السبت 18 أبريل 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
تويوتا GR MR2 الجديدة بتصميم جديد كلياً وتحديث شامل مجهزة بمحرك من الجيل الجديد! تم تقديم طلب تسجيل العلامة التجارية!" ستُطرح للبيع في عام 2027 | مدى سرعة تطور الشركات المصنعة الصينية | شركة فورد تستدعي 1.4 مليون شاحنة بسبب عيوب في ناقل الحركة | راديتر كابريس | حظر غسل السيارات يدوياً في محطات الوقود
الرئيسية منتديات فرعية نادي السيارات الألمانية والأوروبية شنو الأفضل BMW 530i ولا BMW 535i ???

شنو الأفضل BMW 530i ولا BMW 535i ???

نادي السيارات الألمانية والأوروبية
12 رد 23,730 مشاهدة 8 مشارك الأقدم أولاً
أ
أبو سعود Q8 @user_283178 · 01-04-2012
السلام للجميع

هذي أول مشاركة لي معاكم بالمنتدى وأتمنى إنكم تساعدوني

أخوكم من الكويت وأبي أشتري سيارة بي أم دبليو الفئة الخامسة ، وبصراحه محتار بين نوعين
530: سعرها 16900 دينار كويتي كاملة المواصفات ، ماكينتها 3 لتر والجير 8 غيار
535 : سعرها 19900 دينار كويتي كاملة المواصفات ، ماكينتها 3 لتر مع جهاز تيربو

الفرق بين سعر السيارتين 3 آلاف دينار بالظبط ، لكن بالمواصفات مافي فرق نهائيا غير التيربو ، طبعا 535 تكون أسرع وممشاها مريح جدا مقارنة بال530 وهذا الي أحبه ، بس هل يستاهل إني أدفع 3 آلاف دينار عشان تسارع السياره فقط ؟

طبعا الوكالة عندنا مسويه عرض وهو 5 سنوات كفالة + 4 سنوات صيانة

أتمنى من الأخوان الي مستعملين سيارات البي ام دبليو وغيرهم انهم يساعدوني وينصحوني ، انا مو من النوع الي يتسابق بالسياره واستعمالي للسيارة نظيف جدا لكن أحب ان السيارة تكون مريحه بالقيادة خصوصا واني أول مره بجرب قيادة الألماني ، سيارتي الحالية لكزس GS300 وماشاء الله اللكزس متجاوبة جدا ومريحه فهل الأفضل اني آخذ 535 ولا 530 ؟
C
ChevyLover @user_251198 · 06-04-2012
انت اكيد بتاخذ السيارة عشان فخامتها وهودءها وراحتها
واعتقد ان مالك بالسرعة
عشان كذا خذ 530 افضل دام الفرق شاسع جداً 3 آلاف دينار !
ولا تنسى تستخير
والله يكتب لك اللي فيه الخير
w
waaaldd @user_257954 · 03-04-2012
انا من ملاك ال 535 سيارة جبارة بس على الفرق الكبير المذكور روح مع 530
a
ali996a @user_241722 · 02-04-2012
530 انسب لك ان شاءالله
م
ماهرالحربي @user_148044 · 02-04-2012
^ ^ ^

أخوي السيارات الألمانية ثقيلة الوزن لكن قوية المحركات ....

طراز 530 سرعته محددة إلكترونيا عند 250 كم/س !

والرأي لك ، ولاتنسى الإستخارة ....
أ
أبو سعود Q8 @user_283178 صاحب الموضوع · 02-04-2012
s
snksnok
زي ماقلك الاخوة مابتحتاج التيربو واصلن مابيفيدك الى في القومة يعني مو شي


هلا بالأخ snksnok
اي والله كل الردود ما تؤيد إني آخذ 535 :blue: ، شكلي بسمع نصايحكم وباخذ 530
مشكور على النصيحة
:smile:
أ
أبو سعود Q8 @user_283178 صاحب الموضوع · 02-04-2012
م
ماهرالحربي
وعليكم السلام ورحمة الله وبركاته ....

حياك الله في المنتدى ....

إذا عندكم في الكويت المواصفات متطابقة تماما بين 530 و 535

أنصحك في 530 والفرق بينهم في التسارع إلى 100 نصف ثانية ،

لذلك الفرق بسيط وقوة طراز 530 أكثر من كافية للإستخدام اليومي والسفر ....

بالتوفيق .....



