متردد بتغيير زيت القير (إلنترا 2008 أوتوماتيك)

طريقتك صح
اسحب لتر كل فتره و حط لتر زيت جديد اهم شي يكون زيت اصلي من الوكاله و بعد ما تغير 6 - 8 لتر و تمشي على السياره حول 15 الى 20 الف تقدر تغير الزيت بعدها مره وحده تقريبا 3 الى 4 لتر طبعا القير يشيل حول 7 لتر او 8 لاكن ماراح تنزل كلها لان طنجره القير تاخذ حدود 3 لتر ما تقدر تطلعها الا اذا سويت فلاش للقير و هذي عباره عن عمليه سحب الزيت القديم و ضخ زيت جديد بنفس الوقت و تستخدم ضغط عالي و لا انصح احد يسويها اذا السياره تعدت 100 الف كيلو حتى لو كان مواظب على غيار زيت القير.
الافضل كل 30 الف تنزل الزيت بحدود 3-4 لتر على حسب نوع السياره و تحط زيت جديد.

ما فيه مشكله إن شاء الله ..

لكن مثل ما قلتلك لاتحاول تدعس ،، المره الثانيه اسحب علبه وهلم جرى .

^
وهذا الي سويته البارح شريت علبة زيت من الوكاله
ونقصت لتر وعبيت لتر
والحين امشي على هوني وانواع التطنيب من جنبي هع هع

بس سؤالي الحين اذا جيت للبنشري وقام يسحب
عادي تكون السيارة محتره ولا اخليها لين تبرد

أخوي معه اكورد وغير زيته بعد مامشى ١١٠..


إذا تبي الرأي اسحب علبتين وان كنت خايف اسحب علبه وامش على السياره اسبوع ..

عقبها زود الجرعه شوي اسحب علبتبن وهكذا ... وخل سواقتك راكده يعني لاتدعس للموتر ..

بعد مده بإمكانك تغيير الزيت والفلتر دون تخوف .

أغلب البناشر عندهم شفط انت وين موقعك ؟

قير توماتيك انا
الزيت مو ناقص كامل بس محترق خفيف
وسحب الزيت الشكوى لله مالقيت محل يشفط زيت قير
كلهم يقولون نشفطه لك كامل مافي احد يسحب بالتر

انا عارف ان الازم اغيره
بس اذا الوكاله يقولون مانضمن لك تغير القير بعد تغير الزيت وش نقول
انا من الحفر

هينا المشكلة خايفين من التخبيط
اذا كنت بغيرة كامل اكيد بغيرة بالوكاله مع الفلتر وعلى الله
الطريقه الي تنقص لتر وتسحب لتر هذا حيله للقير وش نسوي خايفين من التغير المفاجى ومثل ماذكرت نسبة نجاحها ضعيفه
المشكلة ان السيارة شاريها مستعملة ومدري اذا راعيها مغير قبل 100 الف ولالا
وصعبة امشي على السيارة والزيت محترق بيخبط كذا وتوماتيك بعد

انا ماكل تريلة تبن كاملة :bigggrin:

انا يقولون محترق خفيف وخاف من التغير الكامل
وبعضهم يقول اسحب نقص لتر وسحب لتر بس مالقيت محلات نشفط زيت
خلها على ربك
الظاهر ان صكت فيني بغيرة بالوكالة مع الفلتر ان ضبط ضبط
ان خبط افك نفسي من القروشة والتفكير :a1120(82):

مسالة تغيير الزيت خلاص صعبه كل ما نقص الزيت تزيده لانك ما واضبت على الصيانه من قبل

ومسالة سحب لتر و صب لتر معقوله ولم اجربها ولكن يقال انها جيدة

لاتبدل الزيت مباشرة لانه فعلا مافيه ضمان

غيار الزيت فيك يعني لازم تغيره وفيه ورش تغير الزيت مع الفلتر انت في اي مدينة

أتفق مع ما كل ذكره الأخ abukinan و كلامه صحيح بأن تجتنب البناشر , باستثناء نقطة أنك تذهب لمحلات القيور ؛ لأن كثير منهم للأسف ما يخاف الله و يقول لك توضيب و هو ما بعد عرف السالفة , علشان يلهط بس. إلا إذا واحد أنت تعرفه مسبقًا أنه ثقة.

فلذلك الكشف على اسوداد الزيت هو الفيصل. لو كان ما زال به احمرار و شيء من الشفافية فأمورك سليمة إن شاء الله , مو ضروري يكون أحمر و شفاف تمامًا مثل الجديد.
لكن لو محترق اتركه على حاله لأن الكلتشات المحترقة داخل القير لن يناسبها إلا هذا الزيت المحروق.

أما الحركة التي يذكرها البعض و هي التغيير التدريجي ما جربتها لكن ما أظنها ناجحة ؛ لأن الكلتشات هي هي , ستظل على نفس درجة استهلاكها و لن تسترجع حالتها الأصلية بهذه الحركة الغريبة! و طالما الكلتشات ممسوحة فلن يصلح لها إلا الزيت العكر و ليس الصافي الجديد.. يعني لو تقعد تفرغ مقدار فنجال قهوة كل شهر ستظل السالفة كما هي , و لا علاقة بكمية التفريغ و طول المدة.
حبيت أني أتكلم بالمنطق.

الأخ كبااس , أنت نفس القصة , أجبت عليك مرة في أحد مواضيعك. افحص احتراق الزيت , ما تدري يمكن يكون غير محترق و بالتالي قابل للتغيير.

لا زيت بس

قالي ان سيارتك سيفونها مايتغير و جلس يشرح بس مافهمت
طبعا سيارتي اوبترا 2005 - مستعمله - وهذه اول مره اغير زيت القير
اتوقع كانت ماشيه 150 الف

ي رجال انا مثلكك ماكل تبن وبسححب عليه لان يقولون اذا كان محترق وغيرته ميه بالميه بيخبط القير .. ان كانه مابعد احترق زيت قير موتركك الحق عليه ورحح الوكاله يغيرونهه لكك

كشفت عليه مهو ناقص بس محترق خفيف
وبعد الفحص وش اسوي هينا المشكلة
شكلي بغيرة مع السيفون بالوكالة والي فيها فيها

ماعندي كتيب السيارة شاريها مستعمله


انا رحت للوكاله قالو مانضمن لك القير بعد التغير
بس انت يوم غيرت الزيت غيرت معه السيفون ولا بس الزيت
وكم كنت ماشي عليه
والله يعطيك خيرها ويكفيك شرها

و الله انا كنت زيك خايف
علشان كذا ماغيرته في البنشر
و الوكاله سعرها نار

رحت لشركه اسمها اوتو ستار
غير زيت القير و الحمدلله لي سنه حتى الان ماشفت مشاكل

قبل كل شي اكشف على الزيت وشوف كيف ريحته ولونه وهل فيه ريحة حرق قوية

وخلي احد خبير من اخويانك يفحصه لك ولا تعتمد على فحص البناشر وممكن تراجع كم محل لتوضيب الجير يكشفون على الزيت وشوف