مامـدى استفـادتك من التقنيات المضافة للسيارات الحديثه( كاميرا,شاشه,بصمه...) شاركنا.!!

ردود جميله ومفيده

شكرا لكم

تم التصويت انها مهمه بالنسبة لي اي نظام بالسيارة تعتبر Driver assit مهمه جدا لكن في اشياء ماتساعد السائق بوجودها لذا بعضها مالها لزمة

شخصيا لا استغني عن الحساسات الخلفية

اعتقد الحساسات مهمه
سيدي ومدخل aux مريح
التشغيل عن بعد اهم ميزه وودي تكون بسيارتي ____قهر الفورد بدون
الكاميرا كنت اشوفها ثانويه بس اشوف ردود الشباب بانها تريحك بالقياده كنت اعتقد بانها غير ضروريه

1- الكامير مهمه صراحه ومريحه في نفس الوقت
2 - الشاشه تعطي شكل حلو للسياره من جوى + النفقيشن يساعد كثير صراحه
3- البصمه والدخول الذكي هي احسن شئ استفيد منه واحسه مريييييييح جدن

قد تكوون مفيدة وقد تكون لا ... يعني البعض ممكن يستفيد من الكاميرا الخلفية مثلا اما انا وفلان لانستفيد منها ..
صحيح ... انها متعة وروعة ومنظر جمالي وفخامة ولكن ......
ان التقنية العالية في السيارة باعتقادي انها من اهم اسباب خراب السيارة ..

اي بالاحرى كلما زادت تقنية السيارة كلما زادت فرصة خرابها

ليست ضرورية ولا كن

تعطي جمال الى السيارة

موضوع جميل... بصراحة سيارتي تحتوي على معظم هالسوالف... بس اكثر شي مريحني البصمة لانها ما تحتاج تطلع مفتاح وتدخله بجيبك..... والفائدة الثانية... نظام مانع الانزلاق... وكذلك الكامرة الخلفية فادتني بالبارك.

أحيانا بعض الكماليات تتمناها وتبحث عنها وإذا وجدت صارت كأنها ليست موجودة
يعني شي نفسي وحتى بالنسبة لأسرتك
أذكر أن أطفالي يتمنون شاشة وفتحة سقف وعندما توفرت أصبحت ليست مهمة بل إن بعض الأفلام والسيديات لم تستعمل رغم الأسفار والمشاوير
لكن البعض منها كالبصمة والتشغيل عن بعد وفتح الشنطة وقفلها أرى أنها مهمة وشاشة النيفقيشن من الأمر المهمة اليوم

مع إن صاحب الموضوع يتكلم عن شيء ثاني , إلا أنه ذكرني بامور ثانية:

مع المواصفات الجديدة في السيارات اللحين إلا أنه في أشياء مهمة ما أشوفها .

مثلا ليش ما يجي قزاز السيارة معزول من المصنع بدل مايركب المستخدم عازل ,
يكون الصدام الأمامي مقاوم للسافي أو يركبون له عازل من المصنع ,
بنشرة الكفر , لو الواحد يبنشر عليه الكفر بعز الحر بمكان بعيد يبتعب كثير بتركيب الاستبنة خصوصا لو كانت السيارة كبيرة , ليش ما يحطون حلول بديلة لو مؤقتة .

البعض مهم والبعض مو مهم

الشاشة : بحسب المواصفات اللي فيها .. فيه شاشات غبيه ما تستفيد منها
النافيقيشن : مو مهم الا اذا سافرت
الكاميرا : كويسة في بعض الحالات
الـ dvd الأمامي ماله داعي
usb : ممتاز جدا
البصمة والتشغيل بزر : هي شي حلو لكن ما فرقت لو كانت بمفتاح

بصفة عامة .. ماهي مهمة جدا

اول شي اشكرك على موضوعك

الـ AUX والكاميرا الخلفية والحساسات اعتبرهم مميزات مالي غنى عنهم في اي سيارة لأن مشاويري كلها داخل المدينة

سيارتي الحالية فيها AUX وحساسات امامية وخلفية لكنها بدون كاميرا للأسف

وعالعموم الناس تختلف حاجاتهم بحسب استخداماتهم, ولد خالتي يحب السفر ويوم راح يدور له سيارة كان حريص انه يلاقي سيارة فيها رادار و نافيغيشن عشان يعرف وين هو رايح, و يرتاح بالطريق ويشيل رجله وانتم بكرامة من البنزين والفرامل.

موضوع جدا شيق ومميز ,
رأي
هنالك انظمة زائده عن اللزوم بصراحه .
الاشياء التي استفدت منها هي الكاميرا الخلفيه ونظام الملاحه اهم شي والحساسات فقط طبعا ومشغل يو اس بي aux اما غيره مثل الرئية الليله والله ما خشت مزاجي نهائيا وبنظري القليل من يستخدمها .
مثل نظام لكزس لركن السيارة ما شفت له فائده شوف الضجه الي عليه ولكن لحد الان صار لي 3 سنوات ما شفت احد يستخدمه نهائيا لان ركن الشخص للسيارة اسرع من هذا النظام لذلك ليس له فائه ..
نظام البقعه العمياء هذا لازم لكل السيارات بصراحه لانه مفيد ويقلل من الحوادذ بعد مشيئه الله .
نظام تعتيم المرأه ايضا تقنية رائعه .
في انضمة ان وضعت ام لم توضع لا تأثر مثل مراقبة الطريق اذا حرفت السيارة او نظام تحديد السرعه .

هذا انا برأي.
وشكرا لك على الموضوع الرائع مثلك .
تحياتي وشكري لك .
محمد .

أعتقد في بلدنا وجونا الحار اكثر تقنية بتفيدنا هي اي تقنية تحسن من مستويات التكييف

عن نفسي سيارتي الحالية الكورولا ما فيها اي شيئ من التقنية حتى القزاز يدوي !!

وما احس اني ناقصني شي

اغلب التقنيات الجديدة احسها دعاية من الشركات لاغراء الزبون وفي دعاياتهم يقنعوك انك محتاجها !!

وبعض الاحيان تركب سيارة زميلك وتشوفها مليئة بالحركات التقنية فتحس بداخلك بشعور يدفعك للمجاراة

وشكرا

اللي يهمني اليو اس بي لانه ريحني كثير

مش مهمة لدر جة انك ما تقدر تستغني عنها ..
بس برضه مش مضرة ^_^
يعني فيها تسهيلات للكتير من امور الحياة ..

سؤالك متل الي بيسال ..
شورايك بالتنقل بالسيارة او التقل بالجمل .. :)

للأسف شركات السيارات عندها خمول في تطوير السيارات ماعدا الشركات الفاخره
بإستطاعتي ان أحصل على 80% من المواصفات بشراء مسجل لايتجاوز قيمته2500 ريال
مثل(الملاحه والدفيدي والبلوتوث USBومدخل ايبود والهارد ديسك والكاميرا)
لذلك لاتهمني ان تكون أساسيه وهي ليست بالضروريه اكثر من انها كمنظر

في بعض المواصفات مهمه كالنقطه العمياء والردار وأنظمة الثبات

تعليقات جميله ومفيده

شاكر لكم