مشكله بمكيف السياره ...... اين الخبراء !!!!؟

اقرا موضوعي اللي في التوقيع الاول و تحصل الجواب

Upppppppppppp

وبخصوص فلتر المكيف خلف درج الياريس مايجي معها الفلتر

وانا توني شاريه قبل اسبوعين


وشركة قالولي الياريس فلترها من شد بلدها فقط فيه فلتر واحد من جهة رديتر المكيف فقط للياريس

وقالولي اذا تبي الي عند درج عادي نعطيك واحد جديد وشريته اضن حول 300 ريال

مع علم سياره استخدام 4 سنوات يعني من جهة درج مغبره شوي

كمبروسر مكتوم ؟؟؟!!!!

اسمع يا طويل العمر

ابد بالحلول السهلة

اذا مافي عند تهريب اونقص في الفريون

اغسل رديتر المكيف و غير فلتر المكيف و تاكد من المراوح الداخليه و الخارجه انها تشتغل بشكل سليم و خلاص

السنه هذي موجات الغبار قويه و باديه من بدري فاكيد انو الفلتر عندك متسكر

بالنسبة لمكان فلتر المكيف غالبا يكون خلف درج الراكب زي ما ذكروا الاخوان

و اقرا كتيب السيارة و راح تعرف وين محله
و كمان ماله مسافه او زمن معين عشان تغيره يعني زيه زي فلتر المكيف اللي عند في البيت لازم من فترة لفترة تنظفه او تغيره

و المفروض الوكالة كل ما تعمل صيانه عندهم يغيرونه لك

شباب رجعت مشكلة تبريد لمكيف باليل تمام بس بالنهار وسط زحمه او لما اوقف سياره يبدى يطلع هواء برودته تضعف مايبرد الا لما امشي او ادعس بنزين


رحت فحصته عند محل برى بالكمبيوتر بـ 100 ريال

قالي يبيلك كمبريسر جديد وتغير الرديتر معه !!!! قالي كمبريسر حقك خلاص صار ضعيف ويحتاج يتغير


رحت شركة قالي فحص مجاني اذا بتصلحها عندنا اما تفحص وتصلح برى يكلفك 300 ريال


وانا والله ماني عارف وش اسوي مع علم غيرت فريون مكيف ومشكله مستمره الى الحين

ايش تنصحوني اسوي

ايش ارخص حاجه اغيرها ابغى ابدى من اسهل حاجه الى الاغلى

^^

من يوم شريت سياره مافيها فلتر عند درج

ولو ركزت في ردي سابق ذكرت انه ممكن وسط كمبريسور او شي زي كذى

لآن على كلام موضف شركه فيه بعض يارسات تجي في درج وبعضها وسط كمبريسور او ماشابه

اخوي الي كشفت عندهم ماعندهم سالفة ندري ان المكيف كويس ومش القصة في الماسورة بارده او لا
فلتر المكيف ماله دعوه في هذي الامور ولا يحتاج تستشير ناس كثير كما ذكرت كل 40 الف تبدل فلتر مكيف و السلام الفلتر تحت الدرج تفتح الدرج بالكامل واسفله فلتر تشيله وتحط جديد انتهى الموضوع

لان الي بيكشف لك على السيارة يخمن ان فيه خراب في المكيف وبناء عليه يبني افكار قد تختلف او يتفق مع بعضها ومن بدلك فريون ويظهر الهواء هذا جيد لان الفريون مع المده يفقد خواصة الكيميائية ويصير مثل الهواء لو تظهره وتحط فريون افضل وقد تشعر بتحسن ولكنك لاتحل المشكله لانها في الفلتر

^^

مشكله هذي كانت لما سياره ماشيه حول 60 الف

وانا اخر مره رحت تويوتا لما كانت 50 الف وليس 80 الف انا كنت ملخبط


والسياره الحين ماشي عليها حول 70 الف ولا غيرت ولا نضفت فلتر مكيف

المشكله اذكر مره كلمت موضف توويتا قالي فيه بعض يارسات نوعين بعضها يجي فلتر مكيف عند درج الراكب وبعضها يجي بوسط الكمبريسور او مدري وين قال

انا للاسف سيارتي مافيها فلتر مكيف بدرج الراكب ولو بسويله تنضيف اكيد بيكلفني كثير الله يعين

بكره بروح اشيك اشوف بكم ينضفونه و بشوف حق اهزة المكينه

وشكرآ لك

انت لك موضوع بخصوص الهزة او الرجة والآن المكيف ما يبرد لما تكون واقف ....
هذه احيانا تتعلق بمشكلة وحدة اذا افترضنا انه ما حليت مشكلة الهزة .
السيارة اذا كانت مكتومة اي بحاجة الى تنظيف بخاخات وتغيير فلتر بنزين وبواجي وفلتر الهواء ولما تكون واقفة تضعف والـRPM ينزل بفارق بسيط. واحيانا الدينمو يقل شحنه بشي بسيط وهذا يأثر على آداء الكمبيروسير ويقل برودته وممكن حتى المراوح تضعف في السيارات الصغيرة بفرق بسيط ما يآثر على البرودة. واذ انت ما عملت اي صيانة من بعد الـ40 الف والآن ماشية 80 الف فالأفضل تعملها والأغلب تروح مشكلة الرجة والبرودة. وللعلم فلتر المكيف معروف كل 40 الف يتغير وانا كل 4 الاف اشيك عليه واحصل غبار الدنيا عليه ولا كأنه جديد ومرة حصلت غصن شجرة صغير مدري كيف دخل. فأنظفه بالهواء عند البنشري ويرجع جديد.

