تم شراء دورانجو 2012 CREW LUX ماشاء الله تبارك الله الرجاء الدخول

ألف ألف مبروك
الله يعطيك خيرها ويكفيك شرها
وعقبالي انا الوكاله قالولي بكره الثلاثاء تستلم موترك
والله الله بالاذكار والركاده

مشاء الله تبارك الله
الله يعطيك خيرها ويكفيك شرها
اخيار رائع للشخص الذي لا يغير سيارة كل فترة
الدورج سيارة كرف و كد عكس ما يعتقدة الناس ولكن مشكلتها كانت التكيف اقل من المطلوب
ولكن في الموديلات الحديثة استطعوا تفادي هذا المشكلة
وعلى فكرة ناقل القدرة من تصمييم الشركة ZF الالمانية وهي افضل شركة بالعالم في القيور

تحياتي اليك

ألف ألف مليون مبروك السيارة و الله يعطيك خيرها و يكفيك شرها
صراحه اهنيك على الذوق الرفيع :xyxthumbs: ما شاء الله تبارك الله تعجبني السيارة المميزة بالشارع و لا احد يكون مثلها او سيارة تكون مميزة في فئتها:ch19:
:c0214:
بالنسبه لاستفساراتك ياخوك اتوقع لانه علشانها بعد جديده انت معاك السياره الحين جربها حتى موعد صيانتها الاوليه 1500 كلم اعتقد و بعدها قول ملاحظاتك للوكيل لكن لاحظ انه اذا جيت توقف السياره حطها بالـ N ثم اربط البريك و بعدها عالـ P على طول و لو حبيت ترجع ريوس و السياره بالـ P اسحبها للـ R ثم اسحب البريك و أفضلك اسحبها عالـ N ثم اسحب البريك و عشقها بالنمرة اللي متجه لها (( أتمنى أكون أفدتك بشيء ياخوك ))
و منتظرين تقريرك او انطباعك عن الوحش ما شاء الله تبارك الله على اني اذكر يوم استلمت أميرتي الصباح و لا رجعت البيت الا بنص الليل و اكتشفت اني على وجبه واحده الظهريه و كانت خفافي :bigggrin:
الله يوفقك

ألف مبروك أخي العزيز على السيارة... الله يعطيك خيرها ويكفيك شرها
بخصوص الطقه فهذي طبيعيه في كل سيارات الدورانجو الجديد
عاد ننتظر التقرير مع الصور

احبتي اللهم لك الحمد والشكر

تم استلام السياره الحمدلله وراح يكون لها تقرير مرتب ان شاء الله

بس فيه ملاحظه بسيطه

القير لما احط السياره من الـ D للـ N يطلع صوت طقه كذا

ولما احط السياره من الـ P للـ R يطلع طقه يكون فيه مشكله ولا عشانها جديده افيدوني الله يجزاكم الجنه

العفو يالغلا . حق و واجب .
و الله يوفقك و يكتب لك اللي فيه الخير .

الله يجزاك خير ... اجابتك رائعة وقوة قلبي من ناحية الوكيل
مشكور

بعد اذن صاحب الموضوع ، الله يبارك له في السيارة و يعطيه خيرها و يكفيه شرها .


قطع غيارها أرخص من مثيلاتها ، فـ تيوتا و شفرولية و نيسان ، و متوفرة ، وكالة ، اصلي ، أمريكي ، تجاري .

يعيب وكيلها : تأخرهـ في توفير بعض القطع الميكانيكية [ الغير استهلاكية ] في بعض السيارات النادرة ، مثل التشالنجر ، و الرام . كلايسلر 300 سي ، شيروكي كوماندور .

و إذآ كنت ساكن في منطقة لا يتوفر فيها وكيل او موزع للمتحدة ، فلا انصحك بشرائها .
أمآ اذا كنت ساكن في مدينة كبيرهـ ، فـ وكيلها لا يعلى عليه ، من ناحية التعامل ، و التزامه بتصليح اي خراب لقطعه غير استهلاكية بدون اي نقاش . و سرعة الخدمة و جودتها .

أتمنى ان تكون اجابتي وافيه .

اخوك : ابو شهد

الف مبروك الله يعطيك خيره يكفيك شره
الله يطرح فيه البركه وانا اخوك

بانتظار التقرير ولا اني عارف اول ماتشوف السيارة بتنسى المنتدى بالي فيه خخخخخ :)
الله يباركلك فيها ولاتنسى الدعاء اول ماتركب ....*

ماشاء الله اختيار موفق ...الدورانجو الجديد مايبي له كلام قفزة كبيرة عن الموديلات السابقة..... الف مبروك ...الله يعطيك من خيرها ويكفيك شرها.....ننتظر تقرير التجرية على احر من الجمر :)

^^^^^^^^^^^^^^
انا ارد عنه لاني احس طلعت له قرون من الي سألووه وش اللون ومن كثر ما يرد بس ما احد يقرا المشاركات السابقه

اللون ابيض لؤلؤي

والله يبارك له بالسيارة

الله يعطيك خيرها ويكفيك شرها وتبدلها بالعافيه ان شاء الله

صراحه دورانجو هالموديل الجديد اعتبره قفزه كبيره من دوج

ولا كأنه كان فيه موديلات سابقه من دوج !! هذا الموديل غطى ع الكل !!

ما شاء الله تبارك الله

الله يفكك من الوكيل بس ولا تحتاجهم ابد باذن الله

وش اللون الي اخترته ؟

وننتظر تقريرك المصور وتجربتك وانطباعك عنها.......... لا تنسانا

الله يعطيك خيرها ويكفيك شرها ..
انا فكرت بالسيارة ذي يعني توفرلك اشياء كثيرة مقابل مبلغ معقول ...
لكن الي خلاني اقلق انه انا انسان ابغا سيارة على قولتهم لك وللزمن يعني تعيش معايا .... وانا ما كان لي تجارب مع الدودج من قبل فا مااعرف مدى تحملها...
و الي " سمعته " ان قطع الغيار غالية جدا هل هذا الكلام صحيح ؟ بالضافة الى الى سمعة الوكيل ...
فا يريت ياخوي تقولي ايش رايك في الكلام ذا ؟
اتمنى لك التوفيق ...

اسعد الله اوقاتكم بكل خير جميعا

واشكركم على هالكلام الطيب والنصائح الطيبه

بالنسبه للسياره قالوا السبت او الاحد استملها

انا اخترت لون لؤلؤي اللون هذا يعطي فخامه

وانا من الناس الي يحصن نفسه دائما والله يكفينا شر كل حاسد وحاقد

واسال الله ان يبارك لي والعقبى لكم ان شاء الله

واذا جت ابشروا بالتقرير المرتب ان شاء الله

بالنسبه للسعر اخوي 2011 للفئه الي انا ذكرتها كرو ليكس 147.000

2012 توها خارجه من الجمرك على حد قول الاخوان في الوكاله وانا اول واحد يتدبس فيها هههههههههه

اسال الله التوفيق لي ولكم

انا شفتها في الوكالة بـ 145000

كان في اليوم الوطني بس مدري 2011 ولا 2012

وكانت نفس مواصفاتك وطبعاً شكمانين

ويبدو لي في رادار في الشبك السفلي الامامي

بس وش اللون الي تم اختيارة وهل في الوان متعددة للون الجلد الداخلي ولا لون واحد

وما هو اللون الداخلي الذي تم اختياره

ولا تنسى بعد استلام السيارة تنزل تقرير كامل عنها بالصور والانطباع

لأن فيه ناس كثير تفكر في الشراء بس متخوفه وانا واحد منهم

لاكن بنخليك كبش الفداء والتجربة بتكون فيك

اذا مدحتها شرينا بإذن الله

واذا سبيتها قلنا جزاه الله خير الي انقذنا منها

تحياتي والف مبروك