حيآ الله اعضاء المنتدى كلن بأسمه :smile:
حقيقه, الموضوع هذا كنت ابحث فيه من فتره طويله ,, الين وصلت نهاية البحث وجربته بنفسي ,, ولما تأكدت من المعلومات الي جمعتها من خلال تجربتي قررت انزل الموضوع واختصر البحث عن المهتمين بالملآحه في التاهو واليوكن.
السيارات الي ينطبق عليها هذا الموضوع:
التاهو واليوكن والدينآلي من موديل 2007 الى 2011 ( 2012 لاينطبق عليه الموضوع لان الشاشه مختلفه كليآ )
سيارات جي أم الثانيه الي تستخدم نفس الشاشه في التاهو واليوكن والدينالي ينطبق عليهم الموضوع ايضآ.
بسم الله نبدآ..
1. اول شي تحتاج الى تحميل هالتورنت من هنا
http://kickass.to/gm-nav-disc-6-0c-part-20940248-2011-t5177121.html
هذا يحتوي على اخر نسخه من خرائط امريكا وكندآ سنة 2011 ,, طبعا الخرائط ما تهمنا ,, الي يهم هو تحديث السوفت وير الخاص بالشاشه الموجود على هالسيدي.
2. تنزل السوق وتشتري دي في دي فاضي من نوع DVD R DL (لازم يكون مكتوب عليه DL ,, والي هو يكون يتحمل الى مساحة 8 جيجا ) سعره 3 ريال :xyxthumbs:
3. بعد ماينتهي تحميل التورنت مايبقى عليك الا انك تحمل تنزل الخرائط على الدي في دي ,, وهذي سهله جدا وكل المتطلبات حتكون متحمله مع الخرآئط ,,
حتلاقي مجلد في التورنت الي تحمل اسمه ImgBurn ادخل عليه ووثبت البرنامج الموجود داخله كـ أي برنامج آخر.
4. الملف الي اسمه navigation سوي له استخراج عادي ببرنامج Winrar
الان اتبع الشرح بالصور بعد ماتحط الدي في دي الفاضي في محرك الأقراص:
اضغط باليمين على الملف الي تم استخراجه وطبق مثل الصوره الي فوق
حيفتح معك البرنامج ,, وتسوي مثل الي بهالصووره ..
انتظر عليه ولا تستعجله ابد ,, خليه ينزل البيانات على القرص الين يخلص ,,
بعد ماينتهي النسخ ,, خذ الدي في دي للسياره وسمي بالله وحطه في مكان دي في دي الخرآئط (الي خلف الشاشه ) موب فتحة المسجل
انتظر تحديث سوفت وير الملاحه .. حيكون مثل كذآ على شاشة السياره.
اصبر عليه الين ينتهي ولا تطفي السياره وقت التحديث ولا تحطها في الـ R اذا كان عندك كاميرا.
بعد مايخلص طلع الدي في دي الي حطيته ورجع دي في دي خرائط الشرق الأوسط .. :xyxthumbs:
التغييرات:
اصلاح بعض الاخطاء ,,
الملاحه تشتغل بسرعه اكثر من السابق ,,
تغير الالوان في الخريطه ,, سار فيه لون ازرق وموف ورمادي
كتابة اسماء المدن والعناوين سار اسرع ,,
الساعه سارت اكبر بشي بسيط ,,
وهذي بعض الصور من منتدى اجنبي سحبتها لكم بعد التحديث.
الآن نجي للي اغلبكم يبحثون عنه,, وهو تحديث خريطة الشرق الاوسط لآخر اصدار والي هو version 5.0 ولسنة 2010 ( اخر تحديث نزل حتى الان )
1. تشتري قرص DVD R عادي حجمه يكون 4 قيقا موب لازم نفس الي فوق ابو 8 قيقا
2. تحمل الخرائط من هالرابط
http://www.4shared.com/file/BrKinMRl/464210-7320.html?
3. بعد فك الضغط .. عن الملف حطه بسطح المكتب..
4. اضغط باليمين عليه واختار البرنامج الي فوق مشروح فيه طريقة حرق البيانات على الـ DVD
انتظر العمليه الين تنتهي ويوصل 100% حيفتح درج السيدي .. الحرق لسه ما انتهى .. لاتقفل البرنامج .. ارجع دخل السيدي مره ثانيه وخلي البرنامج يكمل الحرق ..
بعد ما ينتهي حيطلع صوت ونافذه توضح انه حرق المعلومات ع الدي في دي انتهت بنجاح ..
الان خذه وجربه في السياره واستمتع بـ نظام ملاحه محدث برنامج تشغيله + خرائط الشرق الاوسط على اخر اصدار ..
وعني انا شخصيآ ولله الحمد ماوجهت سلبيات الى الان من العمليه هذي. وان اكتشفت شي جديد راح احطه ان شالله.
ملاحظه: اي شخص من المدينه المنوره ووده يحدث نظام الملاحه يقدر يتواصل معاي ع الخآص واختصر عليه موضوع النسخ واحدثله شاشته بالسيدي الي عملته لنفسي.
دعوآتكم لي بالتوفيق في ظهر الغيب.
ودي . . ~
