زيت غسيل المكينه بصراحه ما عمري جربته
وفيه أنواع كثيره: بترومين فوكس الخ... من شركات الزيوت
وأنا بصراحه قبل سنه كنت أفكر بتجربة زيت الغسيل وكنت متردد جدا..وقررت أشيله من راسي..لأن بعض الناس خوفوني يقولون (ولا أدري عن صحة كلامهم):
1)أن زيت الغسيل ممكن يشيل الوصخ ويروح لمسارات ومسامات الزيت الصغيره وممكن يسدها.
2) ينظف الكربون أو الزيت المحترق اللي حول شنابر البساتن.. وممكن يصير فراغ فضاوه وتصير السياره تبدأ تنقص زيت أو ينخفض ضغط البساتن .
ولا أدري عن صحة كلامهم .. يمكن يكون كلامهم صحيح ويمكن خاطئ 100% .. الله أعلم
وأنا برأيي أبعد عن الشر وغنيله وريح راسك .. دام المكينه الحمد لله تمام لا تلعب فيها
غير الزيت بالكامل لآخر قطره وركّب فلتر زيت أصلي وكاله بـ 19.20 ريال مع زيت أصلي جديد .. وبتشوف الزيت صافي ونظيف
وترى أصلا زيت المكينه العادي وظيفته التزييت والتنظيف والحمايه من الصدأ والتآكل والخ... ويحتوي على مواد تنظيف ومواد تمنع التآكل والصدأ والخ....
لكن اتوقع الفرق أن زيت الغسيل تنظيفه قوي و مركز جدا و لزوجته وتزييته خفيف جدا جدا.. عشان كذا اذا حطيت زيت غسيل يقولون لك لا تدعس للسياره ولا تحركها لأن تزييته ضعيف جدا
أما بالنسبه لتنظيف البخاخات .. رح لأقرب فرع وكالة ميتسوبيشي وخذ منهم محلول تنظيف البخاخات علبه صغيره تكفي للسيارات الصغيره بـ 38 ريال مصنوع في اليابان وخل الباقي بجيبك :smilie16:
فيه بديل امريكي والخ... تلقاه عند ساكو وأرخص من الميتسوبيشي
لكن أنا عن نفسي أفضل المحلول الياباني وأرتاح نفسيا له .. وأحس أنه أحسن وأفضل من المحلول الأمريكي والسعودي .. سبق أني جربت محاليل تنظيف أمريكيه بعضها جيد وبعضها سيء يكتم السياره و يطيح عزمها !
جرب الميتسوبيشي الياباني وبتحس بفرق ان شاء الله ؛ بدل ما تدفع 200 أو 250 عند بترومين اكسبرس او فوكس ون ستوب .. محلول تنظيف البخاخات حق ميتسوبيشي بـ 38 ريال
وطريقه استخدامه :
1) تصبر إلى ان تولع لمبة البنزين .
2) تروح لمحطة ممتازه و تطفي السياره .
3) تصب كل محلول تنظيف البخاخات بالتانكي .
4) تعبي فل بنزين .
5) تشغل السياره وتمشي :smilie16: ولا تستعجل بالنتائج خله ياخذ مفعوله بالتنظيف
6) يفضل ( اختياري وليس ضروري ) تمسك خط أو الدائري أو تسرع شوي .. لكن أنسى الشيء هذا بسبب وجود ساهر وتدبيل المخالفات
و ميتسوبيشي عندهم بعد بخاخ لتنظيف ثلاجة المكيف و زيت غسيل المكينه ومحلول تنظيف البخاخات والخ... كلها صناعتها يابانيه لكن سعرها غالي
أذكر قبل سنه شريت لسيارتي الأكورد
فلتر البنزين بـ 170 ريال (بعد خصم 20% ) من وكالة هوندا و فلتر الهواء بـ 110 ريال (بعد خصم 20%) من وكالة هوندا .. وطقم البواجي بـ 60 ريال أصليه من محل قطع غيار هوندا نفس بواجي الوكاله بالضبط لكن أرخص من الوكاله
البواجي وفلتر الهواء أنا ركبتهن :smilie16:
لكن فلتر البنزين مكانه داخل التانكي .. فيه غطاء بالشنطه تحت الفرشه .. يفتحونه الورشه ويسحبون الطرمبه والفلتر (( لأن طرمبة البنزين تكون راكبه بالفلتر .. كل السيارات الجديده والصغيره كذا عشان يحمي الفلتر طرمبة البنزين ))
وأخذ مني الميكانيكي بعد المكاسر 130 ( أول كان يقول 150 ريال :smilie20::bigggrin: )و أحسه نصب علي .. لأن الناس يقولون بـ 100 ريال أو يمكن أقل شوي
لقيت لك فيديو باليوتيوب يمكن يفيدك
تغيير فلتر بنزين الأكورد 2003-2007
https://www.youtube.com/watch?v=SblHK3YFnrc
وأنصحك تغير زيت القير والفلتر الخارجي حق زيت القير ( الفلتر بـ 95 ريال تقريبا أصلي من الوكاله ) وتغييره سهل للأربعه سلندر .. بس انتبه لا تعكس الفلتر لأن فيه صمام والزيت يمشي بإتجاه معين )
لا تحرمني من دعائك
و بالتوفيق ان شاء الله
