من الاقوى في البر سييرا ام شاص ارجو من جميع الاعضاء الدخول

لا موب ستوك مخروطة مكينته ، لأن الستوك يمشي 190 - 210 < اذا كان الجو بارد و الموتر متمرن صح [ على يد شايب من شيبان الجنوب ] ، و مكينة اللي مو مخروط تعيش سنين .
المخروط يطبق الـ 300 و هو مرتاح ، و المرسدسات ما توقف معه ، لكن مكينته سنتين ثلاث و غيرها .
الا اذا كان الاسطورة 511 اللي فيه كثير ناس ما تصدق انه موجود ، و على كثر ما بحثت عنه ما لقيت الا اثنين منه ، و واحد منهم شايب نزلو له فيه 50 الف [ و الموتر منتهي ] و رفض يبيع .

بالنسبة للجديد تراهـ اقوى و اخف و انشط بالبران ، و طبلونه لو تفصله ما اعتقد ان فيه شي بيردك عن الـ 300 ، لكن القديم له معززهـ خاصه .

الحين وش جاب طاري الذكريات < باقي شوي و يصيح |459|


[ لا تزيد الموآجع خلني قـِد نسيت ،،، لآ تقلب بقلبي صفحة الذكريآت ] < احس ميحد مغنيها بالجمس مدري ليش :(


انا اللي قاهرني ، ان كل سنه تجيني هفه الا ابي اشتريها [ و ما تجي هالمسكه ] الا على وقت ما تكون سيارات الدفع الرباعي غاليات .

لكن ان شاء الله هالمرهـ بأنتظر للصيفيه ، و ابدأ ادور لي واحد مأنتك .

عاد تدري اليوم بموقع حراج كلمت واحد و وافق و كل شي ، و رسوم النقل عليه [ ^^ ] يعني انا الربحان < و الولد متحمس . آخر شي قآل لي وش لون داخلية الفورد . قلت له كحلي < قآل اجل الله يفتح عليك :( < يعني مسكت على لون الداخلية ..................!