هل أخطأت فورد عندما أوقفت تصنيع كراون فكتوريا لتحسين سوق فورد توروس ؟

مافي زي الفورد كروان

:smilie20::smilie20::smilie20: ليش وقفوها موتر مريح ويكرف وقوي كان لم وللزمن وقطعه رخيصة ومشاكله معروفه التورس ابو كلب لا مساحة شنطة ولا خلفية كان طوروه بدال القرمبع التورس بس زادوا الطول شوي عشان المساحة الخلفية ركبوا شاشة نظام صوتي bose 12 سماعة زنون و led عدادات الكترونية ومكينة v8 تبقى sohc بس ثلاث صمامات شوي تعديل خفيف شكليا مع المحافظة على الكلاسيك والدفع الخلفي وشرط موتر عند الشعب كله واكبدي ياللي على الماركيز منفطره ههههه:bigggrin:

صدقت بالفعل على موجب ضخامة الفكتوريا و الماركيز السمافة الخلفية بين الركاب و مقعد السائق ضيقة جدا

و اللي يقهر ان شنطة الفكتوريا و الماركيز واسعة جدا جدا كان المفروض يقتطعو جزء من مساحة الشنطة لتوسيع هذه المساحة

يازين رحابة الكابريس

سياره ممله والماكينه الضعيفه

وضيقه من الخلف ( المساحه بين الارجل ) ضيقه كثير الومينا اوسع منها

التورس منفوخة على الفاضي لا رحابة و ضيقة و راسك يضرب بالسقف

بالعكس الكراون فكتوريا من اكثر السيارات عمليه وقليلة الاعطال بشهادة الجميع :ch19:

لم تخطئ في ايقافها

بل أخطأت في عدم انتاج جيل جديد منها كمنافس لدودج تشارجر وشيفرولية كابريس

التورس بديل مناسب واكثر عصريه

ميزتها الوحيدة قطعها رخيصة بالنسبة للمستهلكين عندنا و لراحة طبعا

لكن اشوف اعطالها كثيرة و لو غوغل يعطينا احصائية عن عدد المواضيع اللي ذكرت فيها مشاكل الفكتوريا راح تتصدر وحتى فيه مشاكل صار لها مواضيع مثبتة :blue:


من ناحية الشكل خلاص قديم جدا من التسعينات كيف تبي الشركة تبيع منها الناس في العالم يبون شي عصري مهو كلاسيكي قديم

احلى سيارة امتلكتها ماركيز 2007 ماع اعتقد اني ببيعها

الي ما ركب الفورد صراحة ما ذااااااق طعم الراحة
سيارة ما ترد احد وسيييييعة تشيل الي تبغاه
لمن تحمل بشر معاااااااااك ما شاء الله عزمها موجود
سيارة ناعمة في المطباااااااااااااااااااااات
الوالد ما يرتاح الا فيها مع انه معانا يوكون 2004 و 2007 يفضلها في السفر ع كل السيارات
السيارة سيارة عيلة مش سيارة شباب


صراحة من اجمل السيارات الي سقتها في حياتي

للاسف توجه فورد هو ايكونومي يعني اقل صرفيه وكذا

جميع سياراتها دفع امامي ماعدا الاكسبدشن و البيك اب والموستانج

للاسف فورد الان سيئه جدا لا في جودة تصنيع ولا شكل

جنرال موترز رجعت ليش اروح لفورد ؟!

انا من رأيي اكبر غلطه سوتها فورد ! ،، اخوي عنده توروس 2013 وصراحة ما فيها هويه السياره الأمريكيه ! اقرب الى ان تكون يابانيه

تصميم ناعم ! دفع امامي ! 6 سلندر ! والبودي ماهو متين مثل الفكتوريا ..

انا من النوع اشوف قلة التقنيات بالسياره ميزه ! راح تريحك من ناحية الأعطال وما تحتاج صيانه كثيره ..

شوف الفورد فكتوريا بشتى موديلاته من 2000 وطالع تشوفه بالشارع ..

والسيارات الدفع الأمامي اللي تظهر فتره وتعتبر مشاريع مؤقته ما نشوفها بالشارع وانقرضت لعدم عمليتها وتقنيتها فيه تعقيد ،، مثل المونيدو والفوكس و500 ! .. الفكتوريا تشتريه وضامن بيعيش معاك فوق الـ 10 سنوات بالراحه اذا ما تعرض لأي حوادث بإذن الله ،،

سيارات هاليومين يالله تمشيك 5 سنوات بالعافية ! الله يرحمم ايامك يا كروان فكتوريا :( ..

التورس لو ان نظام الدفع خلفي ويوسعون المساحه من الداخل بتطلع تب التب
لاكن انا ما ادري وش قصة مصممين سيارات فورد
دائما مساحة جلوس الراكب الخلفي ضيقه
حتى الفكتوريا والماركيز مع ان السيارتين يعتبرون من فئة الغواصات

احسن ماسوت ... السياره صارت ممله بشكل كبير

التورس لم تنجح كما يظن البعض وفورد تدرس خيارات أخرى حاليا . مقياس نجاح السيارة او فشلها هو السوق الأمريكي والسيارة لم تحقق النجاح المطلوب منها مبيعات الموستنغ أكثر منها في بعض الشهور

كيف اخطأت والان التورس من انجح السيارات

لو الكراون موجوده راح تقل نسبه التورس بشكل كبير

ضربه معلم من فورد

لم تخطئ ..

وهذا القرار كان المفروض ينفذ من زمان .

يآخي السسيارة مملة مررررررررررة ..

كانت عندي ماركيز 2009 شاص طويل..

مملة لأبعد درجة .مافي اي مواصفات ..

بل بالعكس كل مالهم ينقصون المواصفات ..

كانت مرتبتين كهرباء خلوها مرتبة السائق فقط..

والمكينة من أقرف المكاين الي شفتها .

8 سلندر عالفاضي وقسسم .

سسوناتا اربع سلندر 2011 سسدحتني ..

وغير الصرفيه ..

التورس أفضل بكثير..

مكينة اقوى صرف اقل ..مواصفات جبارة..

آمآ الفكتوريا حتى حساسات مافيها .....!!

ومآمسسكت سعرها الا السنة الي فاتت بسبب توقف تصنيعها ..

آنآ رحت الحراج اسعارها صارت عالـ 65 وتحت ..

ذكرت سيئاتها وباقي حسناتها ..

السيارة كنها كنب من إيكيا متحرك ..

مريحه مريحه مريحه لأبعد درجه ..

وقليلة اعطال .وقطعها رخيصه أرخص حتى من الكامري ..

صدمت بها بالوجهيه ماكلفتني غير 2000 ريال شامل كل شي...

وأضن قطعها الان ارتفعت ..

أسسف طولت عليكم :D