[النمـ§ـر][-;2831111']رحم الله والديك اخي القدير محمد عالافادة
دائماً انت تجي في الوقت المناسب و تعطيني الزبدة :)
المدينة المنورة فيها بيع الرنج روفر
واتوقع انه ايضاً عندهم الصيانة
بس من البداية ما دام الحكاية فيها تعليق في شاشة النافيقيشن :)
يعني ادفع 410 الف في سيارة استجابة الشاشة فيها بطيئة ؟ :) دي مصيبة يا رجل ههههههههههه
وانا صراحة مناسبني عرض البي ام للصيانة
بعدين ما ادري احساسي ورغبتي مائلة للبي ام بشكلٍ كبير
رغم اني اليوم شفت الفي اكس ار و نظام الزحف فيه فاعجبت بالنظام صراحة
طبعاً مافي مقارنة ابداً بين وانيت تويوتا زي ما يقولوا و الربابين الالمان :)
لكن احلى ميزة في التويوتا مسكها للسعر القوي جداً
انا من الناس الي كل 5 اشهر سيارة جديدة :)
يعني اقتني و اجرب و ابيع
فما ادري والله اش تنصحني في الاخير بناءً على ما كتبت لك الان اخي محمد ؟
بعدين عتبي على بقية الاعضاء و الخبراء
يعني 84 مشاهدة و رد واحد من الاستاذ محمد فقط ؟
اذا كيف نستشيركم اخواني الكرام بناءً على تجاربكم للسيارة ؟
ياهلا والله اخوي النمر ، والله يجزاك خير على الدعوات الطيبة
بصراحة الاختيار محير بين السيارتين
، الـX6 يميزها :
1- عرض الصيانة المجاني
2- الانتظار لن يطول مثل الرينج روفر
3- السيارة انسيابية وكفراتها عريضة ، يعني الرساوة والعزل ان شاء الله تمام
اما الي يميز الرنج روفر :
1- قدرات برية افضل من الـX6 بمراحل
2- الحجم الداخلي اكبر لو كانت عندك عائلة واطفال
3- شكل جديد كليا وما انتشر بالشوارع
وبما انك ياطويل العمر بتاخذ السيارة عدة اشهر وبتبيعها ، اشوف ان الـX6 افضل بهالحالة ، منها انك خلال فترة الاشهر هذي ما اتوقع تحتاج قدرات برية كبيرة ، وبنفس الوقت ماراح تدفع ولا ريال على الصيانة ، وفوق كذا السيارة حقت خطوط ماشاء الله
نظام الزحف باللاند رهيب ، وينفعك اذا غرزت بالبر لكن ما اشوف انه يستحق ان اضحي بمميزات السيارة الاوروبية عشان النظام هذا
لو كان معاك سيارة ثانية وغرزت الله يعينك تشوف لك احد الطرق التقليدية من سحب وحفر :bigggrin:
او طريقة مريحة وهي بالون بلاستيكي يبيعونه بامريكا تحطه تحت السيارة ، وتشبك البالون بولاعة السيارة عن طريق سلك ، وينتفخ البالون الى ان يرفع لك السيارة وتطلع من التغريزة
الله يوفقك ويكتب لك الي فيه الخير اخوي النمر ، وبخدمتك يالغالي
