تكفون دلوني يا أهل اليوكن

سيارتي ولله الحمد والمنه ماشية ١٧٥٠٠٠

البنزين المستخدم ٩١
الزيت المستخدم : كاسترول ٣٠/١٠
الفلتر ( السيفون ) اشتريه من المحلات ب ١٥ - ٢٠ ريال
لابد من تغيير السيفون مع كل تغييرات زيت

الله يبيض وجيهكم ماقصرتو كفيتو ووفيتو وجعله الله في مووازين حسناتكم:xyxthumbs::xyxwave:

ماقصر الاخ فري زون اعطاك المعلومات الي تحتاجها جزاه الله خير
بس ولكن بالنسبه للبنزين اذا ودك تغير الافضل تخلي التانكي اقل شي وتعبي النوع فل بعده وتمسك مشوار طويل عشان لا يختلط الاوكتان ع بعضه

واي وقت تبي تغير اللزوجه من 5-30 الى 10-30 او العكس تاكد انك تغير السيفون (الفلتر) معاه < هذي مهمه

موفق

الفلتر اي سي ديلكو لكن ما اعرف رقم القطعة

لو تروح اماكن قطع الغيار يعطوك اياه بس لازم يكون اصلي


البنزين عادي ما يحتاج تفضي خزان و لاشيء

بيض الله وجهك كفيت ووفيت وماقصرت على التفصيل والتوضح
ماعلقت على السيفون وش رايك في 59 إسي ديلكو أركبه وبعدين أمر الوكاله وآخذ منها الأصلي
لكن وش رايك ونصيحتك لي أنابنزيني أحمر وودي أغيره إلى أخضر كيف الطريقه بالتفصيل يعني مثلاً أفرغه من الأحمر والآعادي أصب على الأحمر وش الطريقه ؟؟؟؟

اهلا اخوي

ما يحتاج شخص تثق فيه المسألة بسيطة جدا جدا لو عندك حفرة في البيت تقدر تسويها

تفك مسمار تحت المكينة عشان يخرج الزيت القديم

تخليه 10 دقايق الين تتأكد ان المكينة فضيت من الزيت

ترجع تربط المسمار و تعبي الزيت الجديد


بالنسبة للزيت انا افضل استخدام فوكس تيتان 30-5 او كاسترول ماجنيتك 30-5

و تمشي عليها 20,000 كم بالراحة

اذا حاليا ما يمديك تلاقي موزع عشان تشتري منه الزيت المطلوب

غير من الان لكاسترول 30-10 و روح اشتري الزيت المطلوب بالجملة يطلع عليك اوفر بـ 40% - 50% من قيمته عند البناشر

بالنسبة للملاحظة الاخيرة من البنشري غير صحيحه

قله فك الزيت القديم و خليه الين يخلص و عبي الزيت الجديد

و اذا الزيت نوعيته عن اللي قبله غير الفلتر عشان تتطمن

بالنسبة لطريقتي فهي : تغيير الزيت كل 20,000 كم مع الفلتر و الزيت من نوع كاسترول ماجنيتك و سعر العلبة في البنشري 40 - 45 ريال و انا اشتريه بالجملة بـ 21 ريال و الفلتر من الوكالة بـ 18 ريال و قيمة شغل يد البنشري 15 ريال اذا مع الفلتر و 10 ريال اذا بدون فلتر مع كافة الخدمات الاخرى من تشييك على الزيوت و الكفرات و تعبية موية لغسيل القزاز و تنظيف المكينة هوا


الله يبارك لك في سيارتك و يعطيك خيرها و يكفيك شرها و يحفظها لك من كل سوء

يعطيك العافية أخوي فري وجميع الأخوة اللي أفادو بس كان ودي أغير الزيت عند شخص أثق فيه
ولكن وش رايك أنا مالقيت عندنا في الديرة إلا زيت كاسترول 10w30 وسيفون 59 إيسي ديلكو وسيارتي ماشي عليها حتى الآن 6500 وما ودي أمشي عليها أكثر وش رايك أغير الزيت وبعدين أشتري 5w30 وأخليه عندي مع مجموعة سيفونات أشتريها من الوكالة
المهم البنشري نبهني على ملاحظة وقال إذا بتستخدم الزيت 5W30 لاتصب 10W30 علشان ماتتأثر عليك المكينة مع الوقت وش رايك أنت في هالكلام .

اخي باد بادينزا

انا شخصيا اغير عند اي بنشري عادي

المسألة ما يبغالها متخصصين

اغير الزيت مع السيفون عند واحد جنب البيت بـ 15 ريال و الزيت و الفلتر علي

و هذا التغيير يشمل قيمة فحصه على كل الزيوت و تعبية مويه لغسيل القزاز و فحص الكفرات و تنظيف المكينه هوا و الخ ...

اللي قصدته في الرد الاول انك ما تاخذ معلومة منهم لكن عادي تغير عندهم بسعر مناسب و اهم شيء تشتري الزيت بالجملة و الفلتر من الوكالة

و على فكرة محركات اليوكن و التاهو قديمة و معروفة و سهل التعامل معها و سهلة صيانتها

طيب يعطيكم العافية أنا راح أشتري كرتون زيت ومجموعة سيفونات بس تكفوووووووووون دلوني على محل يغير الزيت في الطائف ومتعاملين معه وياريت يكونون فلبينين أو يمنه شااطرين وممارسن وفاهمين وأكون عميل لهم يشيكون على السيارة أحسن من الوكالة والله يبيض وجيهكم وماقصرتووووووووو

^

عادي
بنزين 91 ولا 95 مافيه فرق اللهم خساره فلوس وهذا كلام ( جنرال موتورز نفسها ) بتقرير لهم !
اما الزيت قلهم ابي كاسترول 10 دبليو 30 مايضرك بما ان 5 دبليو 30 غالي ومو بـ اي مكان تحصله
نصيحه خلك على زيت واحد
مو كل شوي حاط زيت نوع جديد ولا رقم جديد
كذا المكينه تتعب .

يعني اللي فهمته من كلامكم أني ما أغير الزيت عند البناشر أغيره في الوكاله لأن حقين البناشر ماعندهم سالفه
والبنزين أغير اللي أن أستخدمه ألحين وهو 95 إلى 91 طيب ممكن تذكرون لي سبب التغيير بالتفصيل الممل وكيف أفرغ البنزين الموجود علشان مايختلط واصب 91 والله يعطيكم ألف عافية على التوضيح والإفادة:wavey:

مثل ماقالوا لك الاخوان // ماعليك من كلام اهل البناشر

الزيت الموصى فيه هو 5W30


بالنسبه للبنزين .. 91 مناسب

أكيد راعي البنشر كان منتدب عند جي ام أو فورتيك ألي مصنعين المحرك :c0214:
يا اخي أنا ما أتوقع أنه في أحد يفهم أكثر من المصنّع ويجيك يفتي ويقول أن المصنع يبغى المكينه تخرب عشان يمشي القطع طيب ليه وصلوا الضمان 5سنوات بدون الكيلو متر . وأغلب حقين البناشر متعلمين الحلاقه على راس اليتيم إلا من رحم الله وبالتوفيق وأتبع تعليمات المصنع أفضل .
وبالنسبه للبنزين ما ازيد على كلام free zone شيء