السلام عليكم ورحمة الله وبركاته
اليوم ياأخواني وأخواتي جاي أعرض لكم تجربتي مع أحد قطاع خدمات السيارات وهي شركة زيبارت.
أنا مظلل من عندهم قبل ثلاث سنوات ونصف بــ 2500 ريال
التظليلة في الزجاج الأمامي ضرب لونها .. التظليلة اللي على الدرايش الجانبية بعضها ضرب لونها وبعضها بدت تخطط ..
وطبعاً يوم ركبو التظليلة مانظفو الزجاج والدرايش زين من اللصقات حق الجمرك والمصنع فكان أحد عوامل تصفير وتبقيع التظليلة ..
والتخطيط هذا لاحظته بعد سنة ونصف من تركيب التظليلة، بس قلت ماودي أدخلها علشان الأشياء الصغيرة هذي..
ولكن بعد مرور ثلاث سنوات النصف بدت التظليل تصفر في مناطق التخطيط اللي لاحظتها سابقاً.. :c0214:
المهم.. رحت الصبح لفرعهم في الدمام اللي قرب حي الاتصالات.. وبينت للموظف ملاحظاتي..
قال: "بالنسبة للزجاج الأمامي راح أغيرها لك، لكن الدرايش لازما تروح لفرع خط الخبر يشوفها المشرف!"
قلت: "طيب عندك فنيين هنا يعاينون ملاحظاتي!"
قال" لازما يشوفها المشرف اللي هناك، احنا أصلا حتى تجينا سيارات هنا ونرسلها للخبر لأنه لازما المشرف يشوفها!"
يعني صرفني أبو الشباب :a1120(121):
آمنت بالله.. رحت لفرع خط الخبر وطرحت ملاحظاتي مرة أخرى.. طبعا شافها موظف وبالتعب اقتنع باللي وضحته عن مشاكل التخطيط والتصفير..
قال: "راح نغيرالزجاج الأمامي والدرايش الخلفية فقط، بس مشكلة التخطيط هذي موجودة في كل سيارات الكابريس والهوندا والإسكاليد لأنه الربلات تبع الدرايش جافة فما راح نغير الدرايش الأمامية!"
قلت: "ياأستاذي الكريم هذي التظليلة على الضمان وماوجد الضمان إلا لإصلاح العيوب والمشاكل الخارجة عن يد الزبون وكذلك العيوب من الخدمة المقدمة عند تركيب التظليلة!"
قال: "التخطيط في الدرايش الأمامية مانغيرها لك ومش مصفرة!"
قلت: " ياأخي التخطيط هذا راح يتحول إلى لون أصفر بعد فترة وبعد كذا راح أجيك مرة ثانية.. ياأخي الحين أنا زبون عندك ومن المفترض عدم تعطيل الزبون بالروحة والرجعة.. وهذا الكلام مايصير"
قال: "خلاص خليني أشوف لك المشرف" :a1120(121):
جاء موظف ثاني وشرحتله قصة حياتي مع التظليلة مرة ثانية..
قال: "انا ماأشوف في الدرايش تبع السيارة أي مشاكل"
وبدا يتكلم ويصرف..
طبعا شديت عليه في الكلام وسخن الحديث
قلت: "الحين الموظف اللي قبلك شافها وعاينها وقال مصفرة، والحين إنت تقول مش مصفرة!"
قال: "انا ممكن مش عارف أو ماعندي خبرة إني أعطيك رأيي بس مافيه مشكلة في التظليلة!"
قلت: "ياأستاذي الكريم أعطيني من النهاية إيش راح تعملو بالسيارة؟ راح تغيروا التظليلة كلها ولا لا؟ انا مش مستعد كل مرة أدخل السيارة وانتظر واتعطل!"
قال: "يعني الحين تبغاني أقللك إيش راح نعمل بالسيارة؟ انتا خلاص خليها هنا وراح ندق عليك"
قلت: "الحين أنا ضارب مشاوير وعندكم في المحل فجيب الفني يشوفها وخليني على بيّنة!" :a1120(121):
المهم.. شفت اللف والدوران منهم وحسيتها من يوم قاعدين يصرفون..
خليت السيارة عندهم وراح يردون لي خبر اليوم باللي راح يسوونه!
والله المستعان.. :blue:
