ارتفاع حرارة المحرك + تهريب ماء الرديتر

السلام عليكم ، كيف الحال يا اصدقاء؟
ان شاء الله طيبين

مشكلتي بدت وانا اسوق بشكل عادي(كان وقتها المكيف حار) فجاة ارتفعت الحرارة الى اقصى شيء الى H .. وظهرت لي علامة المحرك في الطبلون، وقفت على جنب لين بردت السيارة ثم شغلتها من جديد ونفس المشكلة علامة المحرك ، وترتفع الحرارة بشكل جنوني
ومن حسن حظي ان البيت قريب ووقفتها ، انتظرت لبكرا وفحصت ماء الرديتر
كان بوضع طبيعي .. مشيت عليها شوي ارتفعت الحرارة لاعلى شيء لكن ما طلعت
علامة المحرك .. وقفت وانتظرت لين بردت السيارة ولقيت ماء الرديتر ناقص كثير
عبيت ورحت شغلت من جديد ايضا ارتفعت الحرارة الى اقصى شيء ووقفت لقيت
الرديتر فاضي مافيه شيء وكنت توي معبيه .. تركت السيارة وكان عندي سفر اسبوعين
ورجعت وعبيت الرديتر وشغغلت ورجعت طبيعية لكن في اوقات كثيرة ترتفع الحرارة
للنص رغم اني بالليل وقبل شوي وقفت السيارة عند الباب ورحت اصلي لما رجعت شفت
ماء تحت السيارة استغربت وناظرت تحت الا من السيارة تنقط.

ما ادري هل الرديتر يهرب او لا ، كيف اتاكد وعطوني نصايحكم، الموتر صني 2011
وتروني مبتدئ بالسيارات ، اتمنى تشرحون لي بالتفصيل.
وشكرا لكم