فاذا عملت المذكور ولا انحلت مشكلة الهزة والمكيف فأكيد عندك كراسي المكينة او الجير تعبانة خاصة انها ماشية 80 الف والسيارات الصغيرة تخرب بسرعة كراسيها. والمكيف يفيدوك الاخوان فيه.

والكراسي يفحصها بالنظر ولا يا خذ شي عليها والفحص ابو 100 ما يحتاج اذا انت بتعمل الصيانة واعملها عند اي ميكانيكي .

يعطيكم العافيه كلكم بخصوص فلتر مكيف اضن اني تغير قبل سنتين وشوي

لآني سويت صيانه دورية للسياره 40 الف كيلو قبل سنتين وشوي

دخلت موقع عبداللطيف

http://www.toyota.com.sa/maint02.asp

مكتوب في صيانه كل 40 الف يغيرون فلتر المكيف

المحل رحت محلين قالولي تبريدها سيارتك كويس !!!

قلتلهم سيارتي لها 4 سنوات واعرفها تبريده يكون اقوى من كذى ولما اوقف وسط زحام في نهار يضعف تبريد مكيف قالولي جبها في الضهر اجل

المهم يوم الثاني رحت محلات اخرى في الضهر تقريبآ 3 محلات وكلهم يقلولي تبريد كويس عندك لآنهم فتحو كبوت ومسكو ماصوره لقوها بارده !!!

جتني وسوسه الله لا يوريكم ههههههههه



المهم واحد قالي يمكن عندك مشكله بثلاجه تنسيم او شي

ألمهم حصلت محل يفحص بالكمبيوتر للمكيف قالي بـ 100 ريال رفضت

اخر شي تهورت وقلت خاربه خاربه اروحلك محل اقوله فضي كل فريون سياره قالي مليان قلتله اقولك فضيه كله وعبي جديد فريون امريكي شفت البرميل ازرق مكتوب عليه يو اس ايه امريكي خليته يعبيه اغلب محلات يقولون بـ 150 ريال

المهم عطيته 150 ريال

ولما جاء يطلع الفريون قالي غريبه ! قلت وش فيه


قالي كلمه كذى نسيت وشو صراحه قلتله وفريون وش يطلعلك اجل حقي قالي هواء قالي اضاهر هي سبب مشكله عندك متجمع الهواء في الفريون


عاد انا قلت بنفسي يمكن عشاني نمت كم مره بالسياره وهذي سبب مشكله تجمع هواء في الفريون الله اعلم


الز بده حسيت فيه تغير ملحوظ ماشاء الله بس صراحه ماني متآكد 100 % انا عندي وسوسه شوي في حياتي هههههههه

المهم بسئلكم ياشباب خويي يقول في فلتر للفريون اقوله للمكيف قصدك يقولي لا للفريون له فلتر غيره !!!

سئلت محل قالي مافيه شي اسمه فلتر للمكيف

وش رايكم ؟


وعلى فكره فيه وحده من محلات حقت مكيف كشفت عنده افتى فتوى ويقولها واثق من نفسه حسيت انه مخترع المكيف موب مهندس

يقولي يافريون ياكمبرسير حقك خربان !!! قالي هاه اعبيه لك فريون قلتله تعبيه بلاش ماعندي مشكله لو راحت فعلا حاسبتك قمط العافيه وخرش امها كفيل عيي ومدري وشو قلتله مع السلامه بس ماعندك سالفه اجل كمبيرسر خربان امكن


عذرآ للاطاله طال عمركم :bigggrin:

ولكن حبيت اوافيكم التفاصيل

وفي انتضار الاجابه

طالع الفيديو يمكن عندك نفس المشكلة

http://www.youtube.com/watch?v=GBQAOqRoRUU&list=UUx7_EScOpKw78IyKGKCA44Q&index=1&feature=plcp

أعتقد والله أعلم أن الفريون عندكـ نآقص ويحتاج تعبئة

لأن من كلامكـ تقول أذا السيارهـ وقفت وقت كثير في الزحمات يصير حآر

فهذا معناهـ الفريون ناقص

شكرآ لك





الله يعطيك العافيه في انتضارك والف شكر على نصيحة فتح الكبوت والقزاز فعلا راحت من بالي

وان شاء الله في مرات القادمه اكون فاكرها

افحص غاز الفريون للمكيف ممكن يحتاج تغيير
ثم عليك بتركيب مروحة او اصلاح مروحة التبريد فهي غير كافيه لتبريد في الزحمة او التوقف لو صار انك بتوقف وتريح في السيارة بطريق لكي تحصل على تبريد حل غطاء السيارة مفتوح (بانه) علشان تتهوى ويبرد المكيف اكثر
وانصحك بفتح شي بسيط من النوافذ لتهويه و خشيه الاختناق كذلك لاتتوقف وتنام مع المكيف في مكان بدون تهويه مثلا دهليز سرداب مكان شبع مغلق بل مكان مفتوح حتى لايتسرب دخان و غاز السلنسر لداخل لان به اول اكسيد الكربون وهو ذار ومصيبته انه لارائحه له لذلك توخي الحذر
من اسباب عدم التبريد هو مروحة المكيف وقوة تبريدها كذلك ضعف البطارية حيث ان البطارية لو كانت ضعيفة ثؤثر على ضغف المروحة وبتالي على ضعف المكيف

يعطيك العافيه