سيارة واحدة تعتمد عليها في رحلات الصحراء والجبال والطعوس ؟

صاحب الموضوع يبي بين ال فكس ار او جكس ار
انا من رايي انك تاخذ اللجكس ازين وبيقوه لان المواصفات الي بالجكس جيده وتخهدم وما عليها خوف اما الفكس احس ان به مواصفات زايده على سيارة بر

للمعلوميه الباترول الجديد اثقل من الدينالي xl !

وانا اللي اعتمد عليه صراحه

الربع + سواق .. تلعن خيره ولا يخرب ماشاء الله

تلعن خيره ولا يهمك لانه اساسا مصنوع من كتله حديد مافيه شي تتحسف عشانه

تلعن خيره ويقول هات زود .. بالعربي ماتخاف عليه

لكن يعيبه سعره المرتفع

اجل منت راعي بر بصراحة ^^^^^

مااعتمد فالبر من قلب الى على الــشروكي:smile:

الربع كويس مايشيل عفشك ولا حتى اخوياك !!

الرانجر والهمر مشاكلهم كبيرة في منطقتنا في السعر وفي قططع الغيار وفي رغبة المشتري وحرارة الجو ...........الخ

الشيروكي سيارة في نظري مايعتمد عليها في الضروف الصعبة لانه حقت ثمامة وطعوس فقط وداخل المدن

الجمس مشكلتة الحرارة في المناطق الوعرة او حتى التغاريس وحتى لو خدمك ثلاث سنوات بعدها كل شي يضعف ويروح سيارة عادية >> كامري مرفعه ههه

فية سيارتين هي الي خاشة مزاجي - الفكسار بس عيبة الثقل في الطعس وتخاف علية في الجبال والسيارة الثانية الجكس بس عيبة خفيف ومافية مميزات فكسار

هذا بختصار

الافضل شيروكي برأيي سياره لها تاريخ عريق جدا وكانت تستخدم في الجيش الامريكي مع الهمر

لاكن لكل الطرق الوعره والصحراويه برأيي الهمر h1 افضل سياره دفع رباعي على مر التاريخ مايردها شي ابد

السيارتين الثنتين اشوفهم في المركز الاول

المركز الثاني الجموس والسبب راح اذكره ومن تجربه واقعيه

الجموس وخصوصا ال2500hd لو حملت عليها توانكي مويه وقش البر ماراح تنزل ولا شبر ولا راح يرهق السياره

والسبب واضح حجم محرك قوي ووزن شاص وانظمة تتحمل الوزن الثقيل

وتعتبر الاولى في فئتها

مع العلم ان الطعوس تحتاج التورك مثلما تحتاج للوزن

لذالك الجيوب ماتتحمل لو حملت على ظهرها خصوصا في البر بتغثك

ومن تجربه شخصيه في الطعوس

الونيتات الجموس شي مهب طبيعي

رحت عليها الدهناء وطعوس ثانيه تقطع العروق بكل سهوله حتى وهي محمله شي كثير على ظهرها

هاذا رأيي

تحياتي لك

الربع أفضل سيارة في الطعس بلا منازع

والثاني من رأي سلفرادو او سييرا ع
باب

افضل سيارات تدخل فيها الطعوس او الطرق الوعرة وقلبك مطمن هي

اللاند - الباترول - باجيرو - اف جي - برادو اعلى فئة - نيسان اكس تريل (انقطع من السوق) - سوبارو فورستر (مافي مثله في الطرق الوعرة بس ماينفع للرمل)

هذي في المرتبة الاولى

في المرتبة الثانية:

فورتشنر - اكستيرا - باثفندر - سوزوكي جمني

وفي بعض السيارات الامريكية مثل اليوكن والهمر بس مع كثرة الاستخدام ينخفض مستواها

وايضا بعض السيارات التقليدية مثل الربع والشاص والرانجلر

وطبعا السيارة الافضل تتحدد عن طريق تحديد طبيعة استخدامك واماكن استخدام السيارة والمبلغ المتوفر

وبالتوفيق ^^"

ازيد على الشباب
بس ما ادري اذا ما كنت تبي بس عندك الفورد F150 و جمس سييرا او شفر سلفرادو

معليش بس وين الرانجلر 100/100