كامري 2015 عند عبداللطيف جميل مفاجأه

قبل العيد رحت الوكاله اسال عن الكامري الدرجه الثانيه الي اعرفه انها بدون تنده جي الي اكس
قال لي هذي مش موجوده خلاص في لمتد لا مثبت سرعه ولا تخشيبه ولا تنده ومثل ماقالو مكيف عادي علي 85 !!!
يعني جايب الستاندر ولاعب فيها ويصرفها علينا
والله انا ماودي للوالد بالكامري بس وش تسوي الشايب يبي الكامري

-----------------------------------------------------------------------------------------------------
هذا هو الكلام هو الكلام المضبوط.

الكامري انتهت عام 2002
والي بعدها مكينه في كرتون ولولا سمعة 2002 ما شرينا 2009
سيارات تويوتا السيدان في انحدار عجيب حتى الافالون الجديده انواع المشاكل رجه وعزل زفت والمواد الداخليه ابوكلب مقاعد تتفكك وسقف يطيح هذي من اول 500 كيلو

هالحركه سواها في عام 2009 مع الكامري ايضا

لان 2010 نزلت بتحديثات خفيفه في الواجهه من شبك وكشافات وأصطبات خلفيه

ونزل موديل 2010 مثل 2009 بالظبط مع تغيير بسيط وتلفيق أكسسورات مثل الليد بجنب كشافات الضباب

وبعد مده نزل موديل 2010 بأسم ( الدفعه الثانيه ) بتحديثاته الحقيقيه , والان عاد نفس الطريقه مع 2015

ياسلام عليك هذا الكلام الصح
وهذا سبب المبالغه في مدح تويوتا من الشرطيه لان رزقهم عليها ابوجميل لعبها صح
وكأن العيسى بداء يسوي مثله لكن فاز بها ابوجميل ولعب لعبة الاعلام بخشم الريال

تسمع الناس تقول تويوتا اجود من المرسيدس واصبر وكل شي تشتريها ماتشوف الا الكلام الفاضي وقلة المواصفات والكوري اجمد منها بمراحل !!!

انا ناوي اشتري 2014 اشريكم في سيارة ياشباب ميزاته وعيوبة

وشكرااا مقدما

اذا ما شريتوها انتوا طيور شلوى تلقاهم صافين سرى ف الوكالة الحين خخخخخخخ

ابو جميل له سياسته التسويقيه الخاصة لكل فئه من سياراته
ويعتمد على المعارض في تسويقه لسياراته الكامري والافالون والكرلا حتى الجيوب .... يتم اتفاق مع اصحاب المعارض بان لا يكون هناك عرض اقل من السعر الفلاني للمده من والى ... مع رفع اسعار الوكاله بشكل خورافي حتى يتجه المواطن المضحوك عليه الى المعارض..
مثلا الافالون يشتريها معرض عماد الدين الخالدي ب 136 الف ويبيعها 139 الف
والوكاله يقولون سعرها الاساسي 149 الف
واذا شافوك الوكاله بتصمل قالو فيه عرض ب 143 الف
طبعا اتكلم عن فئة فل الفل

فالخلاصة ان ابو جميل لا يعتمد على فروع الوكاله في عملية التسويق
يعتمد على تجار المعارض من خلال البيع بالجمله وباسعار منخفضه

هذا بسبب تكدس الموديل القديم في مخازنه
وبمجرد الإنتهاء من بيع اخر سياره مكدسه لديه
سيبيع فورا الموديل الجديد
علماً بان هناك موديلات 2013 لازالت موجوده لدى الوكيل وتنتظر صاحبها
طبعاً سيكتب في الاستماره على انها موديل 2014
حتى المرور يداهنه ويعامل الناس بالغش
الله لنا

بتنزل الشكل الجديد في امريكا في شهر اكتوبر بعد 3 اشهر

لسى مانزل الشكل الجديد بأمريكا وبيسوي لخبطة بالتسمية

ماله علاقه يا جماعه ..

حتى في امريكا ما بعد ينزل الشكل الجديد .. ونزل عندهم نفس الشكل هذا ..

الدفعه الثانيه اعتقد راح تكون الشكل الجديد ،، او موديل 2016 ..

كامري 2015 نفس 2014 عند ابو جميل