اليابانين

بالنسبه لي التاهو افضل من البرادو

هذا الي قدرت اكتبه اليوم



اي استفسار انا موجود

اذا كنت
راعي طلعات للبر كثيرة و رجلك حارة و عائلتك صغيرة خذ لك برادو

اما اذا كنت
راعي طلعات خفيفة و رجلك خفيفة و عائلتك كبيرة و راعي سفر خذ لك تاهو

تحياتي اليك

أنا كان عندي نفس الحيرة إلي إنت فيها
لدرجة إني اشتريت برادوا و دفعت قيمته و خلصت بس كان 4 سلندر
طبعاً قبل ما استلم السيارة جلست يومين أفر المواقع و أسأل أهل الخبرة و لا أحد نصحني فيه عشان 4 سلندر
قلت خلاص نزيد المبلغ شويه و ناخذ 6 سلندر ، مع العلم ان الفرق 25000 و إلا أشوف المعارض مغلية سعره لدرجة اني لقيته وصل إلى 152 ألف ريال !!!!!!
قلت بما إني وصلت لهذا المبلغ لازم أراجع حساباتي
حرام أدفع 150 و في النهاية برادو حتى ماهي لاندكروزر
وحرام اشتري برادوا 4سلندر و يطلع عزمه ضعيف وقدني دافع 120
و بعد الاستخارة والاستشارة
رحت لصاحب المعرض وشرحت له و كان رجال طيب و كريم النفس و يعطيني شيك بنفس المبلغ و لا ينقص ريال و قلي ياولدي لا تشتري سيارة إلا وانت مرتاح لها تماما
و رسيت بعدها على التاهو
مواصفات قوة و متانة ورحابة و سعر منطقي ومعقول و أطلق من البرادو بمية مرة
ب127000 و أوفر 25000 حتى ممكن أشتريبها سيارة ثانية صغيرة للمشاوير القريبة

وهذي نهاية حيرتي
و الحمدلله

انصحك بالبرادو مريح واعتمادي وعزل صوتي ممتاز وعليك بالاستخارة

مبروك مقدما

اولاً : التاهو كبير وعائلي كبييييييييير ومريح .... لكن لا تنسى >> امريكي

لازم رجلك تكون مريحة وسواقتك راكدة .... كذا يعيش معك

وحط في بالك ان السعر ينزل عكس التايوتا شيك وسعر ممتاز للبيع والشراء

تبي تقول مانب بايع ولا شي ... وبقفل عليه اقل شي 6 سنين كذا حلو ومافيه خسارة ان شاء الله

البرادو اقل راحة من التاهو اكيد ... ولكن ليس بشكل كبير يجعل من البرادو كالجيب الشاص او البيك اب :confused1: .... ولا تنسى تايوتا اي >> اجلد اكرف ولا يهمك :bigggrin:

وبرضو مواصفات ليست عالية ولكن جيدة وممتازة والي يقول التاهو او اليوكن << حتى هم مافيه المواصفات الكثيرة .. والله لو انه لكزس او بانوراما :bigggrin: ... حول بعض بشي بسيط :



فيه نوعين اسبير علاق << انا ماحب العلاق يخرب المنظر الخلفي :bigggrin: ولكنه افضل مواصفات " الخليجي "

مشكلته انه بالاونة الاخيرة ارتفعت اسعاره بسبب مشكلة اليابان .. وانقطع البرادو من عند ابو جميل واي عنده الان داخلي رمادي او فيراني << بيمشيه لانه طايح بكبده

ولكن تقد تطلب طلبيه داخلي بيج او اختصرها وخذ خليجي ..

