تكفووون افيدوني يا رجاال

^
^
^

الله يعافيك أخوي فارس

بالنسبه لفئات الجراند شيروكي 8 سلندر هم 4 فئات مع srt8

طبعا انت ماتبي srt8 لذلك يبقى عندك ثلاث ليمتد اقل فئه ثم الاوفرلاند ثم الساميت

الاوفرلاند ممتاز وكامله مواصفاته من تبريد وتدفئه ورادار وتشغيل عن بعد وووو إلخ

والساميت فئه اعلى منه بزيادة مواصفات بسيطه وتقدر تقول هالفئه فاخره تقريبا

والاختلاف يكون ان الساميت يتوفر بجنوط بشكل خاص مقاس 20 وصدام امامي وخلفي بشكل أفضل ( كت )

والداخليه بلون بني محروق بالكامل من ديكور ومقاعد والجلد والخشب من نوع فاخر بالإضافه

لوجود لمسات كروم على الصدام الامامي والخلفي وسعره بــ 216 الف

الاوفر لاند بـــ 198 الف و srt8 بــ 256 اما الليمتد فــ مالي علم فيه , شخصيا أشوف الساميت أفضلهم بالشكل من بين الليمتد والأفرلاند

وتأكد بنفسك من الأسعار والمواصفات لان الوكيل مشكلته المواصفات تختلف من دفعه لدفعه

بالتووووفيق عزيزي

علماً اني ابي موديل 2014

الله يعطيك العافيه اخوي الريم على نصيحتك
بس الشيروكي لو ابي اخذ اي انواع الفئات اخذ عندك لمتيد او اوفرلاند او سوميت اذا عندك خلفية عنهم ايهم احسن
من غير الاس ار تي لانه غااالي وبدون دبل ..

محدثك يملك أف جي

واقولك في البر وفي المدينه خذ رجال والراحه فيه ممتازه ماعدى الصف الثاني

لكن في الخطوط ماينفع والسبب تصميمه الغير أنسيابي , اما الجراند شيروكي

فهو ممتاز في المدينه والخطوط وحتى في البر يمشيك لكن مو بقوة الاف جي

على العموم النقطه المهمه هنا هي الأعتماديه والوكيل !! وكيل تويوتا مايحتاج اتكلم عنه

وتوفيره للقطع بشكل كامل وكثرة موزعين قطع الغيار لكن المتحده وكيل جيب هو ثاني أسوء وكيل

بعد الحمراني في المملكه من ناحية الصيانه وتوفير القطع بالوقت المناسب , سيارتي السابقه كانت

شيروكي 2003 شفت منها نجوم الظهر بسبب كثرة الأعطال والخرابات وفوق هذا القطع كلها طلبيه من الوكيل

ايضا جربت جراند شيروكي الجديد 2012 واقولك وبكل صراحه انه سياره أبدااااع ومواصفات ومركبه رائع

لاتنسى الاستخاره والتجربه

الله يجزاكم خير واحد واحد ومشكورين على النصائح
وان شاء الله راح استفيد من نصائحكم لي تقبلوا ودي ومشكورين ما قصرتوا

اهم شي الاستخارة

مرحب فيك اخوي فارس ..

شف طال عمرك مثل ما ذكروا الاخوان الاف جي انا اشوفه يتميز بشيء واحد فققط وهو / السيارة تنفع للبر وبقوة ..
لكن كراحة في الخط والمدينة ما يقارن ابد بالجيب قراند شيروكي , وللأمانة ماقد جربت السيارتين لكن امس كنت في جمعة مع الشباب وواحد منهم جرب الاف جي بالخط , يسبه بشكل قوي صراحة وقد سمعت انه ماهو بذاك الزود لكن على السرعات فوق 120 ..

المهم , انا عن نفسي افضل القراند شيروكي كفخامة وراحة ويلبي جميع الاحتياجات والمواصفات لصالح الشيروكي طبعا ,اما بخصوص المحرك بالشيروكي الثمانية سلندر منه اقوى من الاف جي ويجي بمحرك ال V8 يعطيك 370 حصان وقير ثمان نمر , بينما الاف جي سته سلندر فوق 300 حصان ..

والوكيل بالرغم من سمعته الي نسمعها ولكن انا مجربه بكرايسلر 13 والحمد لله ماقد احتجته بشيء ..

وفي الاخير انصحك بتجربة كلا السيارتين قبل الشراء , ولاتنسى تستخير ربك وبالتوفيق..

على راسي والله اخوي و حياك بينا ممكن كان سوء فهم

اوقات يكون الردود على حسب معرفه الشخص ولا يحب يفتي عليك عشان كذا اوقات تشوف المشاهدات عاليه و مافي ردود او ردود قليله ومثل مانت عارف في اعضاء فقط يتصفحون غير مشاركين و في اعضاء ماشركين باستمرار وانا واثق من كم واحد راح يعقب على موضوعك وراح يفيدك

بخصوص موضعك الافضل لو واحد مجرب السيارتين راح يعطيك رايه افضل من الي ماجربهم
انت شوف احتياجاتك افضل و انت الي تقدر تحكم على السياره

بالنسبه لي

الFJ مخصصه للبر فقط يعني لا مواصفات ولا راحه فيها مركبها قاسي و في السفر غير مريحه و انواع الازعاج خاصه من الزجاجه الاماميه بسبب انها شبه قائمه (اوضح في الرئيه في البر و الطعوس )
لكن وكيلها يعتبر ممتاز في خدمه مابعد البيع (اذا انت عزوبي و راعي طلعات بشكل كثير للبر و النفوذ راح يصلح لك على حساب الراحه طبعا )

اما الشيروكي و الشركه هذي معروفه رائده بالجيوب مايحتاج لها شهاده و تتميز بالمواصفات و اكثر راحه و ممتازه لو معك عائله ( لكن سمعه الوكيل مش ولا بد ولا الكل يسب فيه يعني الوكيل ماشي مع ناس بشكل ممتاز جدا و مرتاحين معه )

انت على استخدامك يعني
FJ يعتبر كانو سبورت باب و ربع و مخصص للبر بشكل اكبر من المدينه
شيروكي عائليه فيها مواصفات الراحه و ينفع لمدينه و البر و السفر

ان شاء الله اكون افدتك ولو بشي البسيط

و مسموح ياخوي

اهلين اخوي انا ما قصدي الفاشل الي رد علي هو على عيني وراسي ما اقصد هو الفاشل
انا اقصد ان مافيه مشاركات واجد على ردي ومشكور على التنبيه اخوي تسلم
واعتذر لاخوي الرد علي ما اقصد هو وانا اسف مره ثانية شكرا على التنبيه

الله يسامحك يافارس

الحين من ردك هذا تتوقع احد راح يساعدك :c0038: الرجال ماقصر معاك واعطاك النصيحه و تقول عنه فاشل برضو بدل من شكره الاخلاق فوق كل شيء ولا احد مضطر و مجبور يرد على موضوعك

الاخلاق و السمعه الطيبه هي الي باقيه لا منتدى ولا ردود ولا انسان باقي

منتدى فاشل معقوله بس الرد واحد الي رد علي فاااااشل