ويش اقوا كابريس Ltz الجديد ولاهوند اكورد فل كامل

لا تكلم على الجيب :mad:

بالخبل تدري ان الجيب ذا هو اللى اخترق موقع الهاجناه اليهودي ;)

مليح ..

أما جيبك هذا ..

اللي قهر مثلث برمودا .. مهب عجزن يقهر الكابرس والأكورد .. حتى الفياقرا والروزرايز .. :D

وأحب أنبه لشيء مهم ..

النقاشات إذا ما صارت بهداوة وسعة بال .. الكلام يطول بدون نتيجة .. والأنفس تشين ..

:)

اخوي لاندركوز
الله يعطيك العافيه
وماقصرت
وياخي والله
من القهر
يقارنون
اكورد بكابرس
والله ثم والله
ماتجي
هم ماخذين ان الكابرس على الكلام الي ماعندهم
انت عارف
الي مايقوا يشتري كابرس
يقول فيه بلاوي
ويخلي الصني احسن منه
لاكن والله لو ماحد جربه قبلي
صدقني انا كنت ماشي على كلام الناس
ان الكابرس مانفع ولو بريالين
لكن عقب الي شفت
انقلبت 180 درجه
انا خوي
معه كابرسss
اسود
صدم في نخله
وهو يفحط>>>>>مسوي يعرف
وبعيد الشر عن الجميع
صدم في نخله
والله
هو ماجاه شي
والموتر
الباب انعفط
يعني انا يوم قالي
والله قلتله
والموتر التشليح
قال ليش ماجى الى الباب
بس الباب السواق والي وراه
وانا عمي
معه كابرس2001
والله ولده
مابقى رصيف
ماطمر
كل اربعاء الشرقيه اغلب الاحيان>>>>>موظف في الشرقيه
وبعض الاحيان في موتر فكتوريا بس خربانه وتخبط عليه
وقبل ماشتري الكابرس شرا ولد عمي الي معه فكتوريا
كابرسltz2004
وراح عليه الدمام 3 مرات
يعني مسك الخط 6 مرات
رايح جاي
والله مافيه مثله
وانا ركبيته
راسي وثقل
وقوي
ومواصفات والله جميله>>>>>ماهو مثل 2003
وحنا عائلتنا عندها
6 كوابرس
موديلات
91 >>>>لعمي
93 >>>>> حق الوالد
2001 >>>>لعمي
2004 >>>>لولد عمي
2004>>> ولد عمي
2004>>>>>زحقي انا


والحمد الله
ماشيه مضبوطه
ماشيه
تمام
والله لو فيه عيوب
لاطرح العيب في المنتدى
لتنبيه الجميع
لاكن ماشفت اي ملاحضات الى الان
ولله الحمد
وانشاء الله مانشوف
ومشكور مره ثانيه
وكل الاسف
لاخوي اكورد
وانا اتاسف منه
لكل ما خرج مني
اخوكم
كابرسss

أخوي كابريس SS

اسلوبك مايجي معه الحق لو معك الاثباتات والبراهين

صحيح ان الكابريس عالي ورفيع

بس لما نقارن مانعطي الواحد المعلومة باسلوب لسان حاله يقول: غصب عنك كذا

وطبعا الرويال ما في مجال بالمقارنة

بس LTZ يصير فيها مفاضلات

وصدقت اخوي أكورد عن المكيف لأن اللي جربتها سياحي وأجرتها لثلاثة ايام

بس الصراحة راحة

رساوة اللومينا اللي بدون ABS أرسى من الأكورد السياحي

فمابالك بكابريس لا و LTZ

واللي زعل من كلمة قلتها يقولي والحق ماينزعل منه

تحياتي لكم

اقول ياشباب .. ياجمماعة الناس

كل واحد يصلح سيارته ....

انا جديد عندكم .. ولا ابغى يعنى شسمه .. ما ادري بس يمكن لا ..


المهم نرجع لمحور حديثنا ...


اولا المفروض تعمل مقارنه بين كابرس منول وكابرس هالحين ..

كابرس منول عزالله انه سيارة لا يعلى عليها من كل النواحي ...

قوه .. سرعة .. تحمل .. شكل .. راحة .. وساع ..

كل ما تتمناه على ما ئدتك

واذكر اني يوم من المرات .. كان عندنا كابرس 82 اصلي مهب مثل حقات هالحين :( كنت رايح للروضة شارع الملاهي .. المهم وانا رايح اجيب اهلي ضفيت على طريقي ماصورة حقت النور اللى بوسط الشارع .. من رحمت ربي انه ماجاني شي .. لكن السيارة ماشاء الله تبارك الله .. ماجاها شي واجد .. صحيح اننا يعناها تشليح .. بس ميخالف لو انها سيارة ثانية كان انا رحت معها .. حديد مش اي كلااااااااااااااااااااااااااااام ..

لكن كوابرس هالحين ... بس منظر وسرعة ... اما البدي .. فهو تنكة .. يعنى لو احلت عليها قلم رصاص رحات عجينه ..

