اذا رفع سعرها باخليها تصدي عنده
سيارة جديدة معناها يبيعها بسعر رخيص مع عروض وخدمات اضافية - هذا هو التسويق الناجح !!
واخر مرة كلمت المندوب يقل لي السيارة صعب يرخص سعرها لان عليها طلب ! والدليل ان كل الفل غلقت ! قلت له شكلكم جايبين 4-5 فل اوبشن وفرحانين انها انباعت !!
يا اخي الاسبوعين اللي راحت كان عندي بحث ميداني فلفيت جدة كلها حي حي زنقة زنقة :bigggrin:
الامير عبد المجيد - القريات - قويزة - الحرازات - كيلو 14 - الامير فواز - الثغر - ام السلم - البلد - الهنداوية - الثعالبة - القريات - المحجر - غليل - السلامة - الشاطئ - النعيم - السلامة - الصفا - شرق الخط - بريمان ............ألخ
هههههه تعبت وانا اكتب المهم مريت احياء جدة ال 38 حي ولا شفت ولا حبة كيزاشي مع اني مفتح عيوني عليها !!
حتى السيارة النادرة ميتسوبيشي ASX أخيرا شفت واحدة بيضاء !! ( انجاز !!) اما الكيزاشي ما شفتها ويقل لي عليها طلب !!
اذا 2012 ما جابها بسعر معقول باكمل عالكورولا والفلوس بازود عليها واشوف قطعة ارض او اسافر بها حول العالم وافلها !!:smile:
الله يصلحك جدة كلها سوزوكي كيزاشي فل اوبشن بس ليتك تركز شوية :bigggrin:
عمليا اللي تبيعه الكيزاشي عندنا بسنة يمكن تبيعه الكامري باسبوع لو مو اقل. وهذي الحكاية موجودة حتى في امريكا و حتى اللي يبغوا يشتروا لازم يروحوا لفرع مدينة رئيسية "حوالي 100كم" عشان يشوفوا معرض سوزوكي "ناس بطلت تشتري من هذا الشي"
حكاية ثانية. لمن تشوف سيارة ما تبيع كثير تبدأ تخاف انها "حتعزل" و تمشي من السوق وسوزوكي من انها قديمة في السوق الا ان اي مستهلك يفكر بمنطق يبدأ يطيحها من حساباته وتصير في احسن الاحتمالات زيها زي اي سيارة اوروبية مواصفاتها جميلة لكن محد يتجرأ يشتريها بسبب ان اداءها مجهول . وياقلب لا تحزن
^^^^
يا هذا الزلزال اللي استغلوه الوكالات عندنا !! :bigggrin:
على كل الصبر طيب وكل الوكالات ما بيمر شهرين الا وموديلات 2012 عندهم , يعني بعد الحج الواحد يمرهم ويلقي نظرة على الجديد لديهم ...
بامعروف وكيل سوزوكي لازم يعرف حاجة واحدة ! ان السيارة الاكثر شعبية بالسعودية وهي الكامري حتوصل كشكل جديد بعد شهر او شهرين فاذا يبغى سوق الكيزاشي يمشي امام منافسة الكامري القوية فيحتاج انه يعدل اساليبه القديمة في البيع , اطالة الضمان صيانة مجانية ابقاء السعر على درجة اقل من المنافسين الخ ... لان الكامري الشكل الجديد حتاكل الجو لفترة اول ما توصل ,,,,
معرض الحارثي صراحة ما عندي خبر عنه , اخر مرة رحته قبل سنتين وكان مستواه سيئ , اغلب الوكالات ما كانت موجودة ( لا يوجد تويوتا ولا لكزس ولا مرسدس ولا بي ام ولا فولكس واجن ولا هوندا )
الزملاء اللي عندهم السيارة - عشق هوندا و killer 63 اذا ممكن خدمة صغيرة ؟ الاستيكر اللي على باب السائق اللي تلاقي فيه معلومات السيارة ومكان وتاريخ الصنع , كم تاريخ الصنع عندكم ؟؟
لان السيارة اللي فرجني عليها مندوب المبيعات بتاريخ شهر 8 عام 2010 فكنت ابغى اتاكد من تاريخ سياراتكم هل فيها دفعات اجدد , وشكرا
هذا اللي يسموه الصدقه من مال غيرك طال عمرك :bigggrin:
بشكل شخصي وحتى بعد ما زادوا الاسعار على كلام الشباب فوق ابجرب حظي و اشوف اش هرجتهم. لو كانت الزيادة على حساب دفع رباعي مثلا ولا شي فقدام. اما لو لأ فاسمح لي لكن الوكيل قاعد يتكلم مع نفسه وحقها تقعد سياراته بحوشهم لحد السنة الجاية و ندبر حالنا بسيارة مضمونة اكثر
