ما هو الأفضل هونداي سنتافي أم تويوتا فورتشنر

حياك اخوي

معقولة اسعارهم غير عن موقعهم !!!

ومعروف ان الاضافات ياخذون عليها مبالغ اضافية.

أنا ماعاد أقدر أميز ...!!!!


مدري تتكلمون عن أي دولة ؟؟ أو أي سيارة ..؟؟

بالنسبة للفورتشنر :

خذ العلم الأكيد ..

بالوكالة سعر الفل كامل مواصفاته كالتالي :

مراتب جلد

مرتبة السائق كهربائية

شاشة ( بدون خرائط ) ( تجي في جميع الفئات 6 سرندل المخمل والجلد )

كاميرا خلفية

بلوتوث

تحكم بالمقود

6 سرندل بقوة 235 حصان

ريموت مدمج بالمفتاح

أنوار زينون

دعامية أمامية

عوارض سقف

جنوط 17

قيمته بالوكالة 132500 ريال فقط لا غير !!

وأنا حاجز واحد وموعد الوصول بعد 4 أسابيع ( ما قررت إلى الآن احتمال آخذ سيارة ثانية )

شامل اللوحات والإستمارة + واي فاي + تظليل كولايت

ونفس المواصفات ولكن بدون جلد وبدون كرسي كهربائي ..

قيمته تقريباً 128000 ولكن موعد الوصول يتأخر ..



أما المعارض رافعين الأسعار لأنه مو متوفر بالوكالة

وصلوا الجلد إلى 138000 والمخمل 136000


والإكسسوارات ما لها دخل بالسعر أنت تركب على كيفك تبي بالوكالة تبي برا أنت حر ..

لكن مستحيل يوصل الفورشتر إلى 170000 صار بقيمة اللاند كروزر ..



طبعاً مافي أحد راح يعلق على كلامي .. لما تكون أرقام واضحة ومحددة ما تلقى تعليق ..


تحياتي للجميع ،،،،

ردود غريبة لا تمت للواقع بصلة نهائياً


أحمل نفسك وروح للوكالة بنفسك وقارن المواصفات والأسعار ..

راح تتعجب مما يكتب بالمنتديات مقارنة بالواقع ..


تحياتي للمجربين ..

مع ان الموضوع له فترة .
لكن الله يوفقك ويبارك لك في اختيارك ... لفت نظري هذا الرد
تأكد الله يسلمك الفورتشنر 6 سلندر فل كامل مايتعدى ال130 الف .

للــــــــفــــــــــــائدة

شكراً لردك اخي طلال9

شكراً لتقييمك أخي فتى الانتر

يعطيك العافية

هونداي سنتافي

الفورتنشر اول شي هايكلس مركب له صندوق
تصنيع اندونيسي !!

سعر مبالغ فيه
شكل قبيح جدا

ايش تبغى فيها ؟

شكراً لك كثير أخي YaseeR على ردك الكريم

الله يوفقك

الآن اصبح 70% لصالح الهونداي سانتفاي

شكراً على المعلومات اخي راعي الآزيرا

بارك الله فيك

انا جربت السيارتين لمدة تكفي باني احكم عليهم

السيارتين نظام تعليقهم قاسي جدا + جدا
لكن السانتافي راسي وبإمتياز بالسفر + اقتصادي جدا بإستهلاك النزين اثناء السفر
الفوتشنر خفيف و وعزم السته سلندر بالبر قوي .. مايرده شي ماشاء الله
لكن الفورتشنر زبالة وانت بكرامة بالسفر .. من اي نفخة هوا تحذف فيك السيارة يمين و يسار

طبعا السانتافي دفع رباعي مستمر الكتروني .. فالبر يوزع الدفع على الكفرات من نفسة
وفيه قفل وسطي يوزع الدفع على الكفرات الامامية و الخلفية بالتساوي
لكنه يبقى للطلعات البرية الخفيفة

الفورتشنر فقير لمواصفات الرفاهية مقارنة مع السانتافي

الشكل من وجه نظري السانتافي اجمل

قطع غيار السانتافي الاستهلاكية تعد الاغلى من بين سيارات هونداي
اشتريت فحمات امامية بـ 250 ريال من خارج الوكالة
والخلفية بـ 100 من خارج الوكالة
فلتر الزيت بـ 9 ريال من خارج الوكالة
فلتر المكيف 70 ريال و بالوكالة بـ 100
الرفرف الامامي بـ 730 ريال من الوكالة من دون الخصم
طبعا جميعها قطع اصلية
وعلى فكرة .. قطع السيارة الاستهلاكية تدوم فترات طويلة من غير حاجة الى تغيير

::

الخلاصة :

اذا منت راعي بر وتبي سيارة راسية بالسفر اختار السانتافي ( الستة سلندر طبعا 3.5 )

لــلفــــــائدة

كم سعرها أخي الـ 6 سلندر

شكراً لردك اخي Bader-M

بالنسبة للأستخدام انا ماني راعي بر

أغلبها جوا المدينة وسفر

وعليكم السلام
اذا كنت راعي بر و كشتات كثيرة
انصحك بالفورشنر
اما اذا كنت راعي طلعات خفيفة و استخدامك اكثر في المدينة فانني انصحك سنتافية
وخاصة ان سعر 6 سلندر بقيمة فورشنر 4 سلندر

تحياتي اليك