أهلا بالأخ ماهر
والله يحييك ويبقيك

بالكويت عندنا نوعين من فئة 530
النوع الأول لو اوبشن وهو غير كامل المواصفات [COLOR=red]( الكراسي ليست متحركة بالكهرباء بالكامل + وجود شاشه لكنها صغيره و مافيها النفيقيشن + مقاس الجنوط 16 + عدم وجود صندوق السي دي + عدم وجود ناقل الحركة بالسكان [COLOR=purple]( مثل الفورميلا ون ) + الدبه الخلفية ما تتسكر اتوماتيكي + مافي اختيارات لألوان الجلد الداخلي ( كلهم لونهم بيج ) وطبعا السعر بهذي الحاله يكون أقل بحوالي 2000 دينار كويتي )[/COLOR][/COLOR]

النوع الثاني وهو فل اوبشن كامل المواصفات ، فيه كل المزايا الي تم ذكرها بالسابق وسعرها 16900 دينار كويتي

أما فئة 535 فهي نوع واحد فقط لا غير كلها كاملة المواصفات [COLOR=red]( مثل 530 بالظبط ) ما عدا :[/COLOR]
1- جهاز تيربو
2- وجود نظام المساعدة بركن السياره
3- التحكم بالتكييف الخلفي

والسعر يساوي 19900 دينار كويتي :smilie20:

بصراحة أغلب الناس يقولون انها ما تسوى والأفضل اني أخذ 530 لكن بخااااطري آخذ سيارة تكون سريعة بأي وقت أحتاج للسرعة و ممشاها مريح ما أحس انها 6 سلندر خصوصا ان السيارات الألمانية ثقيلة مقارنة باليابانية
للأسف ماشفت أحد يشعجني على 535 :blue:
أ
أبو سعود Q8 @user_283178 صاحب الموضوع · 02-04-2012
F
Faisal.A.S
فيه مميزات كثيرة غير التيربو !!
٥٣٥
سعة المحرك بتكون ٣.٥ لتر و المحرك اقوى من ٥٣٠ !!
شاشة اللي دخال السيارة بتقدر تشغل فيها تلفزيون !! :)

هذا اللي اعرفه فيه اشياء ثانية



هلا بالأخ فيصل

للأسف المميزات بين 535 و 530 قليييييلة جدا جدا عندنا بالكويت
1- وجود جهاز التيربو في 535
2- وجود نظام المساعدة بركن السيارة
3- التحكم بالتكييف الخلفي
فقط لا غير :blue: !
وشكل السيارتين متطابق ما عدا الاكزوز ( عادم السياره ) في فئة 530 يكون عادمين بجانب البعض وفي فئة 535 يكون عادمين مفترقين عن بعض

أما سعة المحرك فهي متطابقة للسيارتين 3.0 لتر سواء 530 أو 535 نفس المحرك ، الفرق وجود جهاز التيربو وينتج عنه زيادة عدد الأحصنة ، كنت أظن ان سعة المحرك 3.5 لتر لسيارة 535 لكن سألت الوكالة وتأكدت بنفسي انهم أثنينهم 3.0 لتر

وصح كلامك محرك 535 بيكون أقوى من 530 لوجود جهاز التيربو

بس سالفة الشاشه أول مره أعرف اني اقدر اشغل عليها التلفزيون :xyxthumbs:
s
snksnok @user_226567 · 02-04-2012
زي ماقلك الاخوة مابتحتاج التيربو واصلن مابيفيدك الى في القومة يعني مو شي
أ
أبو سعود Q8 @user_283178 صاحب الموضوع · 02-04-2012
د
دكتور / مجنون
ابعد عن التيربو!! راح يزعجك باعطاله اكثر من الاستفاده من التسارع



شكرا لك أخوي الدكتور على النصيحة
وإن شاء الله باخذها بعين الاعتبار
:smile:
بس هل تتوقع ان جهاز التيربو غير ملائم للسياره ؟
خصوصا إن الوكاله تعطي 5 سنين كفالة !
:c0214:
م
ماهرالحربي @user_148044 · 02-04-2012
وعليكم السلام ورحمة الله وبركاته ....

حياك الله في المنتدى ....

إذا عندكم في الكويت المواصفات متطابقة تماما بين 530 و 535

أنصحك في 530 والفرق بينهم في التسارع إلى 100 نصف ثانية ،

لذلك الفرق بسيط وقوة طراز 530 أكثر من كافية للإستخدام اليومي والسفر ....

بالتوفيق .....
F
Faisal.A.S @user_260876 · 02-04-2012
فيه مميزات كثيرة غير التيربو !!
٥٣٥
سعة المحرك بتكون ٣.٥ لتر و المحرك اقوى من ٥٣٠ !!
شاشة اللي دخال السيارة بتقدر تشغل فيها تلفزيون !! :)

هذا اللي اعرفه فيه اشياء ثانية
د
دكتور / مجنون @user_18878 · 02-04-2012
ابعد عن التيربو!! راح يزعجك باعطاله اكثر من الاستفاده من التسارع
سجّل دخول للرد...