هل يأثر تركيب كفرات بمقاس يختلف عن المكتوب بأستكر الباب ؟

والله صار اللي صار

وبالمناسبة يمكن تستغربون من كلمة (عتبي الشديد عليهم ) وتقولون تعتب على عمال ماطقوا لك خبر !

نسيت أقول لكم بأنه فيه معهم 3 سعوديين (من ذوي البشرة السمراء) شغالين بالشركة ولابسين بدل .. وأنا كلامي كان معهم

البقية من الجنسية الفلبينية

الله يهديك ليتك ماخذ فره بالتشليح قبل

الله يعوضك اخوي

بس صراحه السعر غالي

نفسي اعرف كم يفرق عن الجديد !

خلوني أقول لكم عن الحاجة الثانية اللي جيت عشانها (لأنها مطلوبة) والسؤال عنها كثير

الحاجة الثانية اللي جيت أصلحها بالرياض هي رادو المسجل الأمريكي ومشكلة عدم صفاوة الرادو بسبب الموجات الأمريكية

صلحته عند محل أسمه ( الحوشاني ) بالغرابي واللي شغال بالمحل باكستاني

برمج لي الـ IC الموجود بالمسجل من برمجة أمريكية إلى برمجة سعودية بدون فك الـ IC وتركيب ثاني (على كلامه) وفعلاً ضبطت الأرقام وصفا الرادو وصار مثل مسجل السعودي

قيمة الإصلاح مع إجتهادي بالمكاسر هو 120 ريال

بالبداية قال لي 130 ونزل لي 10

حبيت أفيدكم بخصوص شركة إصلاح الجنوط اللي حط رابط موقعهم الأخ altaboot

مريتهم الخميس 5/3/1434هـ بعد الإتصال بهم وأخذ الوصف (لأن الوصف غير مدون بموقعهم) وهم طبعاً متخصصين بالجنوط ووكلاء بالسعودية لشركة أمريكية حسب إفادة أحد العاملين هناك ومكانهم عند الفحص الدوري (قريب منه)

وعندهم إصلاح طعجات الجنوط وإصلاح الكسور وصبغ الجنوط .. هذا ماعرفته عنهم إلى الآن

الطعج بسيارتي مثل ماذكرت لكم من الجهة الداخلية (أريح لتصليح الجنط) حسب تقديري لأني أتوقع إذا كانت الطعجة من الجهة الخارجية (الظاهرة) تكون أصعب لأن يبيلها إتقان عشان مايبين التعديل للجنط والطعجة من النوع الخفيف جداً لكني حبيت أصلحها وهذا طبعاً أفضل ليرجع الجنط للحالة الطبيعية

جيتهم وتفاجأت صراحة بالسعر الفلكي لإصلاح الجنط وما رضوا ينزلون من السعر حتى بعد مافكوا الكفر وشافوا بعيونهم بأن الطعجة خفيفة ومن الجهة الداخلية .. وهذا عتبي الشديد عليهم

قيمة إصلاحه 565 ريال .. أعطاني السعر هذا بالتمام وقال هذا سعر الشركة ومافيه مجال للخصم

وإلا هم أقنعوني بنقطة واحدة وهي ميزة عندهم وهالميزة هي أن طريقتهم بإصلاح الجنط ماتقلل من سماكة الجنط بالمكان اللي فيه الطعجة وهذا الكلام دخل راسي وقلت ممكن بما أنهم عندهم تقنية مختلفة عن تقنية محلات إصلاح الجنوط بالصناعية القديمة (وعلى ذمتهم)

واللي خلاني أتغاضى أكثر عن السعر هو بأني من خارج الرياض وجيت عشان أخلص شغلتين أحدها إصلاح الجنط وراح أرجع على طول لأن قدامي 650 كيلو سفر وصديقي اللي معي عنده دوام السبت فوقتنا محدود ونبي نخلص ونمشي

وإلا لو أنا ساكن بالرياض كان أعتقد ماصلحته عندهم بسبب السعر وأقنع نفسي بأني أروح للصناعية القديمة بيوم ثاني وأصلح الجنط هناك بسعر يعتبر بخس عند سعرهم وحتى لو قلت سماكة مكان الطعجة بشي خفيف

لكني مستعجل وعارفين طبعاً طول المشوار من مكان الفحص الدوري (مكانهم) إلى الصناعية القديمة وأنا ودي أمشي (أسافر)

فقلت يالله صلحوا الجنط وهذي الدراهم وبيني وبين نفسي أقول العوض على الله

وفعلاً صلحته عندهم وسافرت بعدها راجع .. وهذي إفادتي كتبتها بعد الوصول

مشكورين ياأخوان

altaboot .. دخلت على الموقع وماقدرت أعرف مكانهم لكن حاطين أرقام تليفونات وراح أتصل عليهم

طاح بيدي هذآ الموقع بخصوص الجنط واصلاحة

http://www.awrswheelrepair.com/saudiarabia/

دعواتك لي


بالتوفيق لك

ابعد عن كفرات ميشلان لأنه السوق مليان مضروب وصار اكثر من مليون صناعه وصناعه

وموضوع الجنط روح صناعية الأمير سلمان القديمة في محلات خراطة الجنوط يتم تعديل الجنط وخرطه ويرجع وكاله ولا يكلفك يادوب 80 ريال لا تدفع اكثر ولا ريال بما انه طعج خفيف وليس كسر يعني مافي لحام واذا قدرت تكاسر ممكن توصل لل 60 ريال

تقدر تغيير يالطيب المقاس الجديد بالجهاز الخاص بفورد
وفي الغالب اذا مقاس الجنط واحد في الامكان تجاهله
موفق

مشكور على الإفادة

وفعلاً مثل ماذكرت بأنه راح يختلف قراءة العداد بشي بسيط إذا اختلف المقاس

لأني لقيت موقع يعلمك وش الكفرات اللي تقدر تركبها مع ايضاح الأثر على عداد السرعة

http://www.tiresizecalculator.info/