والي يقول البرادو نفس الفورتشنر .... اقوله لا والف لاااااااااا

البرادو اكبر وارسى و من سلالة الانـــــد Land ....... وش جاب لجاب ... جرب واحكم

ثانياً : ياليت تجرب السياراتين قبل الشراء ... سوا من محل لتأجير السيارات او من صديق لك

اذهب للوكالة وجرب البرادو ثم لوكالة التاهو وجربه

اركب الموتر وعاين فيه وشف وش الي فيه والي تبيه يكون فيه واحكم

وبالاخير الاستخارة الاستخارة والله يكتب لك الي فيه الخير


محدثك معه برادو 2011 TXL اتوماتيك 6 سلندر شاريه قبل شهر ... كنت ناوي على وكالة جديد ولكن بسبب ازمة اليابان وارتفاع اسعاره من 136 الى 146 وان الموجود داخلي رمادي او فيراني .... ققرت اشري مستعمل اخو الوكالة الجديد ... ووفقني الله بواحد اخذته من احد الزملاء شبه وكالة وارخص وادخلي بيج :xyxthumbs:

طبعاً انطباعي عنه انه ممتاز وسياراتي القديمة كان صغار اخر واحدة كانت كامري .. والحمدلله لم الاحظ اي قساوة او خشونة بالموتر وراحته

موتر مريح ... ولكن لاحظت انو عندما امسك خط وامشي 140 صوت هواء مزعج شوي واتوقع السبب هو كبر حجم مرايا الجيب الجانبية او العوارض السقفية الي قريب بشيلها :bigggrin:

نفس هالمزيون ... الله يعطي راعيه خيره ويكفيه شره .... ما شاء الله تبارك الله

اخوي تركت الفورتشنر عشانه قاسي
تروح تاخذ البرادو نفس بعض ترا
تاهوافضل

وللمعلومية !!

غلطان الي يقول التاهو ما ينفع للبر
اقوى سيارات هي التاهو والجمس في البرد ومن بعدها الاكسبديشن .. وكلامي من واقع تجربة
وفي البنزين قمة .. ما تسرف

الله يوفقنا وياك

ياااااااااااااااااااااااا ويل قلبي
مافيه مقارنة بين التاهو والبرادو ابد ابد ابد

انا جربت الاثنين في البرد لقيت البرادو ثقيل وجاب لي الغصة ولازم اشد عليه علشان يطلع
اما التاهو اخو الجمس فأنا جربت الجمس طويل دبل .. ياشيخ قمة الدلع يطلع طعوس التحدي بكل اريحية
وكان معي واحد هو وعائلته يطاعس ويتمشى ( تاهو قصير ) واستغرب انه يلعب في الموتر لعب .ز اقول له ياخي شغل الدبل وامش بهدوء ... قال مافيه دبل
ماشالله عليه ما خلا طعس الا ويطامر فيه وعياله معه وطلع بدون دبل ..
وانا جربت السوبر بان دبل توب ترونيك ( قير اوتوماتيك وعايدي ) وكل القيرين ناجح فيهم

اما البرادو الله وكيلك جاب لي الضغط كل شوي يغرز وارده ريوس واغرس وهاتك ياريوس .. نسمت الكفر لين بغا يطلع الجنط بلحاله وبالقوة طمر مع الناس بعد ما زررريت عليه وشدريت

نجي عند الخط :
وانت مسافر بالتاهو ترتاح اكثر سواء مع التكييف او الشكل الداخلي او البراحة والوسع او الاظائة وحتى مع تثبيت السرعة تحس انك متكي على الدكة في استراحة واحد من العيال ههههه

اما البرادو كنك يا طويل العمر في سلاح المدرعات .. ماسك الرشاش بيد ، وعصا تحكم القيادة بيدك الثانية .. واصبع رجلك عند زر اطلاق مضاد الدبابات .. يعني تشغل عمرك طول الخط
:smilie16:

خلك على التاهو والا خذ لك اكسبديشن وادع على من ظلمك :ch19:

اهم شي ابعد عن تايوته ابو 6 سلندر
واذا مره مره تبي 6 سلندر خذ لك فورد اكسبلورر .. انتضر الشكل الجديد 2011 الي كنه لاندروفر

السلام عليكم,
كنت افكر باالبرادو 2011 txl لكن للاسف داخليا السيارة جدا فقيره بالنسبه لسيارة قيمتها 140الف.

الله يكتبلك الي فيه الخير

تاهو وتوكل على الله
البرادوا الستة سلندر ماعندهم غير TXL