يالربع ساعدوني بشري موتر بإذن الله راعين ( اكورد - افالون - كامري - اوريون )

ولله شوف يالغلا
بما انه على كلامك انك ماشالله تبارك الله من ذوي الأوازان الثقيلة اللهم صلي على النبي فـ أقولك و بصراحة ابعد عن الكامري و الأوريون ما بتريحك أبداً و لا بتكون لايقة عليك أبداً .. أنا كانت معاي أوريون قعدت معاي 9 شهور او 10 و بعتها ماهي مريحة أبدا و بتضايقك ... استبعد هالثنائي المرح كامري و اوريون

الهوندا أكورد ... جربها أول ترى كثيرين ما ريحتهم ! أنا ماجربتها بس سوقتها لمدة 10 ثواني فقط ولا أقدر أحكم عليها .. بس أقولك جرب

أنا أرشح لك الأفالون xl بتليق عليك بقوة و مريحة و حلوة ماشالله مواصفتها قليلة بس حلوة و يمدحونها

و أضيف لك خيار أخر ... دودج تشارجر أقل فئة قيمتها 107000 ..6سلندر .. دفع خلفي ومواصفات روووعة وحلوة و شبابية و راسية و عزلها ممتاز وشكل جديد ملفت
و هاذي بالراحة تجربها روح لأقرب فرع و قولهم تيست درايف

وبصراحة حاول لا تبعد عن هاذولي الافالون xl أو تشارجر أقل فئة

الله يوفقك يارب

انا انصحك في سوزوكي كيزاشي جدا راااسية و شكل حلو و مواصفات رااايعه وتنافس سيارت فخمه في الرسواه و المواد الداخليه زي المرسيديس سي كلاس و الاودي اa4 انا شاريها لي ٦ شهور ماشاالله من اريح السيارات اللي ركبتها و علي فكره تراها تفوقت علي الاكورد في الرساوه والفرامل فيها اكثر من ٦ ايرباقات شوف المقاطع في اليوتيوب

أخوي وش الإحتماليه تاخذ الآن ؟
وش السيارة الأقرب تاخذها ؟

أبو مي .. الكوبيه ليست فخمه ابد من الخارج ..
وإذا هو يبي عزم وسرعه ياخذ اوريون وإذا يبي راحه وجوده ورساوه وفخامه
ياخذ اكورد 6 سلندر او 4 .. أنا لو بشتري بشتري 4 سلندر فل اوبشن بدون شاشه ومخما
والله رائعه ..

عليك بالاوريون الا اذا بتاخذ اكورد 6 سلندر فهنا اقولك عليك بالأكورد يابعدي
وشوف بعد أكورد كوبيه فل الفل 130 ألف تجيك //
6 سلندر ... شكمانين - فتحة سقف - مقاعد جلد

انا اخوي معاه اكورد موديل 2006 ...... 4 سلندر ماشتكى منها

مع اني انا ارشح لك الأوريون 2012 بحكم انها شكل جديد وانا اخوك بس لا تاخذ دفعة اولى لانه يكون فيها عيوب

وبالتوفيق

بما إنك ما تهتم بالمواصفات والعزم والمكينة بشكل عام ،،
خذلك أكورد 4 سلندر فل كامل جلد 2012 بـ 106000 ، أو إن بغيت شاشة بـ 117500 ،،
إيجابيات السيارة :-
1) السيارة تجيب فيها عشر سنين بالرررررراحة من دون أي مشاكل بالأخص إذا كنت محافظ عليها .
2) الرساوة والثبات المذهل وسرعة الإستجابة والمرونة بشكل عام بالحركة .
3) الشكل الخارجي الجميل والموحي بالفخامة .
4) الفئة اللي تمتلك الأكورد غالباً ناس محترمة ، أو مفحطين :bigggrin:

سلبيات السيارة :
1) سعرها يجيب لك مواصفات أفضل من شركات ثآنية .
2) عزمها ضعيف .
3) عزلها على السرعات العالية موب مرة .
4) قطع السيارة مرتفعة مقارنة بالشركات الثانية مثل هونداي .


