شريت فورد f150 غماره فل كامل إيجابيات + سلبيات + استفسارات

سرينا @user_280139 · 04-02-2014

السلام عليكم ورحمه الله وبركاته

الحمد لله والمنه انه رزقني بـ سياره جديده
اشتريرت فورد f150 2013 غماره قصير فل كامل 8 سلندر 5.0 لتر دبل
عزمه قوي جدا جدا الصلاه ع النبي

طبعا توني خلصت 1000 كيلو مشاء الله وقلت ابجرب عزمه كيف قابلت خويي معه افالون 2007 وتقاومت معه والله انه ماجابني آلآ يوم فصل السياره
انطباعي عن السياره بشكل عام

ايجابيات :
1- هدوء جميل جدا داخل المقصوره مع وسع المقصوره
2- لما ادعس ويكون الدريشه مفتوحه صوت الدبــة طرررررب مشاء الله
3- قوة اللمبات الداخليه شئ عجيب تقول متكي داخل قاعه افراح مشاء الله
4- نظام السينك حلو وايضا الشاشه اللي تجي بالعدادات جميله وواضحه ومعلومات وافيه
5- وجود مساحه خلف المراتب وسيعه وتقدر تحط فيها شناط سفر بالحجم المتوسط
6- رفعه السياره بطـــله الموتر حق مطامر
7- رغم ان السياره سست آلآ انها مريحه للغايه بالنسبه لفئتها ماتحس بعيون القطط والمطبات
8- فيها سلم خلفي لما تجي تفتح الصندوق لسهوله الصعود
9- الفــــــــــــــرامل جبــــــــــــــــــارة مشاء الله تبارك الله وهذا اكثر ماشد اعجابي فيه بحكم ان معي شاص بجنبه
10 العـــــزم والقوه حكايـــــة ثانيـــــة مشاء الله
11- قيــر تيبترونيك 6 نمر

السلبيات :
1- قساوه المراتب يمكن لانه باقي جديد الله اعلم
2- الانوار الاماميه ماهي بالمستوى المطلوب في القوه
3- الفصــله يفصل الموتر على 160 كم وهذا اللي ابي استفسر عنه

هذا مايحضرني ألان من هالتجربه البسيطه وان شاء الله مع الوقت اوافيكم بالجديد

بالنسبه للصيانه على كم اروح لهم الحين خلصت الالف اطلع لهم وآلآ شلون ؟؟
والشئ الثاني الفصله يفصل على 160 وش الحل معها لو هو يفصل ع 180 وتحت كان ماهي مشكله بس 160 مايخارج لذلك اتمنى الافاده الله يعطيكم العافيه ..؟

الاستفسار الثالث ..
حراره القير كيف اعرفها هل هي العداد اللي موجود جنب البنزين على اليمين ؟؟؟

الاستفسار الاخيـــر ..
الدفلوك هل فيه دفلوك او لا ؟

بالنهايه اي استفسار او سؤال انا حاضر وموجود ولايردك آلآ الكيبورد
وصلى الله عليه وسلم
وتقبــلو تحياتي ،،،

مشاء الله

ابويزيد2 @user_303847 · 01-04-2015

السلام عليكم اخوي سارينا
بالنسبة للضمان بعد تركيف الشمعات الزينون هل انلغا عليك ام كما هو

سرينا @user_280139 صاحب الموضوع · 22-11-2014

X

XF150

السلام عليييكم , مساكم الله بالخيرر , يالربع محتاج مساعدتكم كنت ابحث عن فورد f150 غماره و لقيت هالموضوع المتميز
يالربع كم قيمة فورد 2013 اصفار دفلك دبل غماره شاص قصير ؟ من عند الوكالة !! وهل تعتقدون ان باقي عندهم علما ان موديل 14 نزل و 15 قريب بينزل ؟

حياك الله اخوي 2013 مدري اذا باقي بتحصل لكن اذكر شفته قبل فتره يمكن شهرين بالوكاله وكان لونه احمر بـ 105 الف فل
ورحت لهم قبل اسبوع كان خويي يبي واحد قالو طلبيه انتظر ثلاثه اسابيع

الطامه يوم علمونا السعر طلع بـ 125 الف قلت انا ماخذه بارخص قالو انت مشتريه مع العرض
الله يوفقك

XF150 @user_305324 · 21-11-2014

السلام عليييكم , مساكم الله بالخيرر , يالربع محتاج مساعدتكم كنت ابحث عن فورد f150 غماره و لقيت هالموضوع المتميز
يالربع كم قيمة فورد 2013 اصفار دفلك دبل غماره شاص قصير ؟ من عند الوكالة !! وهل تعتقدون ان باقي عندهم علما ان موديل 14 نزل و 15 قريب بينزل ؟

