كفكرة..حلوة
لكن المضمون مو جديد...من بداية الالفية الثانية وفي انظمة شاشات في السيارات تكشف اماكن المطاعم والفنادق والمعالم السياحية
الجديد هذي المرة هو تحديد اصحاب السيارات اللي تعرفهم وانتقال الفكرة من الشاشة الى القزاز زي البروجكتر
والكفرة حلوة لكن المشكلة ان تنفيذها مستحيييييل
وجود شاشة الكترونية في القزاز بتصعّب الرؤية على السائق وممكن تخليه يسرّح ويقبع
خصوصا ان البروجكتر آخذ مساحة كبيرة من القزاز الامامي يعني الرؤية بتصير سيئة
فاتوقع ان مرسدس سوت هذي التقنية للاستعراض او على انها احد تقنيات المستقبل اللي ماراح نشوفها فعليا الا بعد عشرات السنوات
وفي انتظار تحفة مرسدس الجديدة
وشكرا ^^"
مرسيدس تخترع المستحيل ولازالت الشركات اليابانيه والامريكيه تطور " تدفئة المقود - تسخين الاكواب " ..! :)
ياليت تعطينا شي من المستحيل اللي اخترعته مرسدس
الواقع يقول عكس كلامك تماما
وانت تقول ان اليابانيين والامريكيين يطورو ما يخترعو
طيب ايش تسمي بروجكتر مرسدس الجديد... اختراع والا تطوير !!
اول من اخترع البروجكتر هي شركة جي ام
واول سيارتين في العالم فيها بروجكتر هي بونتياك والكورفيت <<اللي تكرهها :d
واول شركة بعد جي ام استخدمت البروجكتر هي تويوتا بعد ماطورته بشكل كبير
وبعد تويوتا ب6 سنوات بدأت بي ام في استخدام البروجكتر
يعني البروجكتر احد الابتكارات الامريكية المقتبسة من الطائرات الامريكية
وحتى الوقوف الاكتروني اول من ابتكره جي ام في الخمسينات واول سيارة طبقت النظام هي تويوتا بريوس
واول من سوى خط انتاج لسيارة هي شركة فورد وكمان هي اول من ابتكر فتحة السقف
ومن اوائل الشركات المطورة للشاشة والنافيجيشن هي شركة هوندا في الخمسينات
واول من وضع المكيف في السيارات هو احد الامريكيين واول سيارة انتاجية فيها مكيف كانت من كاديلاك
واول وثاني سيارة بقير اوتوماتيك في العالم امريكية وحدة من جي ام ووحدة من فورد
والقائمة تطول لابداعات واختراعات الصانع الامريكي (رغم كرهي للصناعة الامريكية لكن الحق ينقال)
ومرسدس ماسوت اشياء كثير
ابرز اختراعاتها ماتوصل 10 اختراعات واللي من ضمنها محركات البنزين والدايركت انجكشن والايرباقات والـ ABS
يعني بلاش تطبيل لمرسدس او غيرها بدون حق...او لمجرد انها شركتك المفضلة : )