والاكورد مثلها .. او بمعنى اصح كل سيارات هالحين ما عدا الالماني ..

اما بالمقارنة بين الكابرس والاكور د فهو كما يلي ...

من ناحية الراحة ..

الكابرس اريح من الاكورد ..

من ناحية الشكل ..

تقريبا كلهن كشخه .

من ناحية القوة ..

نفس الكلام متساويات ..

من ناحية السرعة ..

الكابرس اسرعة ... لكن السرعة ما فيها خير ابد .

من ناحية التحمل ..

وهنا مربط الفرس .... الكابرس لا تقارن بالاكورد ابدا .... الاكورد تتحمل اكثر من الكابرس وبلا مقارنة ...

من ناحية الصيانة ..

انا انصح اللى يشترى كابرس انه يشترى معها سطحة :D والا يتقاول مع ساسكو حقين سحب السيارات

من ناحية قطع الغيار ..

الاكورد اغلى شوي .. لكن طلباتها اقل من الكابرس .. والكابرس مثل الحرمة الدعولة .... طلباتها كثيره .

من ناحية استهلاك الوقود ..

الاكورد اوفر وبكثير جدا بالحيل ابدا ... يعنى ما ادري وشلون ...

هذا اللى عندي ..

وفي النهايه ..

كل السيارات اسحب عليهن السيفون :D

الا الـ BMW والجيب الاخضر (( قاهر مثلث برمودا :D ))

N.M.N
ضحكتني ..

بس تبي الصراحة .. فهمتها وهي طايرة .. :)

اخوي أكورد وبس

اي والله كفيت ووفيت

ومشاركاتك في المنتدى الياباني تغطي على الكابرس وزود

تحياتي

الظاهر يكفي ردي في السيارت اليابانية ..

تغطي
وبعدين الطبلون الي تقول ليزر
والله لو قالوا ركبه
وين حركه
من يوم امي ولدتني وهي موجوده
الحين لو تقول
فيه سياراه طبلونها اخضر
وش يقولون كابرس
يعني مميز
وتوهم يحطون الليزر في الاكورد
ياحبيبي
شف طبلون الكابرس والاكورد انا اكلمك عن الكابرس2004 LTZ
شف وشلون مقسم وانوار خفيفه جميله ومميزه
معليش
وبعدين الكابرس السياحي
يجب 2 اكورد سياحيه
او وحده فل
يعني لاتقارن
والله انا راكب هندا اكورد والله ماهي سياره
ياخي غير الكابرس
الكابرس رساوه
ومواصفات
الله يهديك
اجل واحد شايف كفرات الاكورد مايله
هذا والله من رداوتها وشينتها
واذا كنت تتكلم عن فل الاكورد ماله داعي نتكلم عن كابرس رويال
6 ارباك
11 سي دي
14 مكبرصوت
شاشات اماميه وخلفيه
مرايات اذا طفيت الموتر تنسفط
DVD
وغيرها
من مواصفات
خلنا ساكتين
والله لو تكتب لين بكره
الاكورد ماتجي مثل الكابرسLS
اترك عنك الكلام

كابرررررررس من دون مناززززززززع

صدقت أخوي لاند كروزر ..

بس ودي أعقب على كلامك ..

( المكيف أزرار والأكورد يدوي) هذي بس في الأكورد السياحي أما ما فوق السياحي فهو الكتروني ..

وأزيدك من الشعر بيت .. سرعات المكيف في الأكورد 12 سرعة .. بينما في السيارات الثانية غالبا 4 أو 5 ..

( تفرش كفراته بالأرض ( أرسى) ) هذا واحد من الشباب شاف أكورد بخط القصيم يقول الكفرات مايلة ونازلة بقوة .. يعني تفرش ..

( الايرباقات أربعة بالكابريس الأكورد الله أعلم ) الفل كامل في الأكورد 4 اير باقات .. والكابرس السياحي اير باق واحد .. بينما الأكورد السياحي 2 ..

( وتطفي الانوار الأمامية والخلفية والداخلية اذا نسيتها شغالة لما تطفي السيارة )

كذلك في الأكورد موجودة الحركة هذي ..

ومشكور على التعقيب .. :)

معليه

أنا واحد لو خيروني بين اكورد V6 وكابريس V6

باخذ أكورد وأنا مغمض

بس كابريس LTZ V8

لا و2004

ياليت نكون صريحين مع بعضنا البعض

من اسمه اكبر وتكانته اكثر وهيبته اكبر عند الخلق اجمعين

أكيد الكابريس

ومن ناحيتي انا أقول ان الأكورد تتفوق على الكابريس فيما يلي:

الطبلون زينون

توطي النور وتعليه من داخل السيارة

فتح النوافذ من الريموت

القير خمس نسب

بماذا يتفوق الكابريس LTZ؟

المكيف أزرار والأكورد يدوي

الماكينة V8

الدفع خلفي واعطاله اخف من الأمامي

تفرش كفراته بالأرض ( أرسى)