الله يوفقك .

اكيد افالون لكنهــآ فوق ميزانيتك فـــآ خذلك اكورد

وانحش لاتقرب الكامري والاوريون غير مريحه ابدا ابدا والكامري رساوتها منتهيه وكلامي عن تجربه وبالتوفيق

أخوي أنت إذا الافالون ما راح تتعبك بالفلوس وتزعجك .. تتسلف وكذا .. انصحك ما تشتريها .. وإذا فلوسها جاهزه بدون تعب .. خذها
وإذا تتسلف وتغث نفسك خذلك
أكورد جدا رائعه والله يوفقنا ويوفقك

^^^^^^
ما ألومكم في كرهكم للحمراني
وصراحة نيسان صيانتها غالية ولكن قليلة الأعطال
وما دام أنت تريد من بين الخيارات إلي أنت طرحتها
فأتصحك بالأكورد سيارة جدا عملية ورائعة ومريحة

تحياتي

+ الحمراني وكيل نيسان صيانه مش ولا بد ( صح ان سيارات نيسان قليلة الاعطال لكن الواحد يشتري راحته بالاول )

انا فاهمك .... لكن صراحه 22 الف فرق كبير من لميتد بدون شاشة و xl ههههههههههههه ليمتد بشاشة غش غش غش 8 الاف ع شاشة تلفيق لا لا

الافالون ما شاء الله باص وسيعة وكذا

والله إلى الآن 50% اكورد + اوريون 2012 25% + افالون 2011 xl 25%

انا بجرب استاجر هوندا اكورد قبل يمقن اهون ويمقن لا ويمقن تعجبني

انا سمين وتعرف السمين يحب الراحة بتلعب فيني المكسيما ,,,, عموما نيسان ما ادري ليه ما احب فيها الا (( الدقسن )) والباقي مع احترامي ما هضمته + سعر الكفرات غالي جدا

أخوي
أنصحك بنيسان مكسيما سيارة حلوة وشبابية فيها الفخامة إلي أنا متأكد أنها بترضيك
بس مشكلتها أنو تعليقها رياضي وقاسية بعض الشيء
بس السيارة جدا جدا ممتازة
أو
تستنى شوي لمن تنزل الألتيما الجديدة

أرجو أني أكون أفدتك
تحياتي

أنا قلتلك إذا ما تقدر تدفع قيمة فل افالون .. انصحك بالأكورد روعة جدا .. وما عليها كلام ..
فخامه وجودة ورساوه والله يوفقك

واضح انك ما قريت ردي عن المواصفات ! :c0038::c0038: لا xl اقل فئه في الافالون يعني سياحي و ليمتيد فل كامل بعدين تجيك فئه ليمتيد مع شاشه هذي اللي فرق 8 الاف و بين بدون شاشه ولا تستاهل ذا السعر ! راجع ردي السابق عن المواصفات و راح تعرف الفرق بين xl و ليمتيد

فرق بين الـ xl والـ limited بدون شاشة اكثر 22 الف ريال ؟؟؟

كاميرا - جلد - فتحة - مفتاح ذكي جنوط = 22 الف فرق مو معقول غالية والله

كاميرا تلبيس جلد لو اركبها بأحسن مكان مع شاشة ماكلفت 6 الف ريال مع التركيب بعد
لو قيمتها 100 الف xl كان الواحد يفكر فيها صح

ياشباب تو جارنا شاري الافالون الجديده .. قسم بالله يالشاشه تلفييييق !

وااضحه انها ملفقه ولا شاشات الغرابي ياناس ..!

عموما السياره حلوة لكن سعر اضافة الشاشه الملفقه لايستاهل ..

فاللي مره خاطره فيها ياخذها بدون شاشه ..