حرارة الموتر ترتفع والسياره واقفه ؛ وش حلها

والله معرف الطريقه
ولكن انا اسمع الردود من بعض الناس اللي يشتكون مثل اسفسارك وكان الحل هو يا انه الهواء محصور في الدينمو او البلف هو مايكون السبب
ولاتعتبر اجابتي لك هي الصحيحه قد يكون هنالك اسباب لا اعرفها
ولكن هذا توقعي بنسبه 80 في المئه انه منها

مشكلة البلف سهله

بس لو عندك معرفه وشلون اعرف اذا المشكله من دينمو الماء
شئ اسويه واعرف اذا هي السبب وفيها هواء قبل اروح للمحل

اتوقع ان الدينمو حق المويه فيه هواء
لازم تفرغ الهواء من الدينمو عن محلات التسسيخ وتتاكد ان الدينمو يمشي المويه زين
وارتفاع الحراره عندك بسبب الوقوف هو لان الماء ينحصر في المكينه ولايدور فيها
وعند ممشاك في السياراه تنخفض بسبب الهواء الداخل للمكينه والمراوح
عندك مشكلتين اتوقع يا البلف عليه ترسبات ويعلق علي الاقفال
او ان الدنمو ماتفرغ من الهواء

بالنسبه للي سويته للحين والحقيقه انه فاد كثير وقلل من حرارة السياره وهي واقفه
وجزاه الله خير راعي الموضوع وصاحب الفكره والطريقه

وفكرته ان هناك قطع اسفنجيه بين الرديتر وبين رديتر المكيف وخصوصا
بين الرديتر ومقدمة السيارة الي مثبت عليها الرديتر
فائدة الاسفنج الموجود باليمين واليسار للرديتر هو منع سحب الهواء من داخل السيارة
للرديتر مما يؤدي لارتفاع الحرارة وكل مره تسحب المروحه الهواء تسحبه من حولين المكينه
فترتفع الحراره اكثر واكثر
وفائدة القطع الاسفنجيه هي في منع دخول هواء المكينه من الجوانب مما يسمح بدخول الهواء
من خارج السيارة ( مقدمتها ) فيقوم بتبريد السيارة لان حرارته اقل بكثير من الحراره داخل السياره

وهنا الصور للتوضيع وقد كان رديتر سيارتي بدون اطارات اسفنجيه
ركبت قطع فلين اللي يجي بالكراتين مع الاجهزه الجديده مكيفات وثلاجات وغيرها
والامور طلعت تمام

الرديتر الياباني للنيسان

المكسيما واضح ان المراوح ضعيفه بنغيرهم والامور تمام باذن الله

اي نعم فديت قلبك مروحه وحده وهاللي استغربت منه

ونصحوني كثيرين بتركيب مروحة مكسيما لأنها تجي مروحتين باطار واحد

بس قلت قبل اركب مروحه مكسيما خلني اعرف السبب بقناعه تامه ومنها استفيد المعرفه

لقيت موضوع عن تسكير فتحات حول الرديتر سويته وركبتهم بيدي والاحراره اعتدلت كثير
خصوصا ان الرديتر بالسياره ما كان حوليه اي شي

المروحه زينه بس بشيك واتأكد أكثر

والله يجيب اللي فيه الخير

تسلم الغالي
باذن الله بركب جديد وسعره 60 ريال

عشان احافظ على حرارة السياره


شئ ثاني بعد غطيت الفتحات بين الرديتر ومقدمة السيارة عشان يكون شفط الهواء من الخارج

بحاول اجيب صور من النت لهالفكره لاني اخذتها من النت واستفدت والحمد لله

هذا انا اليوم بغيت افتح مكان البلف ما قدرت ميبسه البراغي

وما عندي مفكات

بروح بكره عند الميكانيكي والله يجيب اللي فيه الخير

الله يجزاك خير

مروحة النيسان قويه لانهم حاطين مروحه وحده بموديل 99 مدري ليه

بس اخبرتها قويه وحطيت فاين قدامه اشوفها تسحبه بقو


اعتقد في شئ قريت عنه في موضوع ثاني وهو
ان المسافه بين الرديتر والي ماسكه بمقدمة السياره في فراغ
الاسفنج طايح ويسحب الهواء الحار من المكينه ويرجعه لها ولهذا سكرت الفتحات هذي
واشوف الحراره خفت نوعا ما باقي معي البلف

هذي مروحة المكسيما ضعيفه
تأكد منها
والرديتور الياباني اللي مو حق الوكالة هذ للمكسيما او الباترول ؟

اممم حبيبي انا خبري الباترول موديلات 99 تجي مروحه وحده بس حق التبريد

انا شفت موضوع في منتدى ثاني لواحد عنده نفس سيارتك ونفس الموديل وكانت الحراره لاعبه فيه

فركب مروحه اضافيه جنب القديمه ومدد لها سويتش حق تشغيلها داخل السياره ... وطبعاً شبكها على البطاريه علشان ما تاخذ من عزم السياره .... وطبعاً حط لها مقسمات وكتاوت وماادري ايش ... ومن ردوده بالمنتدى يقوول انه مبسووط وما فيه حراره والمكيف صار بارد:smile:
ويقول هالشغله ما كلفته 180 ريال

بحاول اشوووف لك الرابط واضيفه لك علشان تستفيد منه ياعسل :xyxwave:

حصلت معى هذه المشكله فى نيسان سوبرسفارى , وكانت مروحه المكيف ضعيفه.
فغيرت دينمو المروحه واصبحت بعد ذالك حرارة السياره طبيعيه.

حياك يالغالي
كويس انك حصلته - يكون راكب على الخرطوش الي طالع من الديتر المكينه - لان وظيفته يتحكم بدخول الماء بنسبه وثم يقفل وهكذا-
سهل فكه بس يبغالك عده له
روح اي مكانيكي وقوله فكلي البلف بس واعطيه 10-30 ريال بالكثير انت وشطارتك معاه لانه جدا سهل واذا معدوم لك حريه انك تلغيه او تركب واحد جديد
وسلامتك

لو ركب مراوح اضافيه وتشبكها مع المكيف افضل

بس حاولت تتأكد من سلامة بلف الحراره

حبيبت الشعب قد حصلت هذه معاي في الكرسيدا

هي اسبابها كثير

ولكن السبب الذي كان معاي

كانت في مرواح السياره

كانت تدور

بس ما شاءالله عليه البنشري هندي

قال لي حركتها ليس سريعه وما تدفع الهواء بشكل جيد لان المرواح مقرومه

وفعلاَ والله اشتريت مروحه

ثم خلصنا من مشكله ارتفاع الحراره اثناء وقوف السياره

انا لا انصحك حالياَ انك تغير المروحه

ولكن اسأل اول وتأكد

ويرزقك الله احسن منها

دورت في غوغل ولقيت مكانه ان شاء الله بشيله بنفسي
ويارب يكون في هالموضوع الحل
صرت اشك انه السبب لان ما قط فكرت فيه ولا غيرته من شريت السياره
تلقاه صدأ

الحمد لله الذي يعلمنا كل يوم شيئا جديدا

الله يسلمك يا خوي ويسلم لك اهلك الكرام

حلو نبهتي لموضوع الهواء ان شاء الله بكره اسويه
بالنسبه لموية الرديتر استعمل اللي قلت عليه حق الجمس ومخففه بالماء المقطر

بس عندي استفسار بسيط وين مكانه فلف الحراره وهل احتاج اروح لميكانيكي
بيني وبينك احب اكون فاهم قبل اروح عند اي واحد ويضحك علي بالسعر

وياليت لو في صوره لو تكرمت والسموحه منك

وجزاك الله خير