محتار ويش أختار .... أكورد , فيوجن , اوريون , سوناتا ...

أكووووووورد او سوناتا وبسسس

أشكرك اخوي على المعلومات القيمة
ادعي لي اشوف المازدا6 نصف فل أو فل
بارك الله فيك

نعم هي الفل كامل وكالة

اما بالنسبة للمعارض..ممكن تلقى ستاندرد ب65 الف يعني ارخص من الوكالة ب4 الاف

لكن فل كامل...صعب جدا جدا جدا انك تلقاها في معرض وجديدة لكن ان وجدت فاسعارها في حدود 86-88 الف لان الفل كامل مطلوبة بكثرة



من ناحية المواصفات..فيها مواصفات مو موجودة في سيارات اعلى منها مثل الزنون العالي والواطي والتحكم بقوة الاضاءة الخارجية والداخلية وحساسات المطر وتشغيل+دخول بزر ولوحة معلومات جميلة جدا ومتكاملة كأنها شاشة وعداد باكثر من وضعية ولون, ودركسون جلد

وسعر الفل منها 69 الف سيدان و71 او 72 الف هاتشباك وهي اريح سيارة في فئتها لكن يعيبها العزم الضعيف لان الوكيل ماجاب الا مكينة 1.6 رغم انها في الخارج بمكينة 2.5 ><

اممممم ..... من كثر ما فريت المنتديات ما شفت احد يذم الفيوجن
الكل يمدح فيها ... ما شاء الله

بس شنور رايكم بالمازدا3 فل
اتوقع تكون اسعارها و مواصفاتها ممتازة

حتى الجودة والتحمل

الفورد اثبتت جدارتها

يا اخي زمان نسمع العالم لا تشتري فكتوريا تراها ما هي اعتماديه
ولكن طلعت اعتماديه 100% << هذا للمثال فقط

فأبدا الفيوجن اعتماديه وتتحمل ..

أشكرك على رأيك اخووي أبو فهد



حسب ما قرأت في هذا المنتدى ان مازدا الترا توقف تصنيعها عند موديل 2009 و هي أمريكية

لكن المازدا6 يابانية و يتوفر منها موديل 2011 و الموضع الذي وضعته عنها و لي عن الترا

على كل أشكرك على مرورك


ميزاتي 80 و حولها .... اذا في شي يسوى يمكن ازيد الميزانية



ما شاء الله على تلخيص التجارب بكلام مبسط و مفييد

عجبني رأيك جدا و ترتيبك للأولية السيارات

لكن بسألك .... المازدا6 2011 الي ب 91 هل هي فل ؟؟
و هل ممكن اشوفها في المعارض ارخص من كذا ؟؟

وعليكم السلام ورحمة الله وبركاته ,,

الاكورد ميزتها الديكور الداخلي شكل وجودة وايضا جودة السيارة بشكل عام تعتبر الافضل بفئتها ويميزها مقودها ...التحكم به سهل وممسكه مريح جدا

لكن يعيبها السعر والمواصفات وناشفة مع المطبات ....

الفيوجن وهي على قاعدة مازدا 6 ...ممتازة جدا جدا من ناحية الجودة والرساوة وتستاهل كل ريال يندفع فيها

لكن يعيبها ديكورها الداخلي من ناحية الشكل وكثرة البلاستيك

السوناتا والاورويون...ما اخس من ذي الاولى الثانية مع احترامي لك ملاكهم

والسبب الجودة بشكل عام...طبعا ماراح تواجه اي مشاكل او خرابات باذن الله معهم

لكن الخامات المستخدمة سيئة والبودي خفيف والامان سيء واللي يميز الاوريون العزم فقط

واللي يميز السوناتا الشكل والمواصفات فقط

وبالنسبة للمازدا 6...نفس الفيوجن في الرساوة والجودة باستثناء الخامات الداخلية في المازدا افضل

وسعرها 91 الف...وسيارة كرررف وعزلها ممتاز ومريحة جدا ومن افضل الخيارات في هذي الفئة وسعر قطعها متوسط مو زي الاكورد غالية ولا زي السوناتا رخيصة

وبشكل عام...ارشح الفيوجن او المازدا6 ثم الاكورد فقط

وكلها سيارات جودتها عالية جدا وتعيش معك سنوااات باذن الله

وبالتوفيق ^^"



مازدا الترا اقل جودة ومواصفات ورساوة من ال6 اليابانية 4 سلندر وسعرها اغلى !

طيب يا الغالي , وش رايك تعطينا ميزانيّتك ؟ عشان نعطيك سيارات بحدود ميزانيتك وان شاء الله تكون ممتازة :)

شف هذا موضوع وصور عن مازدا 6

http://www.assayyarat.com/forums/thread229508.html

وانا اقول لك خذ مازدا الترا نفس مواصفات 6 بس انها 6 سلندر





موفق اخوي

انت بتاخذ الاكورد 6 سلندر ولا 4

اذا كنت بتاخذ 6 فتوكل على الله والمراتب قاسيه لانها طبيه

اذا غير خذ فورد فيوجن ،،

موفق اخوي وعليك بالاستخاره

من ناحية المواصفات كلامك صحيح
لكن من ناحية الجودة و التحمل لسنين فالأمر مختلف


ما بها شي الاكورد حلوووة .... بسر السعر
انا راح اشوف لي شخص شارينا توه من الوكالة و يريد يبيعها ... بتطلع لي ارخص ب10 ألاف
وهي جديدة


صحيح السعر غاالي
بس الجودة لها دور


ما احد عنده تجربة عن جودة الفيوجن و المازدا6 ؟؟؟؟
أو جودة سيارات الفورد و المازدا بشكل عام ؟؟

و كم سعر المازدا6 2011 ؟؟

الاكورد سعرها مرتفع بزيادة ما تستاهل السعر ابدا ابدا !!

عندي أكورد 2011 - سيارة راسية ولله الحمد وما تشتكي من شيء
شكل رائع ويابانية 100%

توكل على الله اكورد

وجهة نظري الخاصه

اذا بختار بمجمل المواصفات ( مو بالمحرك فقط )

1- فيوجن
2-سوناتا
3-اكورد
4-اوريون


واتمنى لك التوفيق

المازدا 6 الصراحه موتر محترم .. شكل شبابي رائع + مواصفات جدا ممتازه .

لكن الصراحه اجهل السعر :blue:


ان شاءالله يفيدوننا الاخوان

شكرا لك اخووي على هذه المعلومات القيمة

هذا ما انا انوووي عليه

و لكن ظهرت الان في وجهي المازدا6 و ابهرتني
ولكن ليست لدية معلومات كثيرة عنها بالخصوص السعر

طبعاً الاكورد 6 سلندر والاوريون 6 سلندر افضل من الفيوجن و السوناتا بحكم المحرك .

لكن لو نجي للسعر يالغالي بتلاحظ ان سعر الفيوجن فل الفل اقل من سعر الاكورد ستاندر !!

ومواصفات الفيوجن الفل جداً ممتازه وتوجد مميزات حصريه من فورد مثل ( نظام السينك من مايكروسوفت كل شي بكلمه منك + ماي كي من فورد ) ونظام صوتي من سوني 12 سماعه + اناره داخليه .. الخ ))

وجودة السياره رائعه اركبها وشوف مواد الصنع.

وضمان السياره 5 سنوات او 200 الف كيلو .. مكينه قير دفرنس ... الخ يعني لا تشيل هم .

السوناتا شكل رائـــع لكن سعر الفل مبالغ فيه قرابة الـ 100 الف .

ما انصحك بالسوناتا النص فل لانها فقيره من ناحية مواصفات الامان .


بأختصار اذا تقدر على الاوريون اللي تجي جلد وابواب شفط و تشغيل زر توكل على الله وماراح تندم .

لكن اذا دراهمك محدوده وتبي شي ممتاز ( فورد فيوجن فل الفل بـ 81 الف ) .


بالتوفيق

أشكرك على ردك اخوووي
بالفعل الاكورد قووية جدا ..... ولكني سمعت ان دفعات ال6 سلندر فيها مشاكل بعكس ال4 سلندر




الله يبارك فيك ان شاء الله

ما ذا قولكم في الفيوجن ؟؟ هل تناسفهم ؟؟ او ان الاكورد و الاوريون افضل بكثير