Shelby GT500 VS GTR-35 VS Camaro ZL1 VS Corvette Zo6 مـقـارنـة (2013)

:bigggrin: شف ذا الفيديو

http://www.youtube.com/watch?v=bq8vI5KaaII

شال 3 مواتر وكمل

في بلدتي الصغيرة في شخص يملك GTR للحقيقة م استخدمه الا مرة وحدة بس م يحركه ابد :a1120(121): ..

والمرة الوحيدة الي شفتها قبل 3 سنين ولمرة وحدة فقط مثل م قلت

بعكس الكورفت Z06 ينشاف في الشوارع بواقع م بين 10 مرات الى 15 مرة شهريا

طبعا هذا مو دليل جودة ولكن اظن تكاليف الصيانة للنيسان مبالغ فيها او كدا

مب كل السوبر كار نفس الشي

الزد ار ون البريك يكرف معاك اكثر من 100000 كيلو والجيتي 9600 و الزد ار ون بريكه اقوى بعد

ايل مكينه البورش يمشيك 25000 كيلو وتجييكاته ارخص

لامبورجيني سوبرلاجيرا تجييكاته ارخص من الجيتي ( هذا الكلام كلام واحد يملك الجيتي والسوبرلاجيرا )

اللانجكنترول في البورش تقدر تستخدمه عشرات المرات لا يحرق كلج ولا يروح الضمان و اقوى من الجيتي

وعن جوده الجيتي ترا هذي الارقام للاستخدام العادي مب واحد كارف الموتر و 24 ساعه يستخدم اللانجكنترول و يمشي 300 دليل ثاني قلة مبيعات الجيتي في كل العالم. كل سنه ينباع 1000 جيتي فقط بسبب الصرفيه العاليه للقطه و غلاء الصيانه

ادخل قوقل وكتب gtr service cost بتقرى في المنتديات عن ملاك يشتكون من الصيانه الغاليه و اذا ما يقنعك المنتدى ترا موتور ترند طارحه تجربه بعض الملاك في موقعها راح يطلعلك عن طريق قوقل. و انا اعرف شباب ربعهم عندهم جياتي و يشتكون من سوء جوده القطع

اسعدني النقاش معك :smile:

^^^

أخوي هذي سوبر كار كل السوبر كارز نفس النظام مالها علاقة بالجودة

سيارة بتجيب لك ال100 كلم في غضون أقل من 3 ثواني بتتوقع تكون زي السيارات العادية !!

نفس الوضع معظم السيارات اللي بنفس الفئة إذا مو كان أسوا معروف السيارات السوبر الكارز ماهي إعتمادية وماهي حقت استخدام يومي

في فيراري ماني متذكر اش هيا بالضبط كانت تولع في الحلبة اذا اسخدمتها مدة طويلة

خلني اوضح اكثر

البريك يتبدل كل 9600 كيلو! يعني البريك جودته سيئه

تستخدم اللانجكنترول 6 مرات يروح الكلج و عندك مرات محدده تستخدم اللانجكنترول 3-5 مرات بعد كل سيرفس ! يعني جوده الكلج و القير سيئه

تستخدم الريس مود على طول يضيع عليك الضمان ! لانه جوده القير و الدفريشن سيئه

تبدل الصدام يضيع الضمان ! لانه فتحات الصدام تبرد الراديتر يعني سوء جوده نضام التبريد

تبديل سوائل كل 28800 كيلو! يعني سوء جوده القير و الدفريشن. سائل قير و دفريشن يتبدل كل 28800!!!

كل8000 كيلو بالكثير تبدل التواير ! العيب في الجيتي مب في التواير كيف؟ وزن الموتر 1730 تقريبا و نيسان تعمدت وضع العجلات المائل لبرع على شان تزيد الثبات لكن هذا على حساب عمر التواير

تعرف في شباب عندهم جياتي ما يسوقونها تعرف ليش؟ ما عندهم فلوس يبدلون البريك و التواير. اصبح الجيتي نفس الفراري تسوقه بس اخر الاسبوع طبعا انا مابستخدم تواير اقل من تواير الوكاله لانه اداء السياره بيتغير و نفس الشي عمرهم بيكون قليل جدا نفس تواير الوكاله لانه العيب في الموتر

هذا بدون تزويد الموتر وكاله

شي مؤسف الجيتي ار كان وحش شكل و قوه و صوت لكن الشركه تهدم ما بنته والظاهر الجيتي ار كان صدفه لانه نيسان ماتعرف ليش الناس حبت الجيتي

^^^

هذا يدل على إن السيارة تكاليف صيانتها غالية لكن مو أن جودتها سيئة :smile:

مرحبا اخوي

الجواب ببساطه الارقام هذي اللي خذتها من بعض الملاك في بعض المنتديات

سعر السيرفس على 12000 مايل مع تبديل البريك 4150 الف يورو

سعرالسيرفس على 18000 مايل مع تبديل البريك 5090 الف يورو

تستخدم لانج كونترول 6 مرات بعد كل سيرفس سلم على الكلج

تستخدم الريس مود على طول يروح عليك الضمان

تبدل البمبر او الصدام يروخ الضمان بسبب تهويه الراديتر

تبديل سوائل (قير دفريشن الخ) كل 18000 مايل 2000 دولار

كل 3000-5000 مايل تبدل تواير ب 4000 دولار

احسب كم كيلو تمشي في السنه وحسب تكاليف الصيانه :confused1:

وانا اكتب واحد يداوم معاي قالي البريك ب 18000 الى 20000 الف درهم يعني هذا الكلام موجود عندنا مب برع بس

يعني تشتري جيتي ب 450000 الف وتدفع تكاليف صيانته هذي كلها !!! اخذلي بورش توربو ارخص

^^^

أخوي ممكن تقولي كيف استندت ان الجي تي ار جودته ضعيفة

انا شايف تجارب للجي تي ار 35 الاول لمن نزل 2008 وبعضها تلغم وتفجر من التلغيم كمان وومازالت السيارة بقمة عزمها وقوتها بس الموستنق كمان مشهورة بجودتها كسيارة رياضية الكامارو زد ال 1 ماعندي اي خلفية عنها لكن الكورفت كثير مواضيع تكلمت انو جودتها غير ممتازة والبدي حقها رديء

من ناحية الجودة والتسارع والأداء :

1- GTR
2- Shelby GT500
3- Camaro ZL1
4-Corvette Zo6

شخصيا اشوف

1- الجي تي آر

2- الموستنق شلبي

3 - الكورفت زد او 6

4- الكامارو زد ال 1