اخوي انا كنت من عشاقها بل ممن يحلمون فيها ولكن لا اخفيك الان اني ولا صرت افكر فيها بصراحة لسبب واحد وهو ليس له علاقة بعيوب او مزايا وانما اشوف سعرها غالي شوي
الفل الكامل واقصد فل الفل يعني بانوراما وحساسات ونافيقيشن وشاشة ديفيدي ومقاعد جلد ونظام تبريد المقاعد وايضا بروجكتور اللي هو يعكس لك صورة الطبلون على الزجاج الامامي يعني فل من كل شئ هذا سعره يا حبيبي حاليا وفي الجميح وتحديدا قبل اسبوع واللون اللؤلؤي يطلع ب161 الف اي لون ثاني ب158 الف
السيارة كانت مع احد اصحابي ما ذمها ولكنه باعها بسبب شئ بسيط الانوار الامامية عنده تعطلت حتى الوكالة ما عرفوا يصلحونها له واخذوا يماطلون فيه من شهر الى شهرين اخر شئ باعها
وغير كذا اكذب عليك لو اقول لك انه اعرف عن عيوب فيها لكن لعلي اذكرك بشئ بصراحة الاكاديا صارت كثر التراب يعني في الاشارة ما ابالغ اذا ما تلاقي ثنتين ثلاث وفي كل شارع وصار شكلها مالوف على عكس اول ما نزلت كسرت الدنيا بفخافتها انا عني حاليا اشوفها كاني اشوف دباب اربع كفرات وقس عليها السعر علما بانه بعد رمضان راح يمغطونه
