اكثر سياره تمسك سعرها

هايلكس
وانيت نيسان
كامري
إلنترا

الفورد تمسك سعرها أيضا

ما شاء الله خذت لفه اسعار الاند فووق

ما عندكم خيار ثاني لن هالموديل عماني مطقمين فكسارات ما شاءالله

انا مع الاخ

تاخذ لاند كروزر .. وعادي تبيعها بعد سنة بنفس السعر أو أغلى

نعم الوصية .. اذا تبي موتر يمسك سعره صدق عليك بالجيب تويوتا
سواء vxr او gxr
وابحث لك عن النظييييييف الخالي من الصدمات .. واتكل على الله وخذه

صح اني اكره السياره كره شارون .. لكن كلمة الحق انه يمسك سعره هذا اذا ماجاب لك مكسب بعد .. حصلت معي مره وشريت جي اكس ار 2006 ب118 ألف وقعد معي شهرين وكرهت ام ام ام اللي جابوه (طبعاً لإعتبارات احتفظ فيها لنفسي)
ورحت ابيعه ومع اول سومه جاب 118 .. اخذت لفه وجاب 121 ألف ولا قعدت نص ساعه فقط وبعته ..

طبعا كلمة الحق الموتر ممتاز ولا عليه كلام لكن لإعتباراتي أنا شخصيا ماحبيته .. ماراح يعطيك أكثر من كلمة سيارة تصبر وتمسك سعرها بعنف

اهم شي لا تبيعه الا مع بداية الشتاء واول رشة مطر .. صدقني يجيب لك قيمة ماتتوقعها

أكثر السيارات اللي تمسك سعرها الهايلوكس
وحسب ميزانيتك الفورتشنر بعده مباشرة
يفضل تأخذها مستعملة أصلًا

وش رايكم في برادو 2012 ماشيله 30 الف اسعاره بال120 وحولها
تتوقعون ابيعه عقب سنه ونص بخساره اقل من عشر الاف
طبعا اسود ولا الابيض احسه سياره ثانيه

الله الميسر
ان شاء الله الاجار اذا ما لقيت شي
ابو الخل
ابي دبل لني فالشتا اطلع كل خميس
ابو يحيى
الموديل هذا قيمته بال80 وانا ابي شي يمسك ال120 الف

والله انك جبتها

خذ لك فكسار و لا جكسار 2006 - 2007 .. هذا هو الموتر اللي يمسك سعره ..
و احتمال تبيعه بزود على بداية الشتاء ..

بالتوفيق ,,

خذ افالون 2012 ولا 2013 مستعمله

خذلك سياره اجار شهري لمدة سنه يطلع عليه 12000 تقريبا أو أقل بعد .. لأنهم يعطونك عروض ..

او كل ست شهور جدد لك سياره ثانيه على شان ما تطفش ..

يطلع لك 12000 تقريبا .. وهو نفس مبلغ الخساره الي تبيها .. وخالصين

تحيتي

خذ لك سيارة مستعملة 2012 او 2013 نظيفة

راح يكون طايح في سعرها 20 الف اقل تقدير

وبعد سنة تبيعها بخسارة 30 الف من سعرها الأصلي

يعني خسارتك تقارب 10 الآف ريال

اخوي المازدا لو ﻻ سمح الله قبعت لو خفيفه باكل هوا
الاف جي مو عاجبني البرادو افضل ﻻكن شفت حراج ينزل في سنتين حدود 35 الف
والسييرا ما ابي اﻻ غماره بينزل شهر 12
ومابي سياره رخيصه عشان الوالد مو معطيني كاش وشكرا

انحاش عن المازدا بعيد جدا ( انا عندي مازدا ومعروف سعره ينزل كثيييير عند البيع ) ،اشتري تيوتا او هونداي ويفضل انه يكون تويوتا دفع رباعي مثل الاف جي او البرادو . اذا عجبك خليه او بيعه واشتري سيارة ثانية وان شاء الله ماينزل سعرها .
جرب موقع حراج شوف سعر بيع السيارة ومديلها مقارنة مع سعرها الاصلي .
وعلى فكرة انتظر حتى رمضان يمكن ينزل السييرا .