سرينا @user_280139 صاحب الموضوع · 17-09-2014

ا

ابويزيد2

السلام عليكم
مبروك الزين والله يعطيك خيره ،،، سوال من وين شريت الشمعات وهل هي زنن ،،،،، نبي لنا وحدة انا معي اخوه 2014
ارجر افادتي ولك الشكر

حياك الله اخوي الشمعات جايبها طلبيه من موقع الايباي من امريكا بالمحولات واللمبات والشمعات ب 4000 ريال تحياتي

سرينا @user_280139 صاحب الموضوع · 17-09-2014

حياكم الله جميع ويعطيكم العافيه علي الردود

محمد 2005 @user_14357 · 15-09-2014

ماشاء الله بارك الله لك فيه وفعلا اختيار موفق .. :xyxthumbs:

fhad2007 @user_69277 · 14-09-2014

س

سرينا

بالنسبه للي يسال عن عن مقارنته مع الشاص وهناك مابين معارض ومؤيد راح احط بعض النقاط بينهم حسب التجربه
الشاص اللي معي 2009 خليجي فل 11 سسته
طبعا ابرز المقارنات بينهم
1- الشاص حق كرررف لابعد الحدود حمار مكده فعلا لاني شخص حار ع السياره
2- الشاص وقت البيع يمسك السعــر وحسب خبركم تويوتا كذا لاحدتك ظروف وتبي تبيع
3- الفورد صرفيه البنزين مشاء الله مثل الكورلا رغم انه 8 سلندر وقوي اما الشاص يشرب شرب بالبنزين خيالي وهو 6 سلندر
4- الفورد مريح جدا ووسيع وضخم ومواصفات كثيييرره مثل النظام الصوتي الادراج مانع الانزلاق وabs وايرباقات جانبيه ونظام الحمايه قوي يفرق عن الشاص
5- الفرامل في الفورد جباره الشاص امسك فرامل مرتين ع سرعه 160 بعدها تسخن ولاعد تمسك افضل من اول يعني فرامل تحتر بسرعه
7- انوار الشاص قويه بالخط عكس الفورد
8- صندوق الفورد اعرض من الشاص وفيه لمبات خلفيه تنور للحوض اذا ماعد تشوف بالليل الشاص يبي له كشاف هههههه
9- الشاص حق بر ولاأنصح به في الخط اربع وعشرين ساعه تنقيز ولايصلح تقضي مشاوريك عليه لانه متعب للغايه
10 - الفورد اشهد لله انه حق بر وخط ومدينه ولفته اضيق من الشاص اذا اخذت اوتير الشاص لازم تدق ريوس بعض الاحيان
11- الشاص قيره محشور على 160 ضغط المكينه على 4 في الخامس الفورد 160 ضغط المكينه على 2 وربع
12- صوت الهواء والتنسيم الفورد جميل جدا ولاتسمع الهواء الخارجي الا بعد 160 الشاص حدث ولاحرج مع كل محل ينسم هههههه
بالنهايه مصفط الشاص له واقف اسبوع وطالع بالفورد لاني ارتحت معه مريح وهادئ وصرفيه اقل وطرب

هذا ابرز مالقيت من مقارنه بين الاثنين ومع الوقت راح افيدكم بالكثير
ولا انا متعصب ل اي سياره او اي شركه والشاص لي معه مواقف لاتعد ولاتحصى جملني فيها وبيض الوجه ولكن مايمنع اني اذكر عيوب اي سياره عشان يكون المشتري على بينه ووضوح

واشكر كل من مر على الموضوع واي سؤال انا حاضر بالتوفيق للجميع

الله يعطيك خيرها ويكفيك شرها وتبدلها بالعافيه

اسلوب رائع في الرد الله يعطيك العافيه :xyxthumbs:

almutllaq @user_297818 · 14-09-2014

السلام عليكم ورحمة الله وبركاته .

أخوي أنا شفت مثل موترك بالجزيرة عليه عرض ( مثل سعر موترك ) وموجود فيه دفلوك ونزول منحدرات .

الدفلوك موجود مع فرار الدبل تسحبه ويشتغل الدفلك والدليل تشتغل اللمبة .

الله يبارك لك بسيارك ويعطيك كل خيره ويكفيك كل شره .

تحياتي .

ابويزيد2 @user_303847 · 13-09-2014

السلام عليكم
مبروك الزين والله يعطيك خيره ،،، سوال من وين شريت الشمعات وهل هي زنن ،،،،، نبي لنا وحدة انا معي اخوه 2014
ارجر افادتي ولك الشكر

سرينا @user_280139 صاحب الموضوع · 11-08-2014

مشاء الله تبارك الله

مشاء الله تبارك الله:xyxwave:

آينشتاين @user_171369 · 18-02-2014

ر

رنج كروزر

^ ^
مقارنة بين (شاص) وبين فورد f150!!

