انا كان معي fj 2011 , وصار لي حادث جامد "انقلاب" والحمدلله على كل حال
والحين محتار بين اني اصلح او اطلع سياره جديده طبعا السياره ميكانيكا ما جاها شي
المشكله اني لسى ما شبعت منها وودي اصلحها واخاف اصلحها وما تضبط واندم
ورحت شفت السيارات لو فكرت اطلع وطاحت عيني على ثلاث سيارات
الخيار الأول الـ grand cherokee v6
حلو ومرتب وكان معي واحد زمان موديل 95 8 سلندر لكن بهذلني
وودي اعرف اذا كانت الموديلات الجديده تعدلت ولا ما زالت مشاكل القير والحراره والكمبيوتر
موجوده
الخيار الثاني الـ ford expolrer sport
شفت السياره امس وصراحه انصدمت ما توقعتها بهالروعه وجهيه جباره وجنوط رياضيه
وتعطيك طابع رياضي ورسمي وعائلي بنفس الوقت غير نظام فورد الجديد smart sync
وفخامه داخليه عاليه كنت افتقدها في الفوجي غير المكينه بقوة 350 حصان
لكن ما ادري عن قدرة تحملها للكرف وحساسيتها للأجواء عندنا
الخيار الثالث الـ durango
السياره ما عجبتني كثير لكنه حليو مرتب الي ما عجبني فيه انه كبير شوي بالنسبه
لأحتياجي والتصميم الخارجي خالي من الملامح ما عدى الوجهيه
يا ليت تشورون علي ويفضل المجرب او الي له خبره بدون تعصب وبدون يقولون وما يقولون
طبعا انا دوامي يبعد 35 كيلو تقريبا والطريق الناس كلها شاخفه 200 وزود
يعني احتاج سيارة استخدام 6 الى 7 سنين راح جاي هالمشوار على 140 كم تقريبا
العزل ما يفرق معي لكن تفرق معي اصوات طقطقة الديكور مثل الي في اللومينا والتاهو من واقع تجربه السياره بتكون معي وعلى رجلي محد يستخدمها غيري
وشكرا
