طبعا السياره اجار..استاجرها اخوي وانا طلعت عليها مشوار وقلت اسويلكم تجربه سريعه
السياره XLI ستاندر قزاز كهرب قير تماتيك وريموت،، طيس بدون كشافات ماشيه تقريبا 4600
السياره من الامام
المفتاح
مثل ماتشوفون الريموت مدمج مع المفتاح يعني ابو جميل ماركب الريموت بورشته الحمدلله
الطاره ويوجد ازارير للتحكم بالصوت وتغيير موجة الراديو وزر لكتم الصوت
طبعا ازارير تغيير موجة الراديو مالها أي فايده لان مافيها خاصية البحث (البحث فيها يدوي) يعني لازم تضغطها بشكل متكرر حتى توصل التردد المطلوب
الطبلون
الطبلون انيق لكن كله بلاستك رخيص ماعدا الغطا العلوي وشكله جميل لكن المسجل توليف ومشوه المنظر
مواصفات المسجل سيدي واحد ومنفذ AUX و USB بشكل عام الداخليه كلها بلاستيك "رخيص" مافيه الا الدركسون وعصا القير والطبلون من الاعلى زي ماذكرت وفيه بالباب مكان تكاية اليد قطعة قماش
هذي صورتها
المساحه الخلفيه جيده
معدل الصرفيه 8 لتر لكل 100 كيلو
مثل ماتشوفون كانت لمبة البنزين شغاله وعبيتها 5 ريال بنزين اخضر ووصلت للربع وتمشيني 146 كيلو واذا مشيت تولع لمبة الايكو ولونها اخضر eco
اللي عجبني فيها تصميمها الخارجي والداخلي ونعومتها على المطبات
يعيبها بنظري
1- كثرة البلاستيك
2- العزل الارضي ،، سقتها الصباح واحس جاني صداع بسبب العزل الارضي مدري يمكن علشان الشوارع فاضيه والمسجل طافي لكن احس انه كان يضرب بمخي
3- مسجل ابو جميل مشوه الديكور وازارير تغيير التردد لاتعمل بالشكل المطلوب
4- كرسي السائق احسه ضيق مع العلم جسمي عادي
5- السياره تثقل ويطيح عزمها اذا شغلت المكيف < اعتقد انه شي طبيعي على هذا النوع من السيارات لكن وش خلت لليارس
6- الدركسون الكهربائي ماهضمته احسه مايصلح على السرعات المنخفضه
هذا اللي فبالي حاليا واتمنى اني افدتكم واعذروني على جودة الصور اخذتها على السريع
تحياتي,,,