:a1120(86):

بالبركة هالوحش ... ماشاءالله تاريخ واداء واعتمادية سيارة تسحتق ثمنها

ahmad4000 @user_48441 · 13-02-2014

ما شاء الله تبارك الله...

السيارة اللي معاك إذا هي 2013 فهي مزودة بالدفلك... وتشغيله عن طريق فرار الدبل...

شهاب السحيباني @user_84126 RiYaDh 4X4 GrOuP · 10-02-2014

ما شاء الله تبارك الله ،، الله يطعمك خيره و يكفيك شررره

انا معي غمارتين fx4
6.2L

فكيت الفاصل عند SLR

ما شاء الله يمشي ممشى الأوريون

ولا يضر قيره ولا شئ

و الحين ماشي ٢٨ و فاكه اول ما طلعته من الوكاله

و فيه جهاز اسمه htc او sth
الزبده حول الاسم

يبرمج الموتر و تقدر تطلع منه الاعطال لا قدر الله و تفك الفصله و تقدر تحدد الفصله منه مثلاً تبي ٢٠٠ او ٢٤٠

موتري جاب ٢٤٥ و باقي به حيل ما شاء الله

لكن الصدز خفت من السرعه

سرينا @user_280139 صاحب الموضوع · 07-02-2014

الله يعافيكم ويسلمكم بالنسبه للسعر كان عليه عرض من 125 الف الى 107 الاف وانا اخذته مع العرض
السياره صندوق صغير فل كامل راح اوافيكم بصور شامله عما قريب
بالنسبه لوضعها في الرمله انزله منسم الكفر وامشي ولايحتاج اني اشغل دبل مره هب ريح واوضاعه مشاء الله كلام
السياره مشاء الله تتحمل الجور والتدعيس ولاعندها اي مشاكل
واللي يسال من وين اخذته من توكيلات الجزيره طلعته

مواصفاته بالضبط
1-مانع انزلاق ومانع انغلاق
2-ارقام سريه ع الباب
3-شاشه 3d في العداد للرحلات ونظام التحكم ومعلومات البنزين ونظام ماي كاي وارتفاع السياره ومدى الانحدار ومدى الميلان وبوصله وتحكم بالسنتر لوك وبالاضاءه و ومعلومات شامله عن السياره
4-نظام مايكروسفت سونيك الصوتي مع بلوتوث ويو اس بي ووصله اي يو اكس وارقام الهاتف واستقبال رسائل الجوال
5- نظام المحاكه الصوتي لتنفيذ الاوامر
6-حامله اكواب عدد اربع حاملات
7-سلم مخفي مع عصا للطلوع الى الى الصندوق
8-ارباقات جانبيه مع اماميه عدد 5 ارباقات تقريبا
9-مساحه خلف المراتب تتسع للاغراض والامتعه
10-كشافات ضباب
11-عدادات شديده الوضوح
12-مكيف الكتروني

هذا مايحضرني ونوافيكم بالصور قريبا
واشكر كل من شارك بالموضوع هذا وصلى الله وبارك

انا وسيارتي @user_181125 · 07-02-2014

وعليكم السلام ورحمة الله وبركاته

ماشاء الله تبارك الرحمن

تقرير رائع لسيارة أروع !

كم أنا معجب بهذه السيارة !

في أمريكا تحتل المركز الاول في المبيعات بينما لدينا الإقبال عليها ضعيف مع العلم أنها أفضل من السيلفرادو والسييرا !

ربي يعطيك خيرها ويكفيك شرها

Bader-M @user_3304 · 05-02-2014

مبروك ختيار موفق

محرك فورد الجديد قوي جدا
رغم ان سعة اقل من القديم الذي كان 5.4 لتر
والجديد 5.0 لتر الا انه اقوى ب 50 حصان حيث تبلغ قوة 360 حصان و عزم 54 و ذو 32 صمام 4 صمامات لكل اسطوانه
عيبة الوحيد من وجهة نظري الشخصية عدم توفر قفل للدفرانسات (دف لك)
مبروك مرة اخرى

سالم wj @user_293654 · 05-02-2014

يعطيك العافيه اشهد انك ماقصرت بيض الله وجهك

ابـو الـخـل @user_164703 · 05-02-2014

ياخي وينه من زمان ذا

اذكر ما يجي صندوق قصير الا السياحي مره والي زي موترك يجي صندوق طويل

بس كيف وضعه بالنفود

سليمان15 @user_294694 · 05-02-2014

وعليكم السلام ورحمة الله وبركاته

مبروك اخوي الله يعطيك خيره ويكفيك شره

بس بكم شريته ؟ ومن أي وكالة؟