السلام عليكم ورحمة الله وبركاتة
قدر الله علي وصدمت اجنبي صاحب موتر جمس اكاديا 2008 والغلط علي 100 % , انا موتري سوناتا 2010 وللأسف كان التأمين حقي منتهي .
كنت ماشي وصدمت الرجال من ورا , انا موتري انعدم غيرت صدام وكبوت ورفرف ايسر
كلفني تقريبا 3500 .
هو موتره ما تضرر دقشه (عفطه) خفيفه في الشنطة في الاسفل بجهة الزاوية تقريبا الدقشة كبر جوال الايفون يعني لا تذكر, وتقشعة شوي البوية في الرفرف الايمن بس وشخوط خفيفة في الصدام.
الزبدة قلت لرجال بعطيك 1500 ريال بس مارضى وكان معي خويي وقال وانا 1500 من عندي
برضو ما رضى يعني وصلناه 3000 ريال ومو راضي قلت اختر اي ورشة وانا اصلحها مو راضي يقول انا ما اصلح الا وكاله ولازم تجيب لي قطع غيار جديدة قلت رح دخلها وكلها وانا اصلحها بس شنطه ما يحتاج جديده تتسمكر قلت دخلها وكالة وانا اصلحها قال لا ابي المرور ,قال لي خويي المرور بيحجزك ماعندك تأمين قال الاجنبي لا شو انا مابرضها احنا اخوان مسلمين اتنازل اذا فيها توقيف.
ويكلم المرور وننتظر ساعتين يالله وصل
ويوم وصل المرور خلاهم يشيلوني لتوقيف , الزبدة بعد الحادث بيومين راح لثلاث ورش
وعطوه قيمة تصليح الموتر 8250 ريال .
وراح لشيخ المعارض من دون مايكون معاه الخصم الي هو انا
وقاله شيخ المعارض 8000 ريال , وانا اشوف المبلغ مبالغ فيه وبقوه
حبيت اشوف ليش 8000 طلع :
2000 ريال شغل الورشة و 6000 ريال قطع غيار حاط شنطة جديدة وصدام خلفي جديد وربلات
طالع المجموع 8000
ينااااااااس ظلم والمشكلة المرور متعاون معه
:a1120(82)::a1120(82)::a1120(82):
وعنده ظهر في المرور والدليل تثمين الورش وتثمين شيخ المعارض عنده والمرور ما يدري عنها
حتى يوم حظرت عند المرور كلمت عسكري قلت الرجال يقول لي تصليح الموتر 8000 كذبني قال اصلن تجي الاوراق عندنا وحنا نقرر
تفجأت اليوم الثاني يكلمني المرور بنفس المبلغ الي قرره الاجنبي .
عندي كم سؤال لاني اعترضت وبتروح لشيخ ابغا اعرف الي لي والي علي .
( هو موتره 2008)
1- هل يحق له تغير قطع الغيار وكالة او تجاري او تتصلح الصدمه اذا تتصلح ؟
2- هل يحق لي اطلب من الشيخ انا نروح لورش و لشيخ معارض غير الي راح له؟
فزعتكم الي فاهم في النظام لا يبخل علي
وحسبي الله ونعم والوكيل
