السلام عليكم ورحمة الله وبركاته
سيارتي همر H2 موديل 2005 مكينة 6.0 فورتك
نفس مكينة الجموس 2500
ماشي 205 آلاف كم
إذا شغلته الصبح والسيارة بارده يطلع صوت تكتكه لمدة 3 إلى 4 دقائق ثم يختفي تماما بعد ماتحمى السيارة
ضغط الزيت فوق النص بشعره إا السيارة بارده واذا حميت يصير على النص بالضبط
والصوت أسمعه من الجهة اليسرى للمكينة (( جهة السائق )) وأحسه من تحت مو من فوق
وأسمعه بوضوح من عند الكفر الأمامي الأيسر
أما الجهة اليمنى لايوجد صوت أبدا
وش ممكن يكون سبب الصوت ؟؟
القزوز أو التكايات أو غيرها ؟
وهل الوضع عادي ؟
وحبيت أضيف إذا كانت السيارة باردة والصوت موجود ودعست بنزين يروح الصوت إلين يرجع الـrpm لوضعه الطبيعي ويرجع الصوت وإذا احتمت السيارة خلاص يختفي نهائيا
طبعا مثل ماقلت 3 إلى 4 دقائق ويختفي الصوت
والشي الثاني سيارتي ممشاها 205 الاف كيلو
استخدم زيت الترا 7 لزوجة 20 50
وش رايكم استمر عليه ولا اغيره ؟
علما بأني قبل فترة قلت بأجرب 10 30 ولاحظت ان امبير ضغط الزيت نزل بين الربع والنص
ورجعت لـ 20 50 ورجع الامبير للنص مثل أول
ولكم خالص الود والتقدير
