بسم الله الرحمن الرحيم
الحاقا لموضوع سابق لي ورغبة في عدم مخالفة نظام المنتدى في عدم رفع المواضيع القديمة.
وهو تقرير عن جيتا فل كامل 2012 بعد ممشى 44 الف
http://www.assayyarat.com/forums/thread265534.html
بعدما كملت السيارة ممشى ال60 ألف كيلو دخلنا السيارة للصيانة الرئيسية ال60 ألف
في وكالة ساماكو جدة شارع التحلية خلف عمارة الحفني ، وكانت سليمة من العلل
والاصوات ، وجلست حوالي اسبوع للصيانة فقط ، وتم تغيير قطع رئيسية مثل :
تغيير زيت القير والفلتر وزيت المكينة والفلتر وفلتر المكيف وفلتر البنزين وسيور وسير
التايمن وسير خارجي وشدادات وتشييك كامل وابديت وغيرها . هذا اللي اذكر .
كلفت حوالي 4600 ريال تقريبا .
بعد الاسبوع استلمنا السيارة واليوم التالي سمعنا لها صوت صفير من ناحية السيور او
الشدادات او غيرها مااعرف صوت خفيف يظهر اذا كانت السيارة باردة يستمر حوالي
اقل من دقيقة ، ماكان موجود قبل كذا نهائيا.
ورجعناها للوكالة وجلست 3 ايام اعتقد وخبرونا الوكالة انها سليمة ، واليوم التالي
رجع الصوت ، فرجعناها الوكالة وجلست حوالي اسبوع ، وقالو غيرنا قطع والسيارة
سليمة ، وللأسف يظهر الصوت بعد كل دخول للصيانة .
واخر مرة جلست عندهم 3 اسابيع . . . . . وايضا ماعرفو حل للصوت.
دخلتها حوالي 5 مرات للوكالة بسبب صوت غريب بالمكينة ،[SIZE=4][COLOR=DarkRed] بداية القصة ودخول
السيارة للوكالة أول مرة بعد اجازة عيد الأضحى مباشرة 1434 .
واخر دخول لها شهر صفر 1435
وحبيت الفت الى انهم غيرو الاتي على حسب كلام الموظف:
سير التايمن مرتين.
السير الخارجي
شدادات السيور الخارجية وشدادت سير التايمن
طرمبة الموية !!!!!!!
ولا زال الصوت موجود ، ولم يتم توفير سيارة بديلة لنا بحجة عدم توفر سيارة بديلة
شاغرة !!!
مع العلم انه مجموع الأيام اللي جلست السيارة عندهم حوالي 60 يوم.
مشينا على السيارة حوالي 5 الاف كيلو موزعة بين كل تدخيلة للوكالة سفريات
ومشاوير والصوت موجود ولا فيه مشاكل ولا تغير بالاداء ، فقط صوت خفيف يظهر اذا
كانت السيارة باردة يستمر حوالي أقل من دقيقة.
تم رفع شكوى للمدير بجدة وايضا فرع ساماكو الرئيسي بالرياض ووزارة التجارة وأيضا
الفرع الاقليمي بدبي .
ماشفت من الوكالة ولا الفرع الرئيسي بالرياض ولا الفرع الاقليمي أي [/COLOR][/SIZE][SIZE=4][COLOR=DarkRed]صلاح أو رد أو
تحرك مفيد خلال ال3 شهور الماضية ... خلاااااااااص ..النفس طااااااااابت !!!!
كم يوم بدون سيارة !!!
كم مرة دخلناها لهم وبدون فايدة !!!!!!
كم خسارة فلوس خسرناها !!!!!
وكم من التعب النفسي حصلنا منهم !!!!
وكم وكم وكم وكم وكم .... الخ .
المهم قلنا ننفك من الوكالة ومن السيارة نفسها والمشاكل قررنا نبيع السيارة بخسارة
وعلينا العوض !
عرضنا السيارة للبيع وحصلنا لها زبون وقلنا له المشكلة الرئيسية اللي في السيارة
وانا قلتله عشان تتطمن تعال معايا الوكالة تشوف كل شي عن السيارة .
فعلا .. رحنا للوكالة وشاف تقرير السيارة الشامل وكل صغيرة وكبيرة وركزتله على
الصوت وقلت بالحرف الواحد عشان ما نغش وعشان ربنا يبارك لنا في البيعة
السيارة فيها صوت في الصباح اذ كانت باردة ويستمر حوالي دقيقة ويروح.
قبل الرجال فيها وبمشكلتها وربنا يبارك له ، تم بيعها بسعر قريب من سعر السوق.
للأمانة الايجابيات اللي تنحسب للوكالة هي :
تغييرهم لقطع كثييرة على حساب الضمان مادفعت ولا ريال. وهذا واجبهم .
تقبلهم للسيارة رغم كثرة التردد عليهم.
والمضحك المبكي بعد بيع السيارة باسبوع تقريبا كلموني الفرع الاقليمي وقالو ايش
بتحب نخدمك فيه ويشرفنا نخدمك و و و ... الخ وغيره من الكلام النموذجي اللي لا
يودي ولا يجيب !
قلتلهم كرهتونا في السيارة وهي من افضل السيارات ... وبعنا السيارة بسبب الصيانة
الممتازة حقتكم !!!
الموظفة قالت يؤسفنا انك بعتها قبل مانخدمك ... انا هنا ماادري اضحك ولا ابكي .. المهم
قالت ايش تبغانا نعمل كتوصية منك ، قلت توفير عمال صيانة مهرة ، وتوفير سيارات
بديلة زيادة.
وأيضا بعدها بأسبوعبن جاتني رسالة من وزارة التجارة تقول تم تنفيذ طلب الشكوى !!!!!
بعد اييييييييش .
تاريخ شراء السيارة صفر 1433
تاريخ بيعها صفر 1435 وبممشى 65 ألف كيلو.
تمت معانا سنتين من احلى مايكون ، لكن ماعكر مزاجنا منها الا الوكالة.
والحمدلله على كل حال.
ورأيي فيها :
عزل ممتاز
رساوة ممتازة جدا.
مواصفاتها ممتازة .
تتحمل السواقة الشاقة.
.....
قاسية بعض الشيء عالحفر .
عدم توفر قطعها خارج المدن الرئيسية.
سعر البيع وتوفر الزباين
وصلى الله على نبينا محمد وآله وصحبه أجمعين.
[/COLOR][/SIZE]
