السلام عليكم ورحمة الله وبركاته
اي نعم التبهدل العالمي بهدلو عيشتي صار لي اكثر من اسبوعين واهم كل يوم يقولون لي كلام
شريت من عندهم كمارو طبعا انا من البحرين والبحرين ماعدنا كمارو ماراح يوصل الى شهر 9 وانا محتاج السيارة بأسرع وقت وقلت مافي الى السعودية اخذ منهم
المهم رحت ودفعت لهم عربون وعقب يومين جبت لهم شيك مصدق من البنك للبنك وينصرف في نفس اليوم طبعا الشيك من بنك البريطاني في البحرين الى البنك البريطاني في السعودية
المهم رحت التبهدل العالمي وعطيتهم الشيك وقال لي خلاص على الاحد تستلم السيارة مع لوحات التصدير
قلت انا خلاص الاحد كلمتهم السبت عشان اخذ اجازه الاحد من الدوام واجي السعودية استلم السيارة يقول اتصل اتصل اتصل مايرد الحبيب عقب اتصالات لين العصر رد يقول ولله اللوحات لحين ماجهزت من المرور قال باجر كلمني وانشالله تجهز كلمني على الاثنين كلمته الاثنين يقول نفس الكلام كلمت المدير ماله قالي المدير ولله الشيك لحين مانصرف من البنك عندهم مشكلة قلت له وش الحل قال انشالله ينصرف بكرة ونكلمك
وكلمني المدير وقال الشيك انصرف وانشالله الثلاثاء نروح نخصل لك الموضوع في المرور والاربعاء الى اهو اليوم تجي تستلم
كلمتهم اليوم عشان استلم السيارة يقول لي الشيك لحين مانصرف
كلمت البنك في البحرين يقولون لي الشيك مافيه مشكلة ولا خطاء بس مانقدر انجوف لك اذا انصرف او لا
شسوي ويا التبهدل العالمي انا ماعندي سيارة اقدر اروح وارجع لهم كل يوم وخصوصا الجسر كل ماروح قالوو لي دددددييييييور دييييييييور
فصعبه عندي اروح وارجع السعودية