الرحابة فيه أكبر بكثير جدا جدا

الفخامة بالكابريس لاتوصف

ماكينته ماشاء الله تبارك الله

السماعات اقوى بكثير من الأكورد

الجلد بالكابريس خاصة والأمريكي عامة أريح بواجد من جلد الأكورد خاصة والياباني عامة

الايرباقات أربعة بالكابريس الأكورد الله أعلم

السيارة لماتسوقها تحس انها بالأرض تختلف سواقتها جذريا عن الاكورد

تقفل الأبواب وتفتح على حسب نقلة القير

وتطفي الانوار الأمامية والخلفية والداخلية اذا نسيتها شغالة لما تطفي السيارة

الكابريس له تكايتين منفصلتين مع بعض واحدة لإسناد اليد والأخرى الكبيرة لأكواب العصير

وفي مواصفات أتعب وأنا أقولها

عيب الكابريس من وجهة نظري

الطبلون الأخضر والبريكات

ومن وجهة نظر الناس انه استرالي

وعيب الأكورد في نظري

قطع غيارها الغالية وعدم وجود غازيات وزينون وضيق مساحة الركاب بالخلف

وجلدها يابس وسواقتها الخفيفة

وعيبها من وجهة نظر الناس

انها دفع أمامي

وترى مشاكل الكابريس واللومينا كلها في موديلات 2002 وتحت

في 2003 ومافوق تداركو جميع الأخطاء باستثناء البريك

تحياتي لكم

اخوي أكورد وبس

والله انك غيرت رأيي

انا كنت من معجبين الهوندا الاكورد ... ولكن ما حصلتها باللون المطلوب

وكان طلبي اسود ... والظاهر اني كرهت السياره من كثر ما كنت ادور في الوكاله وفي المعارض

والحين انعكس الكره حب

ولكن بعد فوات الاوان ... انا شريت كامري قرنداي الا حد ما

اما من ناحيه المميزات والمواصفات تتفوق الاكورد عن الكابرس

ويكفيك الطبلون الليزر ... ياخي افضل من ذا الاخضر الي يوجع العيون

تحياتي

أخوي أكورد

مشكور للمعلومات

وللصور

ونختم بالشعار الرائع .. وعلى فكرة .. ترا مهب على شكل صليب .. |6|

بإمكانك الاستمتاع بالصور ..





تخشيبة ولا أروع .. وكنسول داخلي متميز .. يندر وجود مثله ..

لحظة يا بابا ..

تبينا نتكلم على سنع وإلا تنكيت ..

( لان الكابرس مايجمع مع الاكورد وسائقها ) .. وش هالهرج ..

قل لي ..

الكابرس تقدر تفتح الدرايش وتسكرها عن طريق الريموت ..

تقدر تحكم بارتفاع النور وأنت داخل السيارة ..

تقدر تفتح الدرايش وتسكرها عن طرق المفتاح من برا .. هذي الميزة موجودة في البي إم والأكورد ..

طبعا .. الكابرس فيها أنتل للرادو .. الأكورد ما فيها ..ومع ذلك الصوت صااافي ..

الأكورد ما فيها مفتاح للشنطة .. وهي ميزة عشان ما تنقز .. وأعتقد أنها موجودة في الكابرس ..

الكابرس السياحي فيها اير باق واحد بس .. أما الأكورد فإيرباقين شي قياسي في كل الفئات ..

الكابرس فيها تحكم بالبرودة من جهتين ؟؟

طيب .. أقدر أحرجك بالميزة هذي .. كم سرعة بالنسبة لقير الكابرس ..؟؟

أربع ..

بينما الأكورد تتفوق على الكابرس بخمس سرعات .. وهذا من أكبر مميزات الأكورد ..

بعدين .. معجبك طبلون الكابرس الأخضر ..

حتى الآن ما خلوه زينون مثل الأكورد ..

فتحة الشنة الداخلية واحدة في الكابرس .. هذا إذا كان فيه فتحة .. بينما الأكورد فيها فتحتين .. من الركاية وتقدر تفتح المرتبة كلها ..

ومن عيوب الكابرس .. والأمريكي عموما .. إن الروائح الخارجية تدخل فيها .. لأنك ما تقدر تسكر الفتحات كليا .. بينما الأكورد فيها حرية الاختيار ..

كل فتحة بالأكورد لها مفتاح أمان ..

لو علق عليك القير .. وما قدرت تحركه إذا دخلت المفتاح .. وش الحل ..

في الأكورد موجود الحل ..

الكابرس فيها تسخين مراتب ..؟؟

الكابرس متوفر لها مسجل كاسيت .. أقصد ممكن يركب فيما بعد ..؟؟

إذا تركت أنوار السيارة مفتوحة .. ونزلت من السيارة ونسيتها تقفل توماتيك ؟؟

الحين أبروح عندي مشوار وأجي أكمل لك المميزات .. إن شاء الله ..

للمعلومية .. كل المميزات اللي قلتها لك غير موجودة بالكامري اللي فرحانين فيها .. فأرجوا إنها تطلع برا النقاش ..

:)