سلام عليكم
السياره ماركيزوو 96
المكينه مركبينها لها شهرين من ثاني اسبوع قمت اضبط فيها قام وهاوشني الوالد خرده مدري ايش والمكينه تعبانه
المهم
رحت ادقق سمعت صوت طقطقطقطققطقطقطقط اذا ثبت الدعسه على تقريبا ضغط 2 واذا وخرت يقول رق رق رقر الصوت مايطلع الا اذا دعست ويختفي فوق 2 لان دوران المكينه وقتها سريع
استمريت امشيء عليها الى الان
ماتغير شيء
قلت لازم امر الورشه ورحت لافضل ورشه لعائلتنا وضبنا عندها جيب وجمس ورنج (( قديم :d))
وفتح الكبوت ويدوس يقول مافيه الصوت اذا يطلع والسياره قال يطلع اذا كانت السياره بارده قلت له الا فيه اركب جوى وادعس قالي طف السياره طفيته ومسك المروحه وقال شغل وشغلت وقام يدوس وطلع الصوت خفيف مره وصوته كأنه من تحت السواق وقالي اها في خفيف وترك المروحه قالي والله مانقدر نعطيك خبر صحيح الا اذا وقفتها ونفحصها لاكن مبدئا ياجنزير ياصبات...؟ وشهي هالصبات
ورحت للورشه الي شرينا منها المكينه قلت له المكنيه فيها صوت قلب وجهه وقام يدوس قال مافيه شيء قالي متى غيرت الزيت مغيره قبل شهر وقلت امسك المروحه وبشغل واسمع وطلع الصوت وقال مافيه شيء يبي يفتك:d
قلت عادي على مسؤوليتك قالي عادي مافي شيء بس السيفون غيرته ..؟
قلت له لا قال غيره
بالنسبه للسيفون بكم سعره واذا بغيره لازم اغير الزيت ولا عادي فك وركب.؟
وعاد وتحليلكم للمشكله
ودمتم بصحه وعافيه
