السلام عليكم
شحالكم شباب عساكم بخير
في الاول انا اخوكم محمد من الامارات اتمنى اني اكون اخوكم وزميلكم في هذا المنتدى الجميل وطبعا انا من محبينه ومن زمان متابعنه لكن كانت عندي مشكلة في الدخول والحمد الله حليتها ....
المهم ندخل في الموضوع
انا حاب اشتري سيارة فيها نفس رياضي بمعنى ان يعني فيها عزم حلو وبصراحة ما حصلت وانا ميزانيتي ما تعدي 110 الف ريال طبعا بكون طالب جامعي وما ابا سيارة قطع غيارها غالية وايد لان الصيانة راح تكون وكالة
والاشياء الي اباها تكون
6 سلندر او 4 سلندر تيربو
تكون صناعة امريكية او يابانية او المانية ... بعيد عن الكوري والفرنسي
تكون ثابته وبريك ممتاز وسيفتي مب شرات الكامري والاوريون لانهم ماخذين اسوء سيارات في اختبار التصادم
ويفضل تكون صرفية البترول ممتازة لان طبعا عندنا في الامارات سعر اللتر حوالي 1.77 ريال :a120(115):
الخيارات الي في بالي:
1 دودج تشارجر
2 فولكس واجن جولف جي تي اي 2.0 لتر او 1.4
طبعا افضل الصالون
وساعات افكر في
الاكورد 4 سلندر ... يقولون حق مكدة
او الفورد فيوجن نفس اداء الاكورد مقابل سعر وصيانة ارخص
لكن مب داش مزاجي ال4 سلندر ههههههه
وانا بعد من محبين المكسيما لكن للاسف قير ال CVT ما يعطيك نفس رياضي والالتيما طبعا عليها X
واذا فورويل
عندي خيارات مثل
1 جمس سيرا
2 باجيرو بابين
3 اف جي كروزر لكن المشكلة سعرها فوق الميزانية و مثبت سرعة بس في الرقم واحد
4 نيسان اكستيرا بعد فوق الميزانية لكن في مجال احصلها شوي ارخص
ولكن بصراحة افضل الصالون اريح واحسن للباركنات طبعا عندنا الباركنات ضيقة نوعا ما و صعب تحصل باركن
والمشكلة ان الماليبو 6 سنلدر يقولون ما راح تنزل عندنا في الامارات ولا هي كسيارة افضلهم من ناحية المصاريف وكسعر حتى لكن للاسف ما راح يجيبونها عندنا :smilie20: والامبالا الجديدة اتوقع حجمها راح يكون كبير وايد والتوروس بعد عجيبة لكن بعد كبيرة وايد
المهم شو رايكم بالتشارجر والفولكس واجن جولف
شو الارخص من ناحية قطع الغيار والافضل في الصيانة واقل مشاكل
ولا تنصحوني ابعد عنهم واخذ هوندا اكود 4 سلندر او فورد فيوجن
