نككككبه اليمه و مغامره كبيره و ماخاب من استشار

0:00 @user_267255 · 23-10-2011

بسم الله الرحمن الرحيم

انا بدخل في الموضوع علطول ..

انا كنت ادور سيارة جيب في النت .. و لقيت لاندكروزر جي اكس ار ثمانيه سلندر فل اوبشن بشاشه و دبل و فتحه و كل شئ .. و السيارة امريكيه و هي موجودة في قبرص الآن و الغريب في الامر .. ان سعر السياره مغري جدا ً ..

سعر السيارة 20 الف دولار !! و موديلها 2009 و ممشاها 47000 كم ..

و طبعا انا راسلت صاحب السيارة اللي في قبرص و موجود كل شئ في الايميل من رسايل و صور بطاقة الهويه للشخص صاحب الموتر .. و اتفقنا على سعر و كل شئ .. و جات شركة الشحن اسمها mid east cargo و فحصوها و كل شئ و كلموني اليوم الصبح و قالولي ان السياره راح يشحنونها اليوم و ان شحنها يكلف 1500 دولار و انا صراحه خفت و ما ارتحت لهم و اتصلوا علي و صرفتهم و قلت لهم ان البنك مقفل و انه ما يفتح الا بكرة الساعه 10 الصبح و قالوا لي خلاص السياره راح يتم شحنها الى السعوديه و راح توصل ميناء جده الاسلامي في خلال 8 - 11 يوم .. و انا للحين ما سلمت لهم الفلوس حقت الشحن و الحين ابي استشيركم .. هل هالشركة مضمونه ؟؟ .. هل فيه احد قد شرا منها .؟؟ هل ادفع الـ 1500 دولار .. ولا اسحب عليهم ؟؟

في انتظاركم

H.Alhindi @user_111914 · 25-10-2011

من رسايل و صور بطاقة الهويه للشخص صاحب الموتر .. و اتفقنا على سعر و كل شئ .. و جات شركة الشحن اسمها mid east cargo

على فكرة هذي كلها مفبركة ببرنامج الرسام !! وكلام فاضي مافي منها صحيح

لا يضحكون عليك بصور مفبركة وتظن أن عندك إثبات هوية

وأنت غلطتك عطيتهم رقم الجوال هذي غلطة ، رايح يزعجونك ، بس الحمد لله جات على كذا ولا حولت لهم شيء

المهم لا يخوفونك أنهم راح يقاضونك ولا يشتكونك ترا كل ذا جزء من اللعبة ،

أنا هددوني يوم سحبت عليهم أن راح يشتكون علي عند الأ ف بي أي ! قلت لهم اشتكوا ما عندنا اف بي أي بالسعودية :bigggrin: عندنا ديوان المظالم ينفع ؟ :smilie16:

ولما بينت له أني فاهم لعبتك وأنه نصاب ، هددني بالسحر والشعوذة ، وإلى يومك ذا والحمد لله - أرسل له إيميلات وأقول له : وين السحر حقك تراني سليم ! :bigggrin:

آبو فـهـد @user_245677 · 24-10-2011

^

هههههههههههههههه ،

اما عليهم اغراء :bigggrin: ، gxr ب 70 الف ،

المهم اخوي ابعد عن الشر ، وقفل جوالك يومين وعين من خير ،

بس كيف نصصب !! بدون ثبوتيات يعني ؟

H.Alhindi @user_111914 · 24-10-2011

هذولا نصابين اسمهم Scammers

سوي عنهم بحث في جوجل ويوتيوب

مافي لا سيارة ولا شي، يغريك ثم يقول لك : والله مصاريف شحن مصاريف محامي

طنشهم مرة مرة

ولو تبي تتونس استعبط عليهم : قول لهم انا متفق مع البايع أن يدفع هو الشحن

وقول للبايع أنك ما راح تدفع ولا قرش لين تشوف الموتر بجدة ، وشوف ويش بيقول لك

انا سويت مع واحد كذا ومرمطت امه شهر وشوي ( عارف انه نصاب ) مرة قالي السيارة بتوصل جدة ، قلت له انا طلبت الشحن للدمام :c0038: ( أم الاستهبال ) قام يقول لي خلاص خلاص بتروح الدمام

قلت له خلاص مابي موترك :bigggrin: قال كيف وليش وانا خلاص شحنت السيارة ؟ وهاتك يا عبط :bigggrin:

الزبدة انت اكتب له الكلمة you are MOJO
انت أحمق بالافريقي

عالم مشاعر @user_987 · 24-10-2011

اخوي قبلك قد شاف العرض هذا و تتبع الموضوع و لقاه عملية نصب

ابعد عنها و بيعوضك الله خيرا منها

رنج كروزر @user_149314 · 24-10-2011

بتنصرق وأنت تتفرج,
واضح أن العملية نصب

حبة خال @user_34450 · 24-10-2011

والله انا مثلك احترت مع الموضوع :c0214:

بس خلك في السليم ووقف العمليه .. بصراحه ما تدري يمكن السياره تطلع مضروووبه ولا بدون مكينه :bigggrin: