اليوكن جنني رجة قويه ( ما خليت شي الا سويته ) حلولكم !!

اذا السيارة 2010 وديها الوكالة خصوصا بعد ماجربت الترصيص ووزن الاذرعة وشيكت على الكفرات انها سليمة من التحبيل , الباقي عمود الكردان وباقي وكراسي المكينة على الصيانة ويصلحونها على الضمان

اخوي في احتمالات ادا كانت سيارتك دفع اماي شيك على العكوس الداخليه وادا كانت دفع خلفي من العامود وانتبه لاحد يقولك من كراسي المكينه لانها كراسي المكينه ترج عندك وهي واقفه
وشوف وش يصير معاك

إذا الرجه تكون ناعمه وإذا نضرت بالمرايه الداخليه وخاصه بالليل تكون انوار السيارات اللي خلفك مشوشه هذا من عمود كران والمخرطه هي اللي تطلع إذا فيه مشكله مثل اعوجاج اوطعج وترا فيه ترصيصات ,انا قد بهذلني بكابرس وكل شي سويته لين غيرته ورتحت ..

اخوي الرجه تكون
من عدم الترصيص او من الكفرات او من عمود الكردان
وانت شوف اللى عندك خربان منها واللى سويته

أخوي السلام عليكم
هل الجنوط تجاري وإلا حق الوكاله ؟؟
إذا كان الجنط تجاري يكون بينه وبين وجه الهوب فضاوة ( 2 أو 3 ملم ) فلو حاولت ترصص ماراح تروح الرجه بسبب فضاوة الجنط والحل هو إنك تروح للمخرطه ويخرطون الجنوط ويركبون عليها جلبه بحيث إنه مايكون بينه وبين الهوب فضاوة لأنها تسبب رجه حتى لو إنها واحد ملم , ويمكن إنك لاحظت في بعض الجنوط تفك مسامير الكفر ومايطلع من الهوب إلا بالقوة هذا أفضل شي لأنه ماراح يرج إلا إذا كان نفس الكفر فيه ميول وهذا حله بالترصيص الأرضي عند العضيب اللي بشارع الميه بالرياض أما إذا كان به تحبيل فلابد من تغييره .
أما إذا كان الجنوط مافيها فضاوة ولا ضروب والكفرات ترصيصها على الصفر ولافيها تحبيل فالمشكله تكون من عمود الكردان أو الصليبات والحل هنا إنك تفحص العمود بحيث مايكون فيه انعواج والصليبات مايكونن مرتخيات أو مشدودات وليس مرن الحركه ، لأنهن يسببن رجه .

أنا أتكلم من واقع تجربه .
تحياتي لك ...

تاكد من ان الاطارات مفيهاش مشكله
لان المشكله في الاطارات و ما يجورها
زي ما قالو الشباب
لو فيه فرده محبله ممكن تعمل كده

غير فحمات البريك

يااخي المشكله من عمود الدوران (الكردان) يبغاله ترصيص ويمكن يحتاج تغيير للصلبان
حصلت هذه المشكله في سيارتي الجمس 2003 اذا انت في جده رح صناعيه المطار واسأل عن مكان ترصيص عمود الدوران انصحك عجل باصلاحه لانه يأثر على الجربكس والدفرنس

ياخوك شيك على جنزير المكينة شكله مرتخي

ورشة العضيب يفكونه ويصلحونه !!!!!

وعليكم السلام و رحمة الله و بركاته
اولا مشكووور اخوي على التنبيهات
و ان شاء بشيك عليهم و اشوف كيف وضعهم





و اشكرك اول شي على التفاعل
و احب انبهك اني رصصتها ارضي ( يدوي ) و بخصوص العمود و الفحمات بشيك عليهم بإذن الله

لكن يا ليت من الاخوان الي مرت عليهم مثل هذي المشكلة يفيدونا افادهم الله

وقد تحتاج الى تغيير كفرات او فحمات البريك

سوي ترصيص ارضي عند محل ممتاز معتمد مثل ورشة العضيب (( بــــ 200 ريال )) وشو وشلون ثم اتجة للتشيك على عمود الكردان وسوي له تشحيم مضبوط

السلام عليكم ورحمة الله وبركاته
يا رعاك الله لم أفهم اليوكن هذه ولكن إذا كانت سيارتك دفع خلفي افحص عامود الكردان وإذا كانت دفع امامي افحص كراسي الماكينة ..:)
ودمتم بخير
والله أعلم
والله من وراء القصد

يا الغالي الرجه تحس بوجودها بشكل خفيف عند سرعة 100 لكن لما توصل 120 وما فوق تحس السيارة كلها تنفض بشكل ملحووظ جــــدا