عليكم السلام ورحمة الله وبركاته
لدي نيه ان شاء الله في شراء سياره
[CENTER]فكرت بالاتيما
لكن ليست لدي معلومات كافيه عنها
فعندي عده استفسارات وقلت هذا افضل مكان لها
[/CENTER]
1- مواصفات محرك السياره 4 سلندر
طبعاً تجي فئات منها الفل كامل ومنها النص فل ومنها استاندر
الفل كامل يجيك فتحه بالسقف وانوار زنن ومقاعد جلد وفتحة سقف وشاشة وكميرا خلفية وحساسات وجناح خلفي
والنص فل في فئة تجيك بمقاعد مخمل بدون شاشه وبفتحة سقف وحساسات خلفية بدون انوار زنن وجناح خلفي
وفي فئة استاندر بدون فتحة سقف بدون انوار زنن مقاعد مخمل بدون حساسات بدون شاشة بدون جناح خلفي
وكل الفئات تشغيل بصمة والدخول السهل
2- عزم السياره
العزم لا يعلى عليه عزم نيسان ما شاء الله قوي بالمره وخاصة بالسفر واسأل مجرب
3- رساوة السياره
بالنسبة للرساوة اعطيها 8/10 اما بالسرعات فوق 160 ترى خفيفه ولا انصحك بها باللفات والمنحدرات لانك بتجيب العيد :mad1:
4- عزل السياره
العزل اعطيه 9/10 بس اذا الكفر برجستون فصوت عيون القطط راح تخرم ذانيك نصيحه غير الكفر لانه قاسي بالمره وراح تسمع كل اللي بالزفلت براسك
[CENTER]وعاد شوارعنا مرايه ما شاء الله حتى الحفره تتمنى تلقاها ههههههههه
[/CENTER]
5- عيوب السياره
انا اشوف ان جدول صيانتها غالية بالمره
وزيت القير تغيره الوكالة بعد الـ 100 الف كيلوا بحول 700 ريال
والمحلات الثانيه بـ 470 بس بدون ضمان
اضافة إلى كفرها البريجستون القاسي على الزفلت
وبتغيره تلقى الراحه
قيمتها مابعد البيع فاشل بالمره يعني تشتري بحول الـ 80 الف وتجي تبيعها بعد فترة بسيطه تنزل لغاية 50 الف لان معروف بالمملكة العربية السعودية الشعب طايح على شئ اسمه تويوتا حتى لو موديل قديم يعطوك في قيمة ما تتخيلها
بخلاف نيسان والكوري اللي مو معطينه وجه
سمعت انها تقربع او تطلع اصوات
بالعكس معاي الحين حول السنتين
ماعمرها طلعت اصوات وانا امسك فيها كل بعد شهر او شهريين لي منطقة الباحه وتعرف الباحه طلوع وجبال ومنحدرات وانزل فيها مكه وجده واطلع فيها الشرقية
سمعت ان المكيف تبعها يطلع صوت مزعج وان السياره من اقل حاجه في الشنطه الخلفيه تهبط
المكيف ماعمري سمعت فيه عله
وبالنسبة للي يركب معاك بالخلف سواء اثنين او ثلاث فعلاً تنزل السيارة وتحك بالمطبات الاصطناعية بس الكثير ممن يملك التيما غير اليايات بس انا ما غيرت
لذلك ياريت يكون تقرير مفصل عن ابرز العيوب اللي واجهت الغالبيه وطريقه حلها
ابز العيوب اللي واجهتني فيها
هي الكفر وقمت بتغيره إلى كفر كوري وله سنه معاي وما شاء الله تبارك الله
وبعد ماتصلح بالاجواء البارده القارسه يعني مثل اجواء منطقة الباحه تخيل حتى القزاز لما افتحه بالغصب يطلع من قوة البرد وغير كذا يطلع اصوات بالمحرك اذا بالجنوب بخلاف المدينه مثل الرياض والشرقيه المكينه مالها صوت
نصيحة السيارة لو شريتها ما تعطيها كل من هب ودب من ربعك واخوياك لان كثرة تغيير راح تروح السيارة في خبر كانا حتى لو خويك يحافظ على السيارة من جـد راح تغص بعدين
6- مميزات السياره
سررررررررررررعة وهدوء والسماعات تعطيك اجواء ويكفي يابانية
مقاعدها مريحة بالسفر ولا عمري تعب ظهري منها والدليل اني امسك خط من هنا لغاية الطائف واوقف هناك اكل من الطازج اللي بجنب عمائر السواط وامسك خط لي الباحه ولا حس بشئ ما شاء الله
البنزين حطيت 95 وماتصرف واجد على الخط السريع بس بالمدينه من الفرررات اكيد بتعبي بس مو ذيك الصرفية
كل ماحافظت على السيارة كل مازادت خدمتها معاك
7- اي احد يحب يضيف حاجه مهمه فله الشكر
استخير الله قبل شراءها
واذا بتشتريها بمنتهي بالتمليك انصحك ابعد بعيد
بس اذا بتشتريها كاش او اقساط وتدفع دفعه والباقي تقسط على شهور الله يوفقك
8- هل تنصحوني بشرائها ام هناك افضل منها بنفس القيمه
بنفس القيمه اشوف الكوري وعندك السوناتا كويسه والكل يمدحها
بس الناس اذواق
واذا تبي النصيحه استاجر لك التيما ثلاث ايام واستاجر لك سوناتا ثلاث ايام وشوف الفرق وانت الحكم
والف شكر للجميع
عسى ماطولت عليك بس :xyxwave:
