ابي سيارة أمريكية ومحتار فورد ولا شفرولية

الاحظ انك جايب سيارات من فئات مختلفه مثل الفيوجن والتورس والكابرس والماليبو

المهم انا راح احاول اتكلم عن كل سياره وانت اختار الي يعجبك

اولا الكابرس حاول تبعد عنه

نصيحة مجرب

الكابرس حلو اذا شريته مستخدم تلقاه طايح من سعره واجد
لكن لو طلعته جديد اتحداك بعد ثلاث سنوات فقط

اذا ما طاح اكثر من نص سعره

عندك الرويال مثلا تطلعه من الوكاله 150 او 160 الف ريال

الحين مديلات 2007 نفس حقي و 2008 ما توصل 70 الف الا اذا كان مخزن اونظيف مره

يعني في ثلاث سنوات طاح من سعره حدود 90 الف <<سعر سياره ثانيه:mad1:


الماليبو ممتازه جداً وصناعه امريكيه
لكن لا تنسى ان شكلها بيتغيير وترا فئتها اقل من التورس والكابرس

المالبيو من فئة الكورلا والفيوجن .... الخ


الكراون فكتوريا موتر حق كرف ومريح واقتصادي وقطعه رخيصه وخراباته قليله يعني موتر لك ولزمن

لكن شكله قديم ومواصفاته قليله

ما انصحك في الفكتوريا اذا كنت من محبي التقنيه والشكل


التورس اشوفها الخيار الافضل

لكن مشلتها شكلها راح يتغيير تغيير بسيط مثل الاسطبات وغيرها

عموما كل السيارات الي ذكرتها راح تتغير بعد فتره

واذا كنت تبي سياره سعرها في حدود 100 الف
ومواصفاتها كثيره برغم من سعرها

عندك الازيرا لكن مشكلتها كوري

اهم شي لا تاخذ سياره الا اذا كنت راغبها ومقتنع فيها

بالتوفيق

خلك على الماليبو الفل .

تشارجر أقل فئة
مواصفات روووعة و قوة و رساوة سعرها
100ألف و شوي
بس الوكيل سمعته مو قد كذا ماجربته و لا تعاملت معاه بس السمعة

انصحك بفورد تورس فهي سيارة رائعة من حيث ( مواصفات الامان + الترفيه + الرساوة عالطريق ) و الكثير

لو انا منك كان اخذت كابريس

ومبروك مقدما

لو تبي سياره امريكيه عندك خيارين الاولى بدون مواصفات بس حمار مكده ومعروف وهي الفكتوريا والخيار الثاني مع مواصفات وهي التورس بس بتجيبلك دفع امامي اقل نوععشان كذا افضلك الفكتوريا وفي خيار ثالث بس الوكيل ماحد يمدحه وانا ملعرف تعامل الوكيل والي هو التشارجر
ولو تبي شي غير الامريكي عندك خيارات كذا وابذكرها لك
1- مكسيما اقل مواصفات
2- اكورد بس بتتغير قريب
3-مازدا 6

كابرس اذا كنت تبحث عن الراحه بالخط والقوة . . .

وباقي المواتر اذا كنت داخل المدينه بخصار ياغلا : )

صراحه لو أني مكانك بأخذ لي أما ماكسيما نص فل او كادينزا نص فل او اوبتيما فل كامل

وببعد عن الشفروليه بشكل عام لانه قطع الغيار والصيانه شوي غاليه

لا تستعجل الله يخليك , حاول تجمع بين سيارات الياباني والامريكي والكوري

ومن ثم المقارنه ومن ثم التحديد

^^^^^^^^^^^^

بكم سعر الكادينزا وكاله

والرجال قال حدي 100

واعتقد كافيه تجيب له كابرس 6 لتر بالراحه

انشط من المواتر اللي ذكرتها كلها

وقطع الغيار بالعكس

ارخص من الياباني بكثير

مادري من يجيب لكم هالمعلومات

ان الامريكي غاليه قطعه

جرب تروح صيانة الحمراني

وشف الفضايح والاسعار عنده

بصراحة انسب خيار لك الفيوجن وحاول تكون فل ولو ما كانت فل خذ النص فل لان سعرها ممتاز ونفس مواصفات السلامة ومن افضل السيارات في فئتها

اولا حبيت اوضح نقطه

الماليبو من فئة المكسيما والاكورد وغيرها

وبنسبه لي انا انصحك تاخذ كابرس خصوصا انه الوحيد اللي ماراح يتغير شكله كثير

وتقولي حدك 100 الف

يمديك تجيب فيه كابرس رويال نظيف بالراحه

مكينة جباره وشكل جميل ووسيع واسم

واهم شي خذ موديل فوق2007

وهو الوحيد اللي ماراح يتغير شكله او وقف تصنيعه من بين السيارات الاخرى المذكوره

وانا شكلي بطق كابرس او لومينا

ببيع جمسي وبشتريه

الصراحه موتر رخيص وسعره فيه

تحياتي

الله ييسر لك ويوفقك اخوي ويحفظك ويبارك لك