جزاك الله خير على معلوماتك القيمة، انا كنت بافكر بنفس الفئة اللي معاك، لكن ماطلع فيها وسائد هوائية للركاب فطلبت الفل ، واتوقع اني ساصرف النظر عنها.
طيب هل لك خبرة عن الارمادا ، والهوندا بايلوت، وايش فيه سيارات بهذا السعر ومناسبة مواصفاتها وتتحمل.
تحياتي
أهلاً فيك ..
أنا كنت بنفس وضعك .. يمكن تلقى لي موضوع هنا قبل لا أختار السيارة ..
كنت حاط في بالي الباثفايندر + الإكسبلورر + البايلوت + الترافيرس أو الأكاديا + المازدا CX9
طبعاً صرفت النظر عن أغلبهم بسبب إن الباثفايندر عجبني شكلاً وكذلك شكل جديد
وللأسف ما فكرت في أمور ثانية كونه جديد مشاكله كثيرة وكونه الوكيل جديد مشاكله كثيرة
للأسف أحس غلطت غلط كبير
السيارة للأمانة تحمل مميزات جداً حلوة .. يعني أغلب مميزاتها ماتلقاها في قريناتها من نفس الفئة ..
لكن مو مهم هالمميزات إذا السيارة سيئة ..
السيارة مثل ما قلت قبل فيها مشكلة في القير (من تجربة لي أربعة شهور السيارة بس للصيانة والعيسى مو عارف إيش يسوي أكثر من 10 زيارات لهم دون فائدة)
السيارة أحس جودتها مو جودة سيارات نيسان .. (عن تجربة سيارتي أنواع الأصوات في الديكور + خربت نافدة السايق + خرب نظام الإطارات )
هذي الأمور صارت كلها والسيارة ما مشت حتى 2000 فقط أطلع فيها لمشاوير الصيانة ..
الله أعلم إن كان أنا إبتليت في سيارة مضروبة هذا شيء ثاني
بس مشكلة القير هذي منتشرة وأكثر ملاك الباث صادفتهم بعضهم حلوها لهم ببرمجة والبعض بتغير القير
والله يعين
....
البايلوت ممتاز والكل يمدح فيه لكن مثل ما سمعت أن قريب يتغير شكله ..
ال Cx9 أسمع إن مشاكلها كثيرة ..
الـ ترافيرس كانت خياري الأقرب بعد الباثفايندر عجبتني تغيرات نصف العمر
بس ما إرتحت لأسياتها أحسها قاسية
الإكسبلورر .. مميزة وحقيقة موتر جبار بس بعد يقولوا فيه مشاكل في العزل وطرمبة البنزين وأصوات في الديكور وأمور أخرى بسيطة
