للأسف صوت المكينه ازداد سوءا

ليش ما تسوي نفس الحركة اللي في مقطع الفيديو الأخير
على كل حال في حالة تغييرك للطرمبة ما يمنع تغير الجنزير وشداداته الداخليه لقطع الشك باليقين
المكاين اليابانيه قلق.
فما بالك المكاين الالمانيه انواع الفلسفه.

الله يوفقك

خلاص قررت بشتري طرمبة الزيت سعرتها وطلع سعرها 600 ريال جديدة اصلية

بغيرها ولو مانحلت المشكله بتركها لين تخبط

والله من ناحية السيور الخارجيه فحصتها اكثر من مره

كل البكرات سليمه والسيور جديده

وبالنسبه لضغط الزيت الى الان ماشفت ورشه عندنا تقيسه :blue:





الصوت عندي بداية الدعسه اسمعه يتزايد الى ان يوصل الاربي ام 2000

ويختفي خلاص ماتسمعه واذا تركت الدعسه ثواني ويرجع مره ثانيه الصوت

الظاهر الطرمبه فيها مشكله الغريب ان الطبلون مو منوره فيه لمبة

الزيت والميكانيكي يقولي لاتغيرها الا اذا لمبة الزيت ولعت

حصلت مقطع لباثفندر فيه نفس المشكله

من يوافقني الرأي ان الصوت هو نفسه ذا

http://www.youtube.com/watch?v=SDaEKDgw5F8

علما ان الباثفندر والالتيما نفس المكينه بس الاختلاف الباثفندر بالطول

والالتيما بالعرض

http://www.youtube.com/watch?v=JatIzylsVVA

والمشكله كانت بجنزير المكينه والشدادات الداخليه


هل هو نفس الصوت ؟ :confused1:

وعليكم السلام ورحمة الله وبركاتة

شاهد المقطعين وقارن بينهم

هذا مقطع فيديو لتاهو الخلل من( طرمبة الزيت)
في الدقيقة 45-1 عند الدعس على البنزين زاد الصوت وعند الدعسة الثانية على البنزين خف الصوت وذلك لوصول الزيت
فأذا كان الصوت عندك مع الدعس على البنزين يخف او يختفي فألحق على مكينتك وغير طرمبة الزيت مع جلدتها ونظف الشخال
وبطريقك تشيك على جنزير المكينة وشداده.
وقبل هذا كله انت تشتري فلتر الزيت من الوكيل او لا
وهل فلتر الزيت اللي راكب على سيارتك هل هو لل6 سلندر او لل4 سلندر
لأني تفاجأت يوم جيت اشتري فلتر الزيت للكابرس اتضح ان فيه نوعين وهم نفس الشكل ولكن تختلف الارقام واحد لل8 سلندر والثاني لل6 سلندر
واكيد ان في اختلافهم تأثير على ضخ الزيت
تأكد من وكيل سيارتك وغير نوع زيت سيارتك وجرب شل سوبر.
http://www.youtube.com/watch?v=BfslUsxTdkI


وهذا مقطع آخر والصوت بسبب ( التكايات )
والصوت مستمر تدعس على البنزين والا ما تدعس وفي الاغلب انك تسمعه في جهه من المكينه اعلى من الأخرى
http://www.youtube.com/watch?v=4RecrxxLT4s#t=23