خيار جداً ممتاز ( الطوارق ) وشخصياً ما اقل عنك حب للطوارق الجديد , جيب فخم جداً جداً وتصميمه لا يوصف , اهنيك على الأختيار , بالنسبة للوكيل صراحة مالي تجربة معاه , عمي حالياً عنده بي ام دبليو وقبلها كان عنده أودي , يقول ان الوكالة ممتازة , خذ موعد للصيانة وتعال بالوقت اللي حجزت فيه يخلصون امورك وتمشي , طبعاً باعها بعد كم سنة من الاستعمال لأن صيانتها كانت نوعاً ما غالية وكانت اوضاعه المادية صعبه بوقتها فأضطر ان يبيع سيارته لأنه مو ناقص تكاليف زيادة , ويوم ضبط وضعه بعد فترة شرا بي ام دبليو الفئة السابعة وهي سيارته الحالية ومرتاح معها , ما علينا
عمي الثاني عنده حالياً اودي A6 2005 او 2006 ماني متاكد بالضبط , يعشق الأودي بشكل كبير بسبب فخامتها المطلقة بالرغم من ان الـ A6 ما يعتبر اكبر سيارة للأودي وتعتبر قديمة نوعاً ما لكن ما زال يشوف ان سيارته تتفوق بفخامتها على سيارات كثير موديلات 2011 و12 من زود الحماس شرا كاب وجاكيت عليها شعارات أودي وكلفته حول الـ 1000 ريال خخخخ :bigggrin: , بالنسبة للوكيل يقول انه مرتاح معهم وانهم كويسين , بل يفكر انه يغير الاودي حقته الحالية ويشتري أودي جديدة بعد فترة ويقول الوكيل ما عنده اي مشكلة معاهم , تاخذ موعد للصيانة متى ما بغيت تسوي صيانة , وتروح بعد ثلاث اربع ايام وتسوي صيانة ويضبطون لك وضعك وتخلص , يقول انه مرتاح معهم وما عنده اي مشكلة معاهم
والكلام يكثر , عماني تجربتهم كانت ممتازة مع الوكالة لكن ناس كثير يذمونها !
لكن كأن اللي فهمته وقت ما يطلع عطل او خراب بسيارتك الوكالة تطنش ولا تحاول تحل مشكلتك , لكن اذا كانت سيارتك ممتازة ومالها اعطال وتزور الوكالة فقط عشان الصيانة وتغير زيت وفحمات وهكذا ما راح يتعبونك , يعني لازم تحافظ على السيارة وتواضب على الصيانة عشان لا تكثر فيها الخرابات وتضطر تزور ساماكو عشان يصلحون لك شئ : )
واتوقع جدة تكون افضل من الرياض من ناحية الوكالة على اساس ان معقلهم بجدة ..
