السلام عليكم
كل عام ونتم بخير بالف خير ان شاء الله اعاده الله علينا وعلى المسلمين جميعا بكل خير
في هذا المقال حبيت اوضح للي مابعد شرى السياره علما بان موديل 2012 يقولون انه صلحو
هالعيوب لكن ماعتقد ....!!
هذي عيوب الكادينزا 2011 نص فل كامل كتجربه لي انا شخصيا
1- تنسيم عند سرعه 40/كيلو في الساعه
2-طقه في القير تجي وتروح مو دايم تسمعها
3-ماتقدر تقفل السياره وهي شغاله بالريموت
4- ماتقدر تفتح الشنطه بالريموت وهي شغاله لازم تفتحها من الزر الموجود داخل السياره!
5-دخول الرطوبه داخل الاصطابات الاماميه خصوصا في الليل
6-تبديل القير فيها سريع جدا لا اعلم لماذا
7-اذا كنت ماشي بالسياره سرعه 60/ كيلو في الساعه بالضبط وترفع قدمك عن البنزين
راح تلاحظ انه السياره ترجع نمره بقوه وكانه فيه احد يسحب السياره من ورى
8- الكروم الموجود على حواف مساكات الابواب الاربعه يتغير لونها ويصبح بها نقط سوداء
وهذا دليل انه الجوده ضعيفه جدا جدا علما ان السياره موديل 2011؟؟
9-علامة الهند بريك الموجوده داخل الشاشه الصغيره لاتراها لان الدركسون مغطي عليها واذا نسيت الهند بريك ماسك وتمشي بالسياره لا يوجد تنبيه بذلك لانه حصلت لي هذي المشكله ومشيت فيها تقريبا كيلوين وانا مادري !!
10-عند اقفالك السياره بالريموت او بالازرار الموجوده في مقبض الابواب المرايات لاتنصفط جميعها بوقت واحد الاختلاف تقريبا جزء من الثانيه ولكنه ملحوظ
11- سيت الراكب يهتز !!!! واعتقد انه عيب قوي جدا ومقلق
12- الستاره الخلفيه ايضا تهتز طبعا هذا دليل على ضعف اعمدتها
13- تعشيقه القير من الباركينج الى الدي خفيفه جدا ليتها كانت متعرجه وليست بخط عمودي
لانه تحس انه القير ملعون جده
14-مسجل السياره السي دي نص فل كامل فقط يحمل سي دي واحد
15-عند شرائك سياره كادينزا انتبه للكفرات ان تكون صنع 2011 وليست صنع 2010/3
اعتقد مابقى شي في السياره في الوقت الحالي
الايجابيات/
1-سياره خفيفه في الدعسه وقويه
2- نورها الزينون قوي ويفرش لك الطريق
3- صوت مسجلها لا باس به جيد حد مستوى الصوت الى 35 وليس كباقي السيارات الى 50
4- المظهر الخارجي ممتاز
5-وسيعه في المركبه الخلفيه اوسع من الكامري والافالون والمكسيما والالتيما
6-صوت مكينتها ناعم والله اعلم فيما بعد هل يحدث بها ضوضا او تضل هكذا العلم عند الله
7-راسيه السياره عند 160/كيلو وتخف قليلا عند 200/كيلو في الساعه مع العلم اني انسان لا احب السرعه ولكن لابد اجرب السياره للاحتياط
8-التوقف الفجائي في السياره جميل لحد ما طبعا جربته من سرعته 100/ كيلو في الساعه تحس انها تمسك بصوره واضحه
9-في المنحنيات جميله ماشاء الله ثابته ماكانك في منعطف يعني اذا جيت تلف بالسياره على سرعه 110/ كيلو ماتحس السياره بكامل بدي السياره يميل لا وكانك في سياره سبورت قريبه من الارض
فما بالك لو كان الجنط مقاس 18 اعتقد سوف تكون افضل..طبعا متوفر فقط في الفل اوبشن
النص فل كامل مقاس الجنط 17
هذي السياره عامة وبحكم تجربتي انا وممشى السياره الى الان ووقت كتابة رسالتي هذي
1255 كيلو
بالنسبه لي انا شخصيا كسياره جديده موديل 2011 و 6 سلندر اقيم السياره 7 / 10
لانه عيوبها اكثر من محاسنها خصوصا انه وكيلها الجبر
ولكن شاء الله وما قدًر فعل وشريت السياره
تحياتي لكم
