سيارة تتحمل الطريق لعملي

خذ لك وانيت امريكي يكرف معاك

الواضح ان معلوماتك سطحيه جدا و لو كنت تعرف شي بالسيارات كان عرفت ان الفورتشنر يتشارك من الناحيه الميكانيكيه في كل شي مع ال اف جي و اللاندكروزر 6 سلندر.

انا اعتذر اني دخلت في تفاصيل اعلى من معلوماتك بكثير.
اسف على الاطاله لعدم تكافئ المعلومات التقنيه.

اعذرني انا اعتقد انك تعاني مشكلة في التركيز واكتفي بهذا القدر من النقاش معك

لم ننصح الرجل بشراء اف جي ولا كامري ولا لاندكروزر ولا اوريون .

اسم السيارة فورتشنر . ويبدو انك نسيت تذكر عيوبها في ردك السابق :) .


وللمعلومية جميع السيارة اللي ذكرتها وعلى كل العيوب سعرها اعلى من النيسان مستخدم لان الرجال صاحب الموضوع يبي سيارة شديدة وسنة وبيبع الخيار له ولا لنا الا ابدأ الرأي شكرا لك لاثراء النقاش . وتحياتي لك .



همسه لصاحب الموضوع : ( لا تنسى تخفف هواء الكفرات كل مره تنزل جلد إلى 20 او 18 مهما يكون نوع السيارة اللي تشتري افضل للسيارة واطول عمر لانظمة التعليق فيها ) .

وترانا زملاء مهنة وعشنا نفس ظروفك تحياتي لك .

لا ترد بالعاطفه!!

نسيت ان تويوتا حاليا كلها صيني و يايلندي و اندونيسي !!!
مدري كيف تقنعني ان الكورولا من يوم تطلعها من الوكاله صداماتها تتفكك!!
كيف الكامري تنسم هواء بعد استخدام سنه او اقل !!!
كيف اصوات الديكورات عند 2 من اخوياي في الاوريون من اول يوم استخدام و اذا مو مصدقني ارجع الى منتديات تويوتا العربيه و شوف الناس كيف تشتكي!!
مشكله ماطور الدبل في ال اف جي و اللاندكروزر يحترق فجاءه و مايشبك الدبل!!
مشكله عازل الشكمان في ال اف جي يطيح على الشكمان و تحترق السياره و عندك منتديات تويوتا العربيه تقدر تشوف كم سياره احترقت!!
مشكله طقه القير في ال اف جي و مالها حل بالاضافه الى مشكله تاخير في التعشيق!!
مشكله تهريب الصوف في ال اف جي و اللاندكروزر و مالها نهايه!!

اذا انت تسوق سياره من 25 سنه انا اسوق من 17 سنه و ميكانيكي من 10 سنوات و اعرف اكثر من اللي تعرفه و صلحت سيارات اكثر من ما تتوقع و اعرف مشاكل السيارات اكثر منك.
الواقع يقولك سيارات تويوتا مش زي اول يا صديقي والله العظيم انها اقل صبر بكثير من اول.
اذا نتكلم حاليا النيسان اصبر بكثير و الهوندا اصبر و حتى الهونداي اصبر من التويوتا اذا مو عاجبك لا تصدق بالعكس ابيك تشتري تويوتا و تصير زبون عندي اصلح سيارتك و استفيد من وراك ولاكن انا محاسب عن ربي و الله يشهد على كلامي.
اذا حاب اعطيك تفصيل عن المشاكل المعروفه في اي سياره تخطر في بالك خصوصا السيارات المنتشره ابشر و انا تحت امرك.

حديث أبي هريرة رضي الله عنه عن النبي صلى الله عليه وسلم قال : من كتم علما يَعلمه جاء يوم القيامة مُلْجَمًا بِلِجَام من نار

انا اتكلم من واقع تعاملي مع السيارات و اشوف الاعطال و كثره تكررها في سيارات كثير اشتغل في الالماني و الياباني و الامريكي و متخصص اكثر في الياباني بحكم انه اكثر السيارات مبيعات.
صدقني مافي سياره في لكزس و تويوتا تخدم مثل الكامري v6 من 1998 الى 2002 او لكزس es300 من 1999 الى 2001 هذي انظف صناعه طلعت من تويوتا في تاريخها.

لاتكن عاطفي يا صاحبي الواقع يفرض نفسه.

كثير من الناس ما يركز في الموضوع اذا جاء يرد يجيك مطفي النور

ويهجم كان النيسان مصنعهم وانت واحد منهم.

اذا استخدمت نيسان في الرياض او في دبي ما يتهربد .

ركز وانا اخوك 160 جلد رضيت ولا زعلت النيسان ما يصبر وخاصة

الموديلات الجديده .

وااذا انت ركبت نيسان وهوندا وتعتقد انك ركبت سيارات كثيره

لا تحكم على خلفية الناس من ورا شاشة منتدى .

طال عمرك انا اسوق من 25 سنه وغيرت اكثر من 15 سيارة ملك .

واول سيارة امتلكتها نيسان ومن ضمن السيارات اللي ركبتها باثفايندر

2010 ومشيت فيه 170 الف وراح فيها !

وهذا هو جيب وتهربد وانا مسؤل عن كل كلمة قلتها .

واستخدمت فورتشنر ولاند كروزر جي اكس ار 100 الف تركبه وكالة .


ولا تنسى نزول النيسان في السعر بالنسبة لتويوتا .


النيسان اداء سبورت محركات جباره ما يختلف عليه اثنين .

بالنسبة للقوة التحمل على مستوى الديكورات وانظمة التعليق

لا ترتجي مننه كثر تويوتا .


اللي بيرد لا يرد بعواطفه عشانه حب سيارة معينه يجلس يطيرها في

السماء .

وأسأل اهل الخبره اللي احسن مني ومنك ويفيدونك .

تحياتي لك

و من متى انت تفهم بالسيارات يوم انك تقول النيسان يهرب؟
مايحتاج ترد لانك من وكاله يقولون و اجزم انك ما جربت نيسان بحياتك واكثر شي صار معاك انك ركبت في باترول ولا صني موديلها 90

شبعنا من هالكلام و البربره الزايده و نقل الحكي بدون تجربه.

الى متى نستمر في نقل اكاذيب مالها صحه.
انت محاسب على اللي تقوله.
انا كنت ضحيه لمثل كلامك و جلست سنين استخدم تويوتا و هوندا و بعدها جربت النيسان من 2001 و الى يومك ما شريت غير لكزس و انفنيتي و نيسان ولا شفت شي من الهربده اللي تقول عنه.
يكفي نقل كلام بدون التاكد من صحته.

وعليكم السلام ورحمة الله وبركاته

هايلكس دبل أو فورتشنر ٤ سلندر يكفي ويوفي
جديد أو مستعمل
ونصيحة لا تتورط بغيرها
ولو ان في سيارات تتحمل
لكن دوامك هذا يتطلب صيانة مستمرة وتويوتا قطعها متوفرة
وإذا نقلت بإذن الله تخدمك إذا كانت البيئة مشابهة
أو تبيعها بدون خسارة كبيرة خصوصا الهايلكس

الرجال يقولكم 160 جلد وتنصحونه بـ امريكي ! من متى الامريكي كان يتحمل .

ومن متى النيسان ما يتهربد !! الفورتشنر اللي نصحك فيه صدق وخذه جديد وكده سنة وتركب فيه ما تغير بعده جديد !! وفوق هذا كله بعد السنة اذا نقلت بالسلامة تبيعه ما نزل من قيمته شي .

صح قاسي ومواصفات ما فيه بس عملي لابعد حد وريالك محفوظ .

بالتوفيق

تسلمون ماقصرتو ياشباب

اخوي

تبي نصيحه مالك الا (((هايلكس))) ولا تتعب نفسك اكثر من اللازم
وباقي المبلغ وفره للايام القادمه

والله يوفقك ويحفظك

ارشح الباجيرو سبورت او النيسان اكستيرا.
السيارتين عمليه و اعطالها قليله و السعر معقول جدا.

انا ارشحلك الاكستيرا صراحه جبار وسعر منااسب
ووحش بالطعوس والطرق الوعره

هلا ومرحبا الف فيك اخوي عندك الميتسوبيشي باجيرو
ممتاز وعليه الان تخفيضات




وعندك الباجيرو سبورت وهي كلها 6سلندر وعمليه وفيه تخفيضات من الشركه





وعندك النيسان اكستيرا كمان جيد و6سلندر








وعندك الشفروليه تيلربليزر كمان جيد وسته سلندر
وعملي





وكلها السيارات المذكوره تتحمل وهي جيوب وعلى شاصيه ودفع خلفي وماهي كروس اوفر تمشي دفع امامي وبعدين تشغل الدبل ويشتغل الدفرنس الخلفي زي الر اف فور والهونداي سنتافيه والكياسورنتو والهوندا سي ارفي وكمان هي في حدودالمبلغ اللي معك ويمكن اقل
واخرها التويوتا فورتشنر بس عيبه انه 4سلندر محرك هاي لوكس
ماهو ال6سلندر لانه غالي 128الف
ارجو اني اكون وضحت ولا تنسى تستخير

ياحبيبي مادام انها هجره وخط قطوع، مالك الا تويوتا

السلام عليكم
الاخوان ماقصرو واذا تبي سيارة تتحمل معاك مثل هذي المسافة فالجيوب اليابانية خيار موفق ان شاء الله
الفورتشنر 4 لتر يعيبة قله المواصفات مقابل السعر
الاكستيرا ويعيبة قله الراحه
الباجيرو 3.5 لتر يعيبة الوكيل وقدم التصميم او الباجيرو سبورت
في الختام انصحك بالاستخارة
بالتوفيق ومبروك مقدماً

بهالميزانية, مالك إلا فورتشنير

شخصياً أنصحك بـ واحدة من 4 سيارات :

فورد إكسبديشن من موديل 2011 و فوق
جمس يوكون SLE موديلات 2010 - 2011
فورد F-150 موديلات 2012 - 2013
جمس سييرا SLE موديلات 2012 - 2013

أو السلفرادو الجديد 2014 , يبدأ سعره من 102 الف ريال سعودي أعتقد ..

انا اشوف تدور لك مستعمل نظيف عشان لو تنقل بعد سنه تبيعه ويكون سعره فيه