مقارنة بين أكورد فل كامل 4 سلندر و أفالون xli 2014

اذا بتحصر خياراتك بين هذين السيارتين ؛ فأرشح لك الافالون لانها فئة اعلى وأوسع داخلياً واقوى محرك ؛ وفوق ذلك ارخص ؛ وحتى لوتفوقت الاكورد ببعض المواصفات فتبقى سيارة اربع سلندر تتقارن بالكامري والالتيما والسوناتا ؛ واشوف سعرها مبالغ فيه ..

عموماً عليك بالاستخارة والله يختار لك الخير ..

شي غريب عندنا بالشرقية عادي تجرب
في الوكالة تاخذ موعد وتجرب السيارة
؟.

تقصد عبداللطيف جميل اذا تقصدهم استفسرت قالوا ما عندهم تجربة

كنت أتوقع أن الأكورد أمتع السيارات اليابانية في القيادة

حتى جربت أفالون أحد الشباب XLE 2013 كانت رائعة وممتعة وناعمة

العملانية والكرف معروفة عن تويوتا

يحق لك الحيرة بين الأكورد والأفالون

لكن بعد أن جربت الأفالون ولأنها 6 سلندر أميل لصالح الأفالون

لكن لايمنع أن تستخير وتجرب السياراتان (يوجد تجربة مجانية للأفالون عند أبوجميل)

الافالون ال xle اتوقع يجي فيها دخول ذكي

ارشح افالون
لاكن عيب الافالون بالفئه اللي اخترت انها جلد بدون تبريد
والاكود الفل شاشه تجي جلد بدون تبريد
علشان كذا اقولك خذ افالون او اكورد فل مخمل بدون شاشه

واستخيييييييير

انا انصحك بالأفالون لانها فئه اكبر ..

لكن نصيحتي خذها من قطر ! والسبب ان الـXLE عندهم نفس سعر اللي عندنا لكن يزيد : فتحه سقف - كشافات - مرآية تعتيم ! ..

ههههههههههههه طيب ليش التشهير من جد ماني جنب الكوري إطلاقاً لكن أخذ اراء الأخوان لعلي أستفيد من خبرتهم...

هههههههههههههههه ابو نوره :smile:
راعي الموضوع الله يوفقه ويوفقنا معه واضح موهب يم الكوري لو تقوله ببلاش :bigggrin:


والله يا اخوي الفاضل صاحب الموضوع ماجربت هالسيارتين لكن الـ 6 سلندر افضل من الـ 4 ولا فيه مقارنه من حيث الهدوء والعزم والقوه ولا اعتقد يختلف اثنين على ذلك

من جهة اخرى انصحك نصيحه اخويه انك تستأجر هالسيارتين من محلات الايجار .. يعني هذي يوم وهذي يوم ثاني وشوف انت الفرق ووش ترتاح له ...

الله يوفقك وبلغنا وش بتاخذ :xyxthumbs:

لكن متى بتنزل

أخوي بهذا المبلغ انتظر الازيرا الجديدة للي سوو عليها فيس لفت واظافوا لها مواصفات فوق مواصفاتها الجبارة

نصيحتي لك بهذا المبلغ تاخذ ازيرا مواصفات اكثر من الافلون اللمتد بعد وv6

مشاركتك بهذه المعلومات يعني أنك تؤيد الأفالون

مواصفات العاديه

- محرك 6 سلندر 3.5 لتر274 حصان
- 24 صمام بنظام VVT-i
- ست سرعات أوتوماتيكية
- جنوط ألمنيوم مقاس 17 بوصة
- نظام التوقف الذكي (BOS)
- فرامل مانعة للانغلاق مع موزع فرامل إلكتروني مساعد فرامل
- نظام التحكم في توازن السيارة ونظام التحكم في الالتصاق الناشئ من التسارع.
- وسائد هوائية أمامية للسائق والراكب، وسائد جانبية، ستائر
- جانبية، وسائد لركبة السائق والراكب، وسائد للمقاعد الخلفية.
- مرايا جانبية بتحكم كهربائي و إشارة إنعطاف
- مشغل أسطوانات أحادي مع 8 سماعة و بلوتوث مع منفذ USB & AUX
- مكيف أوتوماتيكي مستقل بمنافذ خلفية
- مثبت سرعة
- أنوار أمامية هالوجين
- حساسات أمامية وخلفية
- شاشة عرض معلومات
- مقود وناقل الحركة جلد مع أزرار تحكم على المقود
- مقاعد جلد
- حركة كرسي السائق كهربائية بثمانية اتجاهات
- حركة كرسي الراكب كهربائية بأربع اتجاهات
- تخشيب داخلي
- المفتاح الذكي
- زر توقيف وتشغيل المحرك
- مقابض أبواب خارجية مطلية بكروم

و المتد

- أضف ل إكس إل إي …
- فتحة سقف
- جهاز واي فاي مع 5 جيجا شهريا ل 6 شهور.
- مرايا جانبية بتحكم كهربائي مع ذاكرة
- مرايا داخلية ذاتية التعتيم + بوصلة
- أنوار أمامية عدسات عالية الكثافة + أنوار امامية ال اي دي للنهار
- ستارة خلفية كهربائية
- مقاعد جلد فاخر
- تبديل السرعات خلف المقود
- حركة كرسي السائق و الراكب كهربائية بثمانية اتجاهات مع
- دعامة الظهر كهربائية للسائق
- تهوية المقاعد الأمامية
- ذاكرة كرسي السائق
- كشافات ضباب أمامية

الافلون اهيب من الاكورد وافخم كذلك ومواصفاته اعلى هذا بدال رد الاخ الي قالك في فروق مابينهم
----------------------------------------
بالنسبة للزيادة 20000 الف منها راح تحصل على المواصفات التالية:
تبريد تسخين (من اهم المواصفات في جونا الحلو)
ذاكرة وخرائط وكماليات للشاشة
F1 مادري اذا موجودة بال XLI ولالا
دخول ذكي بصمة
وغيره واعتقد كذلك رادر (ليس اكيد)

من أية ناحية أفضل غير المكينه

عزيزي الأخ bo 3low

ما اعتقد راح أزود عن 117000 بس أنا أشوف الفرق بين الأفلون xli وفئاتها أشياء حسب أعتقادي كماليه يعني جلد وذاكرة وكم شي انا يعني حرام أزود 20000 عشان كم شغلة ولا أيش رايكم

117 الف لو تزودها وتاخذ افلون لمتد افضلك
الافلون بالمواصفات يتفوق على الاكورد الست سلندر وكذلك الاربعة
السيارتين اعتمادين وكل سيارة تقولك الزود عندي
بس انا اشوف انك تختار الافلون افضلك مواصفات جدا ممتازة
والاكورد كذلك سيارة عملية ومميزة وقوية بس مافيها مواصفات
بعكس الافلون فيه مواصفات جدا ممتازة ومبروك مقدما
ويفضل نفس ماقلت لك تزودها شوي وتاخذ لمتد عشان ماتندم بعدين
ولك الخيار وقبل كل شي انتظر باقي الشباب واستخير قبلها كذلك
بالتوفيق ومبروك مقدما اخي

الموضوع محير
لتقارب السعر
واحتمال افالون 2015 تتغير
راي انتظر بعد رمضان
و مواصفات الافالون افضل من الاكورد بغض النظر عن المحرك 4 او 6

وانا بعد مثلك اخوي محتار بين الاكورد و افالون

مع انى اميل اكثر للاكورد بسبب عتماديتها لانى ناوي اكرف السياره فوق 5 سنين