رأيكم اخذ اكورد 2012 ولا لا

ACTION @user_50033 · 08-01-2012

بسم الله الرحمن الرحيم وبه نستعين
ياحبايبي اخذ اكورد2012 ولا لا، مابي اخذ سيااره اغلى منها عشان بخفف التقسيط.
سمعت ان الاكورد 2012 امريكية والسبب عشان الزلازل في اليابان، هل في فرق بين التجميع الامريكي الياباني، انامحتاج لرايكم. الاكورد ستاندر.

ACTION @user_50033 صاحب الموضوع · 12-01-2012

الله يغنييكم .

the-ghost @user_266049 · 12-01-2012

ما في أي فرق بين الأكورد اليابانية و الأمريكية , بس سبب صناعتها في أمريكا الزلازل اللي صارت في اليابان , ونصيحتي لكـ تشوف فئة السبيشل (( جنوط 18 زي حقت الفل - فتحة - تطعيمات من الألمنيوم في الداخلية )) ............................. :wavey:

و أتمنى لكـ الأفضل أخوي

و هذي الأسعار من عبدالله هاشم بالمدينة المنورة :-

ستاندرد 86 ألف .

سبيشل 93 ألف .

فل كامل بدون جلد و بدون شاشة 101.900 ألف .

فل كامل بشاشة و جلد 115 ألف .

هذه الأسعار للـ 4 سلندر أما الستة سلندر الفل كامل بـ 136 تقريبا ( مني متأكد ) ............................

samioo @user_277611 · 12-01-2012

والله أفضل لك اكورد موديل جديد .. لا تاخذ شيء مستعمل

ACTION @user_50033 صاحب الموضوع · 12-01-2012

الله لايحرمني منكم اثبتو انكم اخوان من جد. حبايبي والله.
شكلي باخذ لكزس اي اس ٢٠٠٩.

H.M.W @user_254128 · 10-01-2012

شف يخوي اذا عندك ازمه ماديه وخايف تروح وطي بالتقسيط خذ لك الكورولا والله سياره محترمه او خذ لك اكورد اقل فئه وريح بالك بس ماتقارن الكورولا والاكورد لان الفرق بين الارض والسما

عاشق رادوي @user_265197 · 10-01-2012

-

اهنيك على الاختيار .. وتوكل على الله
دامها اكورد خذها ولا تشاور موتر لك وللزمن و مايحتاج غني عن التعريف :xyxthumbs:

samioo @user_277611 · 10-01-2012

الأكورد كل الي أعرفهم ومعهم أكورد ( يمدحونها ) .. جدا
إذا بتشتري اصبر ، 2013 بتتغير .. والله إذا استعجلت بتندم انك شريت 2012 .. لان
شكلها بيكون قديم شوي .. غير الجديد الي راح يلفت انتباه الكثير ..
فاحتمال كبير السيارة تنزل بشهر 6 ميلادي يعني تقريبا شهر 7 هجري

والله يوفقنا ويوفقك

صاحب CX9 @user_245012 · 10-01-2012

و الله شف ياغالي كلهم حلوين واسمهم سيارات لكن الكفه عندي تميل للاكورد وعلشان تريح نفسك رح للكورولا و ارفع كابوتها وشف وين صناعتها ياخوك ان شفتها في الصين فبعد عنها و خلك على الاكورد و ان شفتها غير ذلك فانصحك بالاكورد ثم الاكورد

genes power @user_202671 · 10-01-2012

انا جربت الاكورد اليابانية والامريكية

كلهم نفس بعض بالضبط

مالحظت اي فرق ابدا ابدا

الفرق الوحيد بينهم هو مكان الصنع فقط

وترا احتمال كبير جدا ان نرى الاكورد الجديد في النصف الثاني من 2012

يعني اذا كنت من اللي يهتمو بحداثة الموديل فالافضل ان نتنظر كم شهر

والاكورد الحالية لايعيبها شي غير ارتفاع سعرها (سواء السيارة او القطع) مع قلة المواصفات

والعزل الارضي لك عليه والمطب قاسي شويتين للركاب الخلفيين مقارنة بباقي المنافسين

وبالتوفيق ^^"

وضح النقاء @user_82653 · 10-01-2012

.
.
.
والله الاكورد حلوة وجودتها ممتازة

انا انصحك بها فهي افضل سيارة يابانية من ناحية الجودة والتحمل

وكلامي بناءا على سمعتها بين الناس وليس عن تجربة

تحياتي

ابو ساير_sa @user_277860 · 08-01-2012

سبيشل حلوة : فتحة + جنوط 17 زيادة بسيطة

ابو ساير_sa @user_277860 · 08-01-2012

اذا ما يهمك سعر البيع بعد فترة طويلة من الاستخدام وتبي موتر عملي خذ اكورد وتوكل ع الله ... بـ 86 الف او سبيشل بـ 92

ولا كامري بــ 103 موديل جديد + عيوب مصنعية + عدم توفر قطع غيار لحد الآن
+ كامري = 100 الف !!!!!!!!!!!!!!!!!!!!!!!!!! استرالي

Mohand2007 @user_277868 · 08-01-2012

انصحك بالكورد حلوه جدا عمليه وجودة ورساوه

بعدين أفضل لك تصبر الين 2013 لانها بتتغير

ACTION @user_50033 صاحب الموضوع · 08-01-2012

الله يوفقك ردك جميل اشكرك، ماقدر اصبر مامعي سيارة، ان فرضاً لفيت المعارض ادور مخزنه علشان انها. ياباني بس كذا بكون خسرت موديل كامل. بدل ما اخذ ٢٠١٢ يصير اخذ ٢٠١١. صعبه. الله يوفقني.

Road Lord @user_250569 · 08-01-2012

والله ياخي الكريم الأكورد اللي عرفناها اليابانية كانت جودة ورساوة واعتمادية قل مثيلها

وبالنسبة للأمريكية فما أعتقد أنها حتكون أقل لأن شركة هوندا أول شركة يابانية بنت مصنع في أمريكا وهي مهتمة جدا بالسوق الأمريكي ونفس سياسة الإنتاج متبعة في أمريكا

وبدليل الأكورد الكوبيه من 2008 اللي بتجينا صناعة أمريكية وماشفنا منها أي مشاكل الا أثبتت نفسها مثلها مثل اليابانية ولكن احتمال جدا كبير إن 2013 موديل جديد للأكورد

فلو ماتبغى تستنى أو مافرقت معاك فتوكل على الله ولو بتنتظر يكون أفضل لأن حرام تشتري سيارة وبأقل من سنة ينزل شكل جديد

وعلى البركة مقدما